2 Timoti 1:8 - Ibani New Testament

⁸ Anịgosi, ḅụ́gịrịrịma sị wámịna Nyánáḅọ ma gbolomanyẹ dugho págháma; anịgha i dighi ḅụ́gịrịrị ịrị ikólinaḅọ Krais sịbị goo. Anịmanakaragha ị́yẹ́ diekiri ákịị si tọ́rụ́siarị ibi oku ma pịrị Tamuno ịnyọ pa ịḅụ sua lama ḅara ḅụ.

2 Timoti 1:8 Iomraidhean Croise

Ibi Oku Ma Mak Anị Gịẹ Ḅara 8:38

I ḅọ́rọ́ i dighi ḅụ́gịrịrị na pịghị ị́yẹ́ dienyẹ ma dighi ḅụ́gịrịrị, mị Tamuno nimigha na pịghị sisịbịbie éné ma ḅụ, anịsáa Tumḅọ yii Tụ́wọ ma sọ i dighi ḅụgịrịrịbẹm ọ ḅoo bẹ sáá ọ Daa ma ipine ḅụ ori na ori tọ́ntọ́ sookumuapụ.>>

Ibi Oku Ma Luk Anị Gịẹ Ḅara 9:26

Tumḅọ ḅọ́rọ́ ị dighi ḅụ́gịrịrị pịghị ị́yẹ́ dienyẹ ma dighi ḅụ́gịrịrị, anịsáa, irị Tumḅọ yii Tụwọ ma so n ḅo dighi ḅụgịrịrịbẹm, ọ ḅo sáá ori ipine ḅụ, na pịghị Daḅọ ma ipine, pịghị tọ́ntọ́ sookumuapụ ma ipine ḅụ.

Ibi Oku Ma Jọn Anị Gịẹ Ḅara 15:27

Ọmịnị sọ i gbolomanyẹ dugho pághámabẹm tegó ọmịnị ma ịrị na imi sughu saghị éné.

Ibi Oku Ma Jọn Anị Gịẹ Ḅara 19:35

Pághányẹ ma arị owitụ́wọ, ori árịnyẹ dugho pághámamam, ori dugho págháma nyẹ ma pịghị karakáram. O nimim ḅẹ́ ọ karakárányẹ ma dugho dughom, o dughom sị ịrị ma sọ minini bẹ ḅara.

Fịrị Ḅara 5:41

Nnị ámáḅẹ́rẹ́dughoapụ ma fịnị angaá wáriso sa nnị opuma bieḅẹlẹm ḅẹ́ nnị nkie sua sị, tọ́rụ́siarị naibiapụ pịrịm Jizọs Krais go.

Romapụ 1:16

Krais ibi oku ma i ḅụgịrịrịmagha, tegó anịma anịị Tamuno kụ́rọ ma, mininiapụ gonyẹ́ gonyẹ́ duaḅọ́rọ́maarị nyẹ, parị Juuapụ ma na pịghị Juughaapụ.

Romapụ 16:25

O ḅo wa Tamuno ma saghị sóghólóma, ori ine ọ mịẹ bẹḅọ sị ọ kụrọ sẹ ọmịna minini ḅụ, Jizọs Krais gboloma sị a dugho wásáma ibi oku ḅụ ḅọ́rọ́, na pịghị nnị ḅọghuma karakáráma nnị ḅọghuma nyẹ ḅọlọ sáá ene ene, mị́sa nnị anị diepághámamam.

Romapụ 8:36

Tọ́n diri ma bie n gịẹ kóróma ḅara ḅẹẹ, <<Ọ sịbị go wa fịị na tọ́rụ́donam éné mamgba ḅụ; nnị wamịnị ákịm sọ́ḅọ́rọ́ n kọngọ pẹlẹ bẹ ánáná.>>

Romapụ 9:33

Nnị gịẹ kóróma ḅara: <>

1 Kọrịntịapụ 1:6

Mịma diem ḅẹ́ ọ daakị Krais oku ma ọmịna bie kune nyanam.

2 Kọrịntịapụ 6:7

Wámịna karakárá oku na pịghị Tamuno kụ́rọ ḅụ ḅọ́rọ́. Wa karakárá ibiamịẹnyẹ nyánam wa pa ọ́mụ́gbinyẹ, amaḅara ḅụ na pịghị ẹ́rẹ́ḅara ḅụ.

Ẹ́fịsọsapụ 3:1

Mịma gosi, irị Pọl, Jizọs Krais ikólinaḅọ ọmịnị Juughaapụ ma sịbị goo.

Ẹ́fịsọsapụ 3:13

Anịgo a ọ tẹ́ghẹ̄m ḅẹ́ anị ọ biesima ma, a árị ọ pịrịarị tọ́rụ́siarị ma, anịị ọmịna sịbị gosi.

Ẹ́fịsọsapụ 4:1

Anịgosi a ọ tẹ́ghẹ̄m ịrị mị́sa ikólinaḅọ a fịrịnwangị Kị́nị́nyánáḅọ ma pịrịarị goo ḅẹ́, ọ duma kọọ Tamuno bi ḅara ḅẹẹ o duma kọọ, ori ọ sị sáá.

Ẹ́fịsọsapụ 4:17

Kị́nị́nyánáḅọ ẹrẹ ḅụ, a mịma dugho ọ pịrịm pịghị anị ḅụ sẹ ḅẹ́ ọmịnị Tamuno nímighaapụ ḅara pa duma kọọma, amịna kóróma nyẹ́ḅụ oforighaapụ.

Filipaiapụ 1:7

Sámámgba ọmịnị i tẹ́mẹ́bie imii anịma gosi anị ḅụ́gbẹm ḅẹ́ a kóróma nyáná ọ pịrị mị́sa a mịẹarị ḅara. Ḅẹẹ ọmịnị mamgba diekiri nyánam Tamuno nyáná i pịrị tọ́rụ́kụrụkụ́rụ́ ma ḅụ, mị́sa a ịkóli bie fịnị sa na pịghị a ịkóli bie ófórigha sa sị pịghị sẹ́kụrọ anị ḅụ pịghị anị mịẹ anị kune nyánáa.

Filipaiapụ 3:10

A dọghụnyẹ ḅẹẹ, a Krais nimii na pịghị fịị ḅụ ọ saghịma kụrọ ma nimi si pịghị diekiri nyáná ori fịị ḅụ, ḅoo pịghị ọ fịnị ḅara fịnị ori fịị ḅụ.

Filipaiapụ 4:13

A ine nyẹ gonyẹ́ gonyẹ́ mịẹbẹm Krais ḅụ ḅọ́rọ́, ori ịnyọ pa i pịrịarịḅọ.

Kolosiapụ 1:11

Wa pịghị tẹ́ghẹ́arị ḅẹ́ Kị́nị́nyánáḅọ ori ipine kụ́rọ mamgba pa ịnyọ pa ọ ḅụ sua, anị ḅụ ḅọ́rọ́ ọmịnị ine opu ngịrịma na inema nyáná bẹ ḅara, sị bieḅẹlẹ pịghị ọmịna tẹ́mẹ́bie bii.

Kolosiapụ 1:24

Mị́sa i bieḅẹlẹarị a nyáná ọ pịrịarị tọ́rụ́siarị ma go, ojumẹnị ḅụ a arịarị tọ́rụ́siarị ma ḅụ ḅọ́rọ́, a ḅárásua anị karamaarị kọnyẹ́ ma Krais árị tọ́rụ́siarị ma ori oju gosi, anịị Tamuno kubiri ogbo ma.

1 Tẹsalonaikaapụ 3:4

Wa pa ọ nána fịnị sáá, wa dugho ọ pịrịm nịị anị kiriakịgha sáá, ḅẹ́ nnị wa pa tọ́rụ́siarịmabẹm; ọ pịghị ibima nimiḅara, anịị anị pịghị pághá ḅara.

1 Timoti 2:6

ọ ḅụ pa pịrịḅọ túminị́ mamgba dụaḅọ́rọ́ma goo. Mịma anị Tamuno pa tuminikiri gbọrụ fịrịma oku ma anị karakárá sáá ma ḅụ.

2 Timoti 1:10

Kụ́ma mị́sa nnị anị diepágháma wa pịrịmam wámịna Dụaḅọ́rọ́maḅọ Krais Jizọs ḅoo ḅụ ḅọ́rọ́. O fịị kụrọ ma kunemamam sị ibi oku ma ḅụ ḅọ́rọ́ duma gbámásó diepághámamam.

2 Timoti 1:12

Mịma goo anịị a go mịná tọ́rụ́siarị ma árịarị nyẹ kụ́ma a pa tẹ́mẹ́kụ́rọ nyanam, tegó a nimim a tẹ́mẹ́ pa ḅụ gbánáḅọ a pịghị nimim ḅẹ́ ọ pa i ḅárabie sua warị nyẹ ma ori ine anị koko warịbẹm akị muu anị ene ma láa.

2 Timoti 1:16

Tamuno lolomakúkúbie nyána Onesiforọs wárị pịrị, tegó tọgha sáá ori i tẹ́mẹ́ mịẹ saghịmam, anị pịghị ọ ḅụgịrịrịmagha ḅẹ́ a ikólibie imii.

2 Timoti 2:3

Krais Jizọs ibi ọmụ́gbiiḅọ ḅara, wamịnị na wamịnị árịarị tọ́rụ́siarị ma arịị.

2 Timoti 2:8

Jizọs Krais pa biekóróma, Deviti furo tụwọ, n fịị ḅụ saghịma ḅo nnị anị die ḅara a dugho wásáma ibi oku ma ḅụ.

2 Timoti 2:9

A ibi oku ma dugho wásámam gosi a tọ́rụ́siarịm n pịghị ịkóli pa i ḅara suam sọ́ḅọ́rọ́ ịrị ologho kaa ḅo, kụ́ma Tamuno ẹ́gẹ́rẹ́ ma ịkóli anị ḅụ ofori.

2 Timoti 4:17

Kụ́ma Kị́nị́nyánáḅọ ma ịrị na fịnịm sị pighi ịnyọ pa i pịrịm, anịgosi a ine bifụfụụ́ oku ma dugho wásáma juughaapụ gonyẹ́ gonyẹ́ pịrịm ḅẹ́ n náa; n pịghị i duapághámaḅom ọkụ nama ma bịpịbie.

2 Timoti 4:5

Kụ́ma, ịrị ịḅụ pa gbẹ́rẹ́ ngaa sẹ́ma warị asọ gonyẹ́ gonyẹ́ ḅụ, inema nyána tọ́rụ́siarị pịrị, ibi oku ma dugho wásámaarị ḅo fịrị ma nwángịị, pịghị ị́yẹ́ fịrị gonyẹ́ gonyẹ́ nwángịị Tamuno ómóniḅọ ḅara.

1 Pita 1:5

Anị fịnị ọ pịrịm, minini ḅụ nnị Tamuno kụ́rọ pa koko wárịapụ pa mị dụaḅọ́rọ́ma ma pịrị, tẹ́lẹ́mamaá nyẹ si anị ḅụ die bii nyẹ sa kunema ḅụ.

1 Jọn 4:14

Wa pịghị árịmam, pịghị dugho págháma ḅẹ́ Daḅọ ma ọ Tụwọ fịrịmamam ḅẹ́ o ḅo tuminikiri Dụaḅọ́rọ́maḅọ sọ.

Judu 1:24

Ori ma, ine ọ warịị sị ọ bịghịbịgha ḅọ ma, pịghị ọmịnị akuoo sii ḅụ ófórigha ḅụ, na pịghị opu bieḅẹlẹ ḅụ ọ tọ́rụ́kuu, ipine bii yọ,

Puu Findi 1:2

Jọn warị ori árị nyẹ́ mamgba dugho págháma anịma anịị Tamuno ẹ́gẹ́rẹ́ ma na pịghị Jizọs Krais dugho págháma nyẹ.

Puu Findi 1:9

Irị anịị Jọn, ọmịna mịnaḅọ owitụ́wọ, pịghị Jizọs duaarị gbẹ́rẹ́ḅọ irị ọ́ḅụ gbẹ́rẹ́ḅọ ngịrịma pa ori ásẹ́mẹ́kiriapụ laarị tọ́rụ́siarị ma arịarịḅọ. Nnị i pa Patmọs ogbosúányẹ ḅụ kórómam a Tamuno ẹ́gẹ́rẹ́ ma dugho wásámam na pịghị Jizọs diepágháma karakárá gosi.

Puu Findi 12:11

Ánáná tụ́wọ ma ọmbịnyẹ́ na, nna dugho págháma karakárá ẹ́gẹ́rẹ́ anịị n pa ọ sọ́ḅa nyẹ. Nnị tẹ́lẹ́ma sị nna duma kóróma fịị pịrịm.

Puu Findi 19:10

A ọ ḅụọ sughu sóórókórom ḅẹẹ a susi ọ pịrị, kụ́ma ori i ḅẹm, <<Ọkọ mịẹma! Irị fịrịnwangịḅọ, ịrị na jẹ́ mininiapụ ma fịnị ḅara, Jizọs diepágháma karakárá ma ọlọapụ. Susi Tamuno pịrị!>> Jizọs diepágháma karakárá ma anịị ịnyọ pa ikiakoroapụ ma pịrịarịnyẹ.