2 Timoti 1:9 - Ibani New Testament

⁹ O wa duaḅọ́rọ́mam pịghị wa sị ḅẹ́ wa ḅoo ori a túminị́ sọọ, wa mịẹmáa nyẹ gosigha, kụ́ma ori mịẹ dọghụnyẹ gosi na ori tọ́rụ́kụrụkụ́rụ́. O mịị tọ́rụ́kụrụkụ́rụ́ ma pa wa pịrịm tuminikiri na saghịgha sa éné éné Krais Jizọs sịbị ḅụ ḅọ́rọ́.

2 Timoti 1:9 Iomraidhean Croise

Matiu 1:21

Árị owitụ́wọ yiibẹm, Jizọs anịị i pa ọ sịịbe ẹ́rẹ́, tegó, ori ọrẹ a túminị́ duaḅọ́rọ́mabẹm nna sii ḅụ.>>

Ibi Oku Ma Luk Anị Gịẹ Ḅara 10:21

Anịsáa ma ḅụ Tọ́ntọ́ Tẹ́mẹ́ ma warị ḅo Jizọs bieḅẹlẹma, Jizọs warị ḅẹẹ, <

Ibi Oku Ma Jọn Anị Gịẹ Ḅara 17:24

<

Ibi Oku Ma Jọn Anị Gịẹ Ḅara 17:9

A tẹ́ghẹ̄ nnị pịrịm. A tẹ́ghẹ̄ tuminikiri ma pịrịgha kụ́ma a tẹ́ghẹ̄ ị pa i pịrịmáapụ ma pịrịm, nnị ma ịnyee gosi.

Ibi Oku Ma Jọn Anị Gịẹ Ḅara 6:37

I Daá ma pa i pịrịnyẹ gonyẹ́ gonyẹ́ i dámáḅobẹm, i damaḅo ḅọ gonyẹ́ gonyẹ́ a pịghị jẹ́ éné jẹ́ éné n ḅo deebịgha.

Fịrị Ḅara 15:18

Anịị Kị́nị́nyánáḅọ dugho ḅara, mịnanyẹ ma mịẹsị wa nimiḅo ḅọlọmaa sa éné éné.> >>

Fịrị Ḅara 2:47

boma pa Tamuno pịrịarị pịghị túminị́ mamgba ḅẹlẹma ḅẹlẹ fịarị. Éné mamgba Kị́nị́nyánáḅọ pa nna bie suam dụaḅọ́rọ́ma nyánáarịapụ.

Romapụ 11:14

dighidighigha a ine ị́yẹ́ jẹ́ Juuapụ mịẹsị nnị nyẹ́mọ́ni, si anị ḅụ ḅọ́rọ́ nna ḅụ jẹ́apụ dụaḅọ́rọ́ma.

Romapụ 11:29

Tamuno tẹ́mẹ́ dima dimagha ọ sẹlẹakiarị ḅọ na ọ karịibimaarịḅọ.

Romapụ 16:25

O ḅo wa Tamuno ma saghị sóghólóma, ori ine ọ mịẹ bẹḅọ sị ọ kụrọ sẹ ọmịna minini ḅụ, Jizọs Krais gboloma sị a dugho wásáma ibi oku ḅụ ḅọ́rọ́, na pịghị nnị ḅọghuma karakáráma nnị ḅọghuma nyẹ ḅọlọ sáá ene ene, mị́sa nnị anị diepághámamam.

Romapụ 3:20

Tamuno toruku gbẹ́rẹ́ḅọ sọ karakáragha ólóghó ma koko ḅụ, ólóghó ma mịẹarịnyẹ anịị mịẹsị túminị́ nimi ḅẹ́ nnị siinyẹ mịẹmam.

Romapụ 9:11

Kụ́ma mmẹẹ́ awọ ma na kiri laagha sáá ḅụ anịgha ḅẹnyẹ ḅẹnyẹ mịẹ ibinyẹ anịgha siinyẹ mịẹ, a warị Tamuno ḅara oku nyánáḅọ. Mịị oku ma diearị ḅẹ́ Tamuno túminị́ sẹlẹakiarị, ori tọ warị ḅara ḅụ;

Romapụ 9:24

Wamịnị anịị ọ sịapụ ma, Juuapụ ma bie ngéréghaa kụ́ma Juughaapụ ma bie so.

1 Kọrịntịapụ 1:18

Krais fịị mgbẹsẹ sị́ ọ́gọ́nọ oku ma anị oḅori nyẹ sọm faarịapụ ma fịnị angaá, kụma wamịnị ḅọrọma nyánáarịapụ ma anịị Tamuno ma kụrọ.

