1 Timoti 6:4 - Ibani New Testament

⁴ opuamịẹnyẹ anị n ḅọ sịbị kpórómáarịnyẹ n ḅọ ḅẹnyẹ ḅẹnyẹ nimigha. Nnị kụ́rọ pụghọ nyánam sị nyẹ ḅụ ófórigha nyẹ gosi nyẹ nụná pịghị kam sọọ, mịma warị tẹ́mẹ́ akụ, nụná, wiri núme, si ẹ́rẹ́ pa kị́nị́ sị, sitẹ́mẹ́ biegbáná nyanagha jẹ́apụ ḅụ,

1 Timoti 6:4 Iomraidhean Croise

Fịrị Ḅara 15:2

Pọl na Banabas warị mịma go, nnị na opuma nụná nnị warị Pọl na Banabas na pịghị jẹ́apụ Antịọkụ ḅụ fịnịapụ tọ́ọ ḅẹ́ nnị Jerusalem muu sị muu nfịrịmaapụ ma na sẹnịapụ ma arịị mị ḅẹ́rẹ́ ma go.

Fịrị Ḅara 18:15

Kụ́ma, mị́sa, anị ḅo nụnanyẹ sọmaá ḅara ẹ́gẹ́rẹ́ ḅụ, ẹ́rẹ́ ḅụ, na pịghị ọmịnị ólóghó, ọmịnị ọ ḅara na anị tẹ́lẹ́ma, a ọkọfịnịnyẹ ḅụ ḅẹ́rẹ́kọḅọ sọbịgha!>>

Fịrị Ḅara 8:9

Anị ama ma ḅụ, gbẹ́rẹ́ owitụ́wọ imi, nnị Saimọn pa sịḅọ ḅọlọ sa éné éné Sameriya ḅụ arịkọarịḅọ, mị árị ma sọ túminị́ ma tọ́rụ́ daam, ọ bịpịkpọarị ḅẹẹ ori gbẹ́rẹ́ kụ́rọ tumḅọ.

Romapụ 12:16

Diin ḅụ kị́nị́mamgba na ngaa. Opuamịẹnyẹ mịẹma, kụ́ma mịẹkụ oforiapụ ma na nangwọ mịẹ. Nyẹ́nimiḅọ ḅara pa ịḅụ arịma.

Romapụ 13:13

O ḅo wa karakárá ḅara pa wámịna duma kọọ, éné bie baá ḅụ duma kọọarịapụ ḅara, fị na ḅụ na ḅugha anịgha iru ḅụ tọ́rụ́ḅáma, sẹfị duma anịgha yáakuu ḅụ ófórigha nwángị, bịpị ogbosogha na tọ́rụ́akụ,

Romapụ 14:1

Ori minini kụrọghaḅọ ma daá ḅụ pịrị, kụ́ma ori na nyẹ nụná ma ọ mịẹbẹnyẹ na ọ mịẹbịgha nyẹ.

Romapụ 2:8

Kụ́ma nna ḅụ nna ḅụ balaarịapụ sị karakáráma sịghị sị nnị ine irima nyẹ ma mịẹbẹ ḅara, anịapụ ma Tamuno n dighi iganịbẹm sị nna sịbị ḅẹ́rẹ́kọ.

1 Kọrịntịapụ 11:16

Kụ́ma mịma na nụná bẹḅọ, a dugho ọ pịrị sị ọ mịẹbẹnyẹ anị ḅẹẹ, wamịnị anịgha Tamuno sọsị mamgba jẹ́ Tamuno tẹ́ghẹ̄ ḅara nyanagha.

1 Kọrịntịapụ 11:18

Párị nyẹ, n dugho ọ pịrịmam ḅẹẹ puama ọmịnị ogboku bie imi o ḅo kobirimaẹrẹ sọsị ḅara ḅẹẹ ọ tẹ́ghẹ̄, mịma a pịghị kálá ḅara pa anị mininim.

1 Kọrịntịapụ 3:18

Ọmịnị oḅori pa ọmịna ḅụ sị ma. Ḅọ́rọ́ o kórómam mḅẹ́ḅẹ́ ḅẹẹ tuminikiri asọ ḅụ ọ nyẹ́nimim ọ tụ́ma oḅori sọọ sị ọmịnị ibima nyẹ́nimi bẹ ḅara.

1 Kọrịntịapụ 3:3

Tegó, ọ pa duma kọọarị mị tuminikiriapụ duma kọọarị ḅara. Nyẹ́mọ́ni ọmịna ogboku bie fịnị sáá, ọ pịghị jụghọ jụghọ na kamkoro sáá, anị diegha ḅẹẹ ọmịnị mị tuminikiri bẹapụ, duma kọọarị n duma kọọarị ḅara?

2 Kọrịntịapụ 11:20

Ọmịnị ngịrịma nyáná omoni pa o mịẹapụ pịrịm anịgha ọmịnị mbasịapụ, anịgha dia tuú ọ pịrịapụ pịrịm, anịgha ọ dighi teremáapụ, anịgha pịghị ḅara findi ọ ḅụ́rọ́apụ ọmịna tórúku.

Galesiaapụ 5:15

Kụ́ma ḅọ́rọ́ ḅẹ́ o pirinama ḅara pa ngá ọkụma, jụghọ jụghọ onwiarị jụghọ jụghọ kaa pẹ́arị, ọ ḅụ ẹbị anịgha ọ gbẹ́rẹ́ sáá jụghọ jụghọ gulugulumabẹm.

Galesiaapụ 5:26

Wamịnị opuamịẹnyẹ mịẹma anịgha jụghọ jụghọ igani ma anịgha jụghọ nyẹ mọnị.

Galesiaapụ 6:3

Ḅọ́rọ́ tumḅọ sị ḅẹ́, n ḅọ nyẹ ḅụ imi, nḅọ nyẹ ḅụ ófórigha sáá, anị tumḅọ ma oḅori pa nḅọ ḅụ sịarị.

Filipaiapụ 1:15

Karakárányẹ ḅẹ́ jẹ́apụ Krais ibi oku ma dugho wásámaarị tọ́rụ́akụ na kamkoro ḅụ kụ́ma jẹ́apụ pịghị ibi kúkúbie ḅụ.

Filipaiapụ 2:14

Nyẹ gonyẹ́ gonyẹ́ mịẹ ọḅụju ẹ́gẹ́rẹ́gha pa na pịghị kị́nị́ na nụnaghaa.

Filipaiapụ 2:3

Ọ bẹnyẹ bẹnyẹ mịẹma ọ nyánáḅọ ọ ḅụ pịrị bi sọ́nyẹ goo anịgha ọ pa álála ḅọ́rọ́ pa bịpịkpọ ḅẹnyẹ, kụ́ma ọ ḅụ sitéréma jụghọ jụghọ pịrị, jẹ́apụ pa nyẹ́sị ọmịna ḅụ nẹ́ngii.

Kolosiapụ 2:18

Minima kị́nị́ ḅẹ́rẹ́ pa ọ ḅárá sima, dughoarị ḅọ ḅẹ́, nḅọ nyẹ́nimiḅam, anịị nḅọ múnogha dawọ ḅụ árịarị nyẹ gosi na pịghị nḅọ nyána oḅori pa kị́nị́ sị ḅụ sitéréma ḅụ na pịghị susi soókumuapụ pịrị ḅụ. Mịná túminị́ ma nnị ḅara pụ́nụ́nyẹ nyanagha sị opuamịẹnyẹ mịẹarị nna kóróma ḅụ

2 Tẹsalonaikaapụ 2:4

Túminị́ pa tamuno mịẹsị susi pịrịarịnyẹ gonyẹ́ gonyẹ́ o sa nyáná pịrịbịgha mịị tumḅọ oