2 Timoti 1:10 - Ibani New Testament

¹⁰ Kụ́ma mị́sa nnị anị diepágháma wa pịrịmam wámịna Dụaḅọ́rọ́maḅọ Krais Jizọs ḅoo ḅụ ḅọ́rọ́. O fịị kụrọ ma kunemamam sị ibi oku ma ḅụ ḅọ́rọ́ duma gbámásó diepághámamam.

2 Timoti 1:10 Iomraidhean Croise

Ibi Oku Ma Luk Anị Gịẹ Ḅara 11:36

Ḅọ́rọ́ baá ị́yẹ́ oju gbọrụ ḅụ bim, sị gbẹ́rẹ́ ngaa sọ kánákáná ḅụ ofori, anịsáa baá biabẹm ngámámgba ḅụ, n tọndọ tọndi sị anị baá pa ngámámgba pịrị pịrị ḅara ị́yẹ́ oju gbọrụ ḅụ.>>

Ibi Oku Ma Luk Anị Gịẹ Ḅara 13:7

Ọ warị ọrẹ dụatẹlẹmaḅọ ma ḅẹ́, ḅẹẹ,

Ibi Oku Ma Luk Anị Gịẹ Ḅara 2:11

Mịmgba gbẹ́rẹ́ éné, Deviti ama bie, nnị Dụaḅọ́rọ́maḅọ, yii ọ pịrịmam, ori anịị Krais Kị́nị́nyánáḅọ.

Ibi Oku Ma Jọn Anị Gịẹ Ḅara 1:9

Mịma anịị karakárá baá, tuminikiri ḅo sị túminị́ mamgba ḅụ biarị nyẹ.

Ibi Oku Ma Jọn Anị Gịẹ Ḅara 14:6

Jizọs pagharam, <

Ibi Oku Ma Jọn Anị Gịẹ Ḅara 20:31

Kụ́ma mịná angaá nyẹ nnị anị gịẹm o minini bẹ ḅara ḅẹẹ, Jizọs ori anịị Krais ma Tamuno Tụwọ ḅẹ́ i minini minini ine duma nyánábẹm ori ẹ́rẹ́ ḅụ.

Ibi Oku Ma Jọn Anị Gịẹ Ḅara 4:42

Nnị ọ́rụ́ḅọ ma ḅẹ́m, <>

Ibi Oku Ma Jọn Anị Gịẹ Ḅara 5:40

Anị so ọ pa mịnị i damaḅogha sị o duma nyáná bẹ ḅara.

Fịrị Ḅara 13:23

<

Fịrị Ḅara 5:31

Tamuno ọ saghị pa kuu ḅụ kórómam ori amaḅaranga sịbịdáḅọ na dụaḅọ́rọ́maḅọ, sị Izirẹlịawọ asọ arịị sị nna sii ḅụ pịghị bẹ ḅara, sị pịghị siiḅụḅárasi pịrị nyáná bẹ ḅara.

Romapụ 16:26

Kụ́ma mị́sa ikiakoroapụ ma gịẹ kórómanyẹ ma mịẹmam tọghaapụ ḅo karakáráma nimi, Gbámásó Tamuno ma pịghị bịpị pịrịmam ḅẹ́ sẹ gonyẹ́ gonyẹ́ anị karakárá ma nimii si kị́nị́mamgba minini bẹ ḅara pịghị ọkọ mịẹ.

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

Romapụ 3:31

Mịma anị dugho ḅẹ́ mị minini ma gosi wa ólóghó ma gbibuuma? Ọkọfịnịnyẹ ofori; anịmanakaragha wamịnị ólóghó ma mịẹ kụ́rọ́máarị.

Romapụ 6:6

Wa nimim ḅẹ́ wámịna olom ojumẹnị ma nnị anị na Krais ḅaupálịm mgbẹsẹ sị́ ọ́gọ́nọ, sị n siiamịẹnyẹ ojumẹnị ma guluguluma bẹ ḅara, sị anị ḅụ ḅọ́rọ́ wamịnị jẹ́ pa siiamịẹnyẹ ómóniapụ sọbịgha ḅara

1 Kọrịntịapụ 15:26

Kunema n guluguluma bẹ iruonaḅọ anịị fịị.

1 Kọrịntịapụ 4:5

Anịgosi gbẹ́rẹ́ḅọ sịbị sọ ḅẹ́rẹ́kọ ma sáá ma na laagha sáá. Kúruu, ákị múu Kị́nị́nyánáḅọ ma ḅoo sáá láa, ọ kánákánábie ḅọghunyẹ ma pa baá bie pághámaḅobẹm, túminị́ kúkúbie fịnị ḅọghunyẹ ma. Anịsáa anị túminị́ nna ḅụ gbẹ́ẹ̄ túminí nyánáḅọ bẹnyẹ Tamuno ḅara.

2 Kọrịntịapụ 5:4

Wa mị tuminikiri wárị ma ḅụ fịnịarị sa wamịnị iniigharị nnị pụ́nụ́maarịapụ ḅara ma, ḅẹgha ḅẹ́, wa mị tuminikiri ojumẹnị ma wárịso dọ́ghụm, kụ́ma wa bim ḅẹ́ nnị sobie anganyẹ ma pa wámịna ọgọnọ sua, sị duma fịị bẹnyẹ ma dima.

Galesiaapụ 5:4

Ọmịnị ólóghó ma koko ḅụ ḅọ́rọ́ Tamuno na karakárá ḅụ fịnị dọghụapụ, ọmịnị ọmịna ḅụ fófóomámam Krais ḅụ, ọ Tamuno ma tọ́rụ́kụrụkụ́rụ́ ḅụ sóóró pághámam.

Ẹ́fịsọsapụ 1:18

A tẹ́ghẹ̄arị ḅẹẹ ọmịna tẹ́mẹ́ findi sị ọmịnị ori baá ma arịị, o nimi bẹ ḅara o go ọ sị tọ́rụ́ dighinyẹ, ọ pịghị mini ori tọ́ntọ́apụ pịrị karịibima anị dụḅa na anị ḅụ́gbérépuma láa ḅara,

Ẹ́fịsọsapụ 1:9

Tamuno pa wa diemam ḅọghu sị ọ mịẹ dọghụnyẹ ọ tọ ḅara ḅụ, mịma anịị ọ mịẹ kárámá bẹnyẹ Krais ḅụ ḅọ́rọ́.

2 Tẹsalonaikaapụ 2:8

Anịsáa, Siisịbịbie ḅọ ma ọ ḅụ diebẹm, kụ́ma Wányánáḅọ Jizọs Krais ḅoo sáá. Ori ọ bịpịbie págháḅo fọ́rụ pa ḅáa bẹḅọ pịghị ọrẹ ḅụ́gbérépuma baá pa o guluguluma.

2 Timoti 1:1

Ịrị Pọl, Krais Jizọs fịrịmaḅọ, Tamuno tọ warị ḅara ḅụ, ḅẹ́ a ḅo Tamuno mini wa pịrị duma wa Krais Jizọs ḅụ minini sáá dugho wásámáa.

2 Timoti 1:8

Anịgosi, ḅụ́gịrịrịma sị wámịna Nyánáḅọ ma gbolomanyẹ dugho págháma; anịgha i dighi ḅụ́gịrịrị ịrị ikólinaḅọ Krais sịbị goo. Anịmanakaragha ị́yẹ́ diekiri ákịị si tọ́rụ́siarị ibi oku ma pịrị Tamuno ịnyọ pa ịḅụ sua lama ḅara ḅụ.

2 Timoti 4:1

Tamuno na Krais Jizọs tórúku, ḅẹ́rẹ́kọ dumaapụ na fịịapụ pịrịbẹḅọ tegó ḅẹ ọ pịghị sima ḅoarị sị ḅoo taa ámányánáḅọ ḅara, a kụrọma i ḅẹ́m ḅẹẹ,

2 Timoti 4:8

Mị́sa sághị bịpị muu karakárá ibiamịẹnyẹ ogunu fịnị ikuruarị anịị Kị́nị́nyánáḅọ ma karakárá ḅẹ́rẹ́kọḅọ ma pa ị pịrịbẹnyẹ anị éné ma, ịrị ngéréghaa, kụma ḅẹlẹma ḅụ ori ḅoo ma kúruarịapụ mamgba.

Taitọs 2:11

Ḅẹẹ Tamuno tọ́rụ́kụrụkụ́rụ́ dụaḅọ́rọ́ma akuoarị nyẹ anị ḅụ pa túminị́ mamgba diemam.

Taitọs 2:13

wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.

Taitọs 3:4

Kụ́ma Tamuno wámịna ḅọ́rọ́maḅọ ori ibi tẹ́mẹ́ na ori ḅẹlẹma pa wa die sa,

Hiburuapụ 10:32

Biekóróma, parị anị ọ́ nana fịnị ḅara, anịsáa ma ḅụ Tamuno baá bia ḅo o láa sáá, o tọgha tọ́rụ́siarị arịm, kụ́ma mịnanyẹ mamgba o fughugbigha.

2 Pita 1:1

Irị Saimọn Pita, Jizọs Krais fịrịnwangịḅọ pịghị Jizọs Krais fịrịmaḅọ anịị mị dii ma gịẹ ọ fịrịmaarịḅọ. A gịẹ pa ọ fịrịmam wamịnị na gbẹ́rẹ́ nyẹ́la minini nyánáapụ, wámịna Tamuno na wámịna dụaḅọ́rọ́maḅọ Jizọs Krais karakárá ibiamịẹnyẹ ḅụ ḅọ́rọ́.

2 Pita 1:11

Mị ḅara ma, nnị kụrọ gonyẹ́ gonyẹ́ pa ọ pịrịbẹm sị ọmịnị ine wámịna Nyánáḅọ na wámịna Ḅọ́rọ́máḅọ Jizọs Krais gbámásó amadakiri ma sọ.

2 Pita 1:3

Tamuno ori kụ́rọ ḅụ ḅọ́rọ́, wa binyẹ gonyẹ́ gonyẹ́ pa wa pịrịmam mịẹsị wamịnị ine kuu pa Tamuno pịrịbẹ duma kọọ. Ori wa sịḅọ ma ori ipine na ori ibi ḅụ ḅọ́rọ́ mịnanyẹ ma pa wa pịrịm wamịnị ori ma nimi ḅụ ḅọ́rọ́.

2 Pita 2:20

Ḅọ́rọ́ wámịna Dụaḅọ́rọ́maḅọ Jizọs Krais nimi ḅụ ḅọ́rọ́, túminị́ pịonị pághámam tuminikiri kị́nị́ pilemaarị nyẹ ma ḅárabie, mịná kụ́rọ ma sima n kuu pịghị n sọ́ḅa sọ́ḅa, anịapụ ma fịnị ḅára kunema siḅaá, nna fịnị ḅára nẹ́ngịbẹm parị sa.

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.

2 Pita 3:2

A biim ḅẹ́ Ḅọlọmaa sáá tọ́ntọ́ ikiakoroapụ ma kọọ ẹ́gẹ́rẹ́ ọ pa biekóróma, na pịghị wámịna Nyánáḅọ na Dụaḅọ́rọ́maḅọ pa wa pịrị ólóghó ọmịna nfịrịmaapụ ma ḅara ḅọ́rọ́.

1 Jọn 1:2

Mịị duma ma anị ḅụ die sa, wamịnị anị arịm pịghị anị gbolomanyẹ dughom, pịghị Daḅọ ma na fịnị duma gbámásó gbolomanyẹ dugho ọ pịrị, mịma anịị n pịghị mịẹsị wa níminyẹ.

1 Jọn 4:14

Wa pịghị árịmam, pịghị dugho págháma ḅẹ́ Daḅọ ma ọ Tụwọ fịrịmamam ḅẹ́ o ḅo tuminikiri Dụaḅọ́rọ́maḅọ sọ.

Puu Findi 18:1

Mịma ḅọ́rọ́fáma sáá a jẹ́ sookumuḅọ arịm sobie sághị kóróḅoarịḅọ. Ori opuma kụ́rọ nyánam ori ipine warị tuminikiri ma mịẹsị anị fíafía sị ibima bia.

Puu Findi 2:7

<

Puu Findi 20:14

Anịsáa fịị na duaama ma nnị n gbi pa kọrịfịnị ésiḅe ma ḅụ gbi suam (Mịị kọrịfịnị ésiḅe ma anịị mmẹẹ́ kárámá fịị ma).

Puu Findi 22:14

Karịiḅi fịnị nna koro bịtẹ siri fiafiamamáapụ ma pịrị, nnị anịị kụrọnyanáapụ sị sịmgbọlụ ma fịị duma pịrị sị ma ḅụ, sị pịghị opu ḅụ́pọ́ ma ḅụ ḅọ́rọ́ opu ámá ma sọọ.

Puu Findi 22:17

Tẹ́mẹ́ ma na deeyaa biiḅọ ma ḅẹẹm, <<Ḅoo!>> Mịma náa ḅo gonyẹ́ gonyẹ́ pịghị ḅẹẹbẹm, <<Ḅoo!>> Pụghọ sámụ́nọ ḅo gonyẹ́ gonyẹ́ ḅoo; dọghụḅọ gonyẹ́ gonyẹ́ duma pịrị mingi ma daakị, igbii gbẹ́gha pa.