2 Timoti 2:12 - Ibani New Testament

¹² Wa pa ngịrịma nyáná nyáná, wamịnị na ori na taábẹm. Wa ḅọ́rọ́ o pighi pighi, ori sọ wa pighibẹm.

2 Timoti 2:12 Iomraidhean Croise

Matiu 10:33

Kụ́ma i pighiḅọ gonyẹ́ gonyẹ́ tuminikiriapụ tórúku, a pịghị n ḅo pighibẹm i Daá ma tórúku sobie.

Matiu 26:35

Kụ́ma Pita dugho pághámam, <<Ḅọ́rọ́ a ịrị na fịị bẹ sọ! A jẹ́ éné jẹ́ éné ị pighibịgha.>> Isi ọḅụduaapụ ma sọ anị gbẹ́rẹ́nyẹ ma dughom.

Matiu 26:75

Anịsáa Pita warị Jizọs kọọ ẹ́gẹ́rẹ́ pa biekóróma: <<Ọbịọ ma na págháa sáá i tẹ́rẹ́ a sáá pa i pighibẹm.>> Ọ warị pághá nụ́ngọbie muu sị ibima owu.

Ibi Oku Ma Mak Anị Gịẹ Ḅara 10:33

Ọ warị dugho n pịrị ḅẹẹ, <

Ibi Oku Ma Mak Anị Gịẹ Ḅara 8:38

I ḅọ́rọ́ i dighi ḅụ́gịrịrị na pịghị ị́yẹ́ dienyẹ ma dighi ḅụ́gịrịrị, mị Tamuno nimigha na pịghị sisịbịbie éné ma ḅụ, anịsáa Tumḅọ yii Tụ́wọ ma sọ i dighi ḅụgịrịrịbẹm ọ ḅoo bẹ sáá ọ Daa ma ipine ḅụ ori na ori tọ́ntọ́ sookumuapụ.>>

Ibi Oku Ma Luk Anị Gịẹ Ḅara 12:9

Kụ́ma túminị́ ogbo ị sịghị ḅọ́ gonyẹ́ gonyẹ́, Tumḅọ yii Tụwọ pịghị Tamuno sookumuapụ fịnị ngaa anị ḅoo sịghịbẹm.

Ibi Oku Ma Luk Anị Gịẹ Ḅara 22:29

I Daá ma kụrọ́ pa i pịrịmaá ḅara ḅẹẹ a taa anị gbẹ́rẹ́ ḅara ma anịị a kụrọ́ pa ọ pịrịbẹnyẹ.

Ibi Oku Ma Luk Anị Gịẹ Ḅara 22:30

Ọ fịbẹm pịghị ḅuubẹm ị́yẹ́ nyẹ́fị ịkasị ọgọnọ ị́yẹ́ amadakiri ọ pịghị imine ọgọ́nọ́ fịnị sị Izirẹlị oyi mmẹẹ́ ama findi ma taa.>>

Ibi Oku Ma Luk Anị Gịẹ Ḅara 9:26

Tumḅọ ḅọ́rọ́ ị dighi ḅụ́gịrịrị pịghị ị́yẹ́ dienyẹ ma dighi ḅụ́gịrịrị, anịsáa, irị Tumḅọ yii Tụwọ ma so n ḅo dighi ḅụgịrịrịbẹm, ọ ḅo sáá ori ipine ḅụ, na pịghị Daḅọ ma ipine, pịghị tọ́ntọ́ sookumuapụ ma ipine ḅụ.

Fịrị Ḅara 14:22

Nnị ịnyọ pa mininiapụ ma ḅụ suam ḅẹẹ nnị karakárá ḅụ sẹ nna minini ma pịrị. Warị pa n die ḅẹẹ, <>

Romapụ 5:17

Karakárányẹ ḅẹẹ gbẹ́rẹ́ owitụ́wọ sii ḅụ ḅọ́rọ́, fịị saghị ámá kánámam sị sẹ gonyẹ́ gonyẹ́ taa, gbẹ́rẹ́ owitụ́wọ ma gosi. Kụ́ma gbẹ́rẹ́ owitụ́wọ Jizọs Krais ine anịma nẹ́ngịma nyẹ mịẹm. Tamuno mánámāná tọ́rụ́kụrụkụ́rụ́ ma daakịapụ gonyẹ́ gonyẹ́, igbii gbẹ́gha ḅụ karakárá ibiamịẹnyẹapụ sọm, mịnaapụ ma duma ḅụ sọ́ḅáapụ sọ́bẹm Krais ḅụ ḅọ́rọ́.

Romapụ 8:17

Wa Tamuno ma awọ sọmaá ḅara ma, wa pịghị o kóróma ori a túminị́ pịrị karịibima ma nyánábẹm, wa pịghị Krais na nyánábẹm Tamuno kóróma ọ pịrịnyẹ; wa ḅọ́rọ́ Krais ma tọ́rụ́siarị ḅụ diekiri nyánam, wa pịghị ori ipine ḅụ diekiri nyánábẹm.

Filipaiapụ 1:28

Ị́yẹ́ iruonaapụ dighi ḅáláfama, sámámgba kúkúbie kụrọ nyáná, mịma diebẹm ḅẹ ḅẹ́rẹ́ nna ḅara siim ḅẹ ọmịna ḅara ḅẹ́rẹ́ ibim, Tamuno anị sọ́ḅá ma pa ọ pịrịarịḅọ.

1 Timoti 5:8

Ine amịna mịnaapụ siḅegha ḅọ, anịị taa na awọ pa tórúku tarị, anị tumḅọ ma ọḅụ pa minini ma gbimam, mininighaḅọ ibi anị tumḅọ ma nẹngịm.

Judu 1:4

Jẹa túminị́ Tamuno nímighaapụ ḅọghu ḅara pa ikirisọḅomam ọ mịnị ogboku bie sị Tamuno tọ́rụ́kụrụkụ́rụ́ oku ma dima, nnị pa nna yáakuu ḅụ ofori nwángị ma kọ, pịghị Jizọs Krais wámịna kpọ́kpọ́ Daḅọ na wámịna Nyánáḅọ sịghị. Ḅọlọmaa sáá Tọ́ndiri ma dugho kórómamam nnị nyanamaá ḅẹ́rẹ́kọ.

Puu Findi 1:6

Warị pịghị igwagwaapụ amadakiri pa wa mịẹsị wa fịrịnwangị ọ Daa na Tamuno ma pịrịị. Boma na ịnyọ fịnị Jizọs Krais pịrị ákị mú ḅẹsá ḅẹsá láa! Anị ọkọ fịnịị.

Puu Findi 1:9

Irị anịị Jọn, ọmịna mịnaḅọ owitụ́wọ, pịghị Jizọs duaarị gbẹ́rẹ́ḅọ irị ọ́ḅụ gbẹ́rẹ́ḅọ ngịrịma pa ori ásẹ́mẹ́kiriapụ laarị tọ́rụ́siarị ma arịarịḅọ. Nnị i pa Patmọs ogbosúányẹ ḅụ kórómam a Tamuno ẹ́gẹ́rẹ́ ma dugho wásámam na pịghị Jizọs diepágháma karakárá gosi.

Puu Findi 2:13

A nimim ọmịnị ngaa angaá, anịị Satanị ma ori imine nyáná ngaa. Anịsọ ọ pa sẹ́kụrọ ị́yẹ́ ẹrẹ ma pịrịm ọ pa ịḅụ mininim nnị Antipasi ị́yẹ́ karakárá onyésẹ̄ḅọ ma ḅá sa ọmịna opu ama bie anịị Satanị ma ngaa angaá.

Puu Findi 20:4

Anịsáa a tọgha imine arịm, anị ọ́gọ́nọ kpọrọfịnịapụ nnị kụrọ pa n pịrịm ḅẹẹ nnị ḅẹ́rẹ́kọọ. A pịghị n sịbị pẹ́lẹ́apụ ma biebẹ duma arịm ḅẹẹ nnị Jizọs diepágháma karakárá ma na Tamuno ẹ́gẹ́rẹ́ ma dugho wásámam. Na nnị susi ḅáláfama nama ma pịrịgha anịgha n tẹ́mẹ́ sị pa anị pa biekóróma bẹnyẹ, anịgha anị ilíghíma nyáná nna fụ́ḅára ogbo anịgha nna ḅara. Nnị pịghị ḅoo dumam sị Krais na taa ámányánáapụ ḅara kụ́rá a mmẹẹ́ ndẹ́ẹ oyia si findi.

Puu Findi 20:6

Karịiḅi na tọ́ntọ́ fịnị parị fịị ḅụ sághị ma bie sọapụ pịrịm, Mmẹẹ́ kárámá fịị ma nna ḅụ kụ́rọ nyanagha; nnị Tamuno na Krais igwagwaapụ sọbẹm, nnị pịghị ori na taábẹm kụ́rá a ndẹ́ẹ oyia si findi.

Puu Findi 3:10

Ọmịnị a sua ọ pịrị ólóghó ma kokomam gosi sị ngịrịma nyáná, irịsọ pịghị ọ koko warịbẹm tuminikiri ḅoarị ḅụḅáláḅálá sáá ma ḅụ, ḅoo tuminikiri fịnịapụ ma daádighi bẹnyẹ.

Puu Findi 3:21

<

Puu Findi 3:8

A ọ ọmịna mịẹnyẹ nimim, a ḅụ́pọ́ findi ọ pịrịmam gbẹ́rẹ́ḅọ sọ ine ikásịbịgha nyẹ. A nimim ḅẹẹ ọ kálá ịnyọ nyánam; ọmịnị ị́yẹ́ dienyẹ ma duamam, ọ pịghị sẹ kụrọ ị́yẹ́ ẹrẹ ma pịrịmam.

Puu Findi 5:10

I mịẹmam nnị igwagwaapụ amadakiri sọọ sị n fịrịnwangị wámịna Tamuno pịrị, n pịghị tuminikiri ma ḅụ taábẹm.>>