Ẹ́fịsọsapụ 1:11

Nyẹ gonyẹ́ gonyẹ́ nnị anị mịẹm Tamuno tọ warị ḅara; na ọ dọghụ ḅara na, Tamuno pịghị wa sẹ́lẹ́akị pa onye mịẹm Krais ḅụ ḅọ́rọ́, ọ mịẹ dọghụnyẹ go, ọ pịghị tọ warị ḅara sughu saghị sáá ma ḅụ.

Ẹ́fịsọsapụ 1:9

Tamuno pa wa diemam ḅọghu sị ọ mịẹ dọghụnyẹ ọ tọ ḅara ḅụ, mịma anịị ọ mịẹ kárámá bẹnyẹ Krais ḅụ ḅọ́rọ́.

Ẹ́fịsọsapụ 2:5

wa fịịfama sáá wámịna siiamịẹnyẹ gosi ọ duma pa wa pịrịm ọ Krais saghịma sáá fịị ḅụ. Tamuno tọ́rụ́kụrụkụ́rụ́ ḅụ ngéré anịị wa mịị ḅọ́rọ́ma ma nyánáḅo nyẹẹ.

Ẹ́fịsọsapụ 3:11

Tamuno mịma mịẹm ọ tọ́ọ warị ḅara, o pịghị mịẹsị anị wámịna Nyánáḅọ Krais Jizọs ḅụ ḅo kiriakịnyẹ.

Filipaiapụ 3:14

A ịnyọsua sịbịju fịnịnyẹ ma duam sị a ine dienyẹ ma daḅo bẹ ḅara, anịị Tamuno Krais Jizọs ḅụ ḅọ́rọ́ sịarị sị ma, anịị sobie duma ma.

1 Tẹsalonaikaapụ 4:7

Tamuno wa sịgha ḅẹẹ wa ḅo yáakuu ḅụ ofori nwángị kọọ, kụ́ma wa tọ́ntọ́ ḅụ fịnị.

1 Timoti 1:1

Irị Pọl, Jizọs Krais fịrịmaḅọ, Tamuno na Jizọs Krais wámịna Dụaḅọ́rọ́maḅọ bịpị pịrị ḅara ḅụ, wa ḅụ tọ́rụ́ dighinyẹ nyanaḅọ.

2 Timoti 1:1

Ịrị Pọl, Krais Jizọs fịrịmaḅọ, Tamuno tọ warị ḅara ḅụ, ḅẹ́ a ḅo Tamuno mini wa pịrị duma wa Krais Jizọs ḅụ minini sáá dugho wásámáa.

Taitọs 1:2

mịị karakárá ma ḅụ ḅọ́rọ́ túminị́ tọ́rụ́ dighinyẹ nyánam gbámásó duma nyáná ḅụ, Tamuno ine epeletibịghaḅọ ma mị duma minini wa pịrịm tuminikiri na saghịgha sa,

Hiburuapụ 3:1

Anịgo ị́yẹ́ tọ́ntọ́ mịnaapụ, Tamuno pịghị ọ ḅara na sịapụ, o Jizọs gboloma kóróma ngéré nyáná nnị nfịrịmaḅọ pa sịḅọ pịghị Tamuno igwagwaá áláḅọ.

1 Pita 1:20

Tamuno ọ sẹ́lẹ́akịmam na n tuminikiri ma tẹ́mẹ́gha sáá kụ́ma n warị ọmịnị go ọ diepágháma mị kunema sáá ma.

1 Pita 2:9

Kụ́ma ọmịnị anịị n sẹlẹakịmaapụ ma, Ámányánáḅọ ma igwagwaapụ, Tọ́ntọ́ sẹ, Tamuno ḅárákúu túminị́, n sẹlẹakị sị nnị Tamuno ḅụ́gbérépuma fịrị ma dugho págháma, ọ sị ákịḅọ kánákánábie sị o ḅo ọrẹ ḅụ́gbérépuma baá ma bie so.

Puu Findi 13:8

Tuminikiri dumafịnịapụ mamgba susi anị pịrịbẹm, tuminikiri ma na saghịgha sáá nnị ẹ́rẹ́ gịẹ kórómaapụ dumafịnịapụ ma diri bie anịị susi anị pịrịbịghaapụ, mịị diri ma nyánáḅọ anịị n ḅáa Ánáná Tụwọ ma.

Puu Findi 17:8

Ịrị arị ḅáláfama nama ma anị dumafịnị sáá imii, kụ́ma ḅọlọgha sáá ḅụ anị págháḅobẹm sughu nyanagha póghóló kiri ma ḅụ sị nnị anị guluguluma. Tuminikiri ngaapụ ma na nnị nna ẹrẹ gịẹghaapụ dumaapụ ma diri bie, anịị tuminikiri ma na saghịgha sa éné éné, n tọ́rụ́ bulubulubẹm nnị ḅáláfama nama ma arị sáá, tegó anị dumafịnị sáá imi: mị́sa anị mịnị dumagha kụ́ma anị pịghị sima págháḅobẹm.