1 Timoti 6:9 - Ibani New Testament

⁹ Kụ́ma igbii nyána biiapụ daádighi bie sọsọm n warị pịghị mánámāná ojumẹnị tarịarị oḅori nyẹ na nyẹ pa túminị́ láama bẹ dia ḅụ koro, n nụ́nụ́ kiri kórómaarị nyẹ sị pịghị n guluguluma.

1 Timoti 6:9 Iomraidhean Croise

Matiu 13:22

Nangi ḅụ sóórókoro sịmgbọ́lụ ma anịị oku ma naapụ, kụ́ma mịị tuminikiri ma ḅụḅáláḅálá ma pịghị ngọ oḅori pa kị́nị́ sị, anị kpepumam, mịẹsị anị ine sịmgbọ́lụ suagha.

Matiu 19:22

Ásátụ́wọ ma mịma náa, sáá ọ tẹ́mẹ́ si pa sọm, tegó ori opuma ngọ nyánam.

Matiu 26:15

Si ọ gbíla, <<Ọmịnị tẹ́ pa i pịrịbẹ ḅọ́rọ́ a ọ saghị ọ ḅarabie sua?>> Nnị warị pị́naḅala igbii sue kịẹ ọ pịrị.

Matiu 6:19

<

Ibi Oku Ma Mak Anị Gịẹ Ḅara 4:19

kụ́ma tuminikiri ḅụḅáláḅálá na ngọ ḅẹlẹma na pịghị pụghọ tarịarị tọ́rụ́kịrịkị́rị́ nyẹ ḅo oku ma pụ́nụ́mam anịgosi anị mgbọ́lụ suagha.

Ibi Oku Ma Luk Anị Gịẹ Ḅara 12:21

<>

Ibi Oku Ma Luk Anị Gịẹ Ḅara 21:35

Anịị anị tuminikiri ḅụ fịnịapụ mamgba ḅụ kóró bẹ ḅara.

Fịrị Ḅara 8:20

Kụ́ma Pita ọ pagharam, <<Ịrị na ị́yẹ́ igbii gulugulu faá, I kóróma ḅara ma ḅẹẹ i ine igbii pa Tamuno dienyẹ ma fẹ́bẹm.

Ẹ́fịsọsapụ 4:22

Anịgosi ọmịnị ọmịna olom ḅụ ma wáriso, mịẹsị ọ duma kọọarị ḅara pa duma kọọ nyẹ. Mịị olom ḅụ ma guluguluma nyẹ, anịị anị oḅori pa kị́nị́ sị pụghọ tarị nyẹ ma.

1 Timoti 1:9

Wa pịghị nimim ḅẹẹ, Tamuno mịná ólóghó ma suagha karakárá ibiamịẹnyẹapụ gosi, kụ́ma ólóghó kaapụ na kụrọsịbịbẹapụ gosi, ọ sua pa Tamunonimighaapụ na siiamịẹnyẹapụ pịrịm, ọ sua pa tọ́ntọ́ ḅụ fịnịghaapụ na Tamuno gbolomanyẹ dighisimaarịapụ pịrịm, ọ sua pa nyingiapụ na daapụ ḅáapụ pịrịm, ọ pịghị sua pa kị́nị́ ḅa ḅáapụ mamgba pịrịm,

1 Timoti 3:7

Ori ibi ẹ́rẹ́ nyáná na ibim nụ́ngọ bieapụ fịnịanga, nnị ọ ḅụ́gịrịrịmabịgha ḅara sị ori ẹ́kpẹ́dua dia ma bie sóóro kóró.

1 Timoti 6:10

Ḅẹẹ, igbii ḅẹlẹma anịị tọ́rụ́kịrịkị́rị́ siinyẹ mamgba dighiḅoarị nyẹ. Jẹ́apụ igbii pụghọ tarị ma mịẹmam nnị asọ ịrị minini ma ḅụ, n warị pịghị tọgha tọgha tẹ́mẹ́ sima nyẹ pa nna kúkúbie fom kaamam.

1 Timoti 6:17

Kụrọ ḅara pa dugho mị tuminikiri ngọ ma nyánáapụ pịrịị ḅẹ́ nnị opuamịẹnyẹ mịẹma, anịgha tẹ́mẹ́ gbánā dima dima koroarị nyẹ ḅụ, anịị tuminikiri ngọ kụma Tamuno ḅụ, nyẹ gonyẹ́ gonyẹ́ pa wásáma wa pịrịḅọ sị wamịnị anị pa wa ḅụ tii.

2 Timoti 2:26

Anịsáa nnị ḅoo nna ḅụ nyánáḅobẹm sị n ḅụ si akị ẹ́kpẹ́dua tuú dia ma ḅụ, n pa ikólibie suamaaḅọ ḅẹ nnị ọ tọ́ọ nyẹ mịẹ.

Taitọs 2:12

Anị tọ́rụ́kụrụkụ́rụ́ ma diearị ḅẹ́, Tamuno bie ófórigha duma sịghị pịghị tuminikiri ma tọ́rụ ḅẹlẹ sịghị warị ḅụ ọlọ duma kọọ, tụ́ghụ́ sẹ na Tamuno dighi ḅáláfa duma kọọ mị tuminikiri ma ḅụ,

2 Pita 2:3

Nna opu pụghọ gosi, mị iruo nyẹ́dieapụ ma ọ ḅụ sọ́nyẹ mịẹbẹm n gba ọ pịrịbẹ ofori ofori lụghụ gosi. Ḅọlọmaa sa ḅụ, nna ḅẹ́rẹ́pẹ́lẹ́ tẹ́lẹ́ma wárịmam, n ḅa bẹḅọ ma so tọ́rụ́ findi fịnịarị.

Judu 1:11

Anị opuma sii n pịrịbẹm! Nnị Keni asọ duamam, igbii gosi nnị n ḅụ pa Balaam mịẹ irima nyẹ ma ḅụ suumam. Nnị Kora kụrọsịbịbie mịẹḅara pa nyẹ mịẹm, anị gbẹ́rẹ́ ḅara ma anịị n pịghị n guluguluma ḅara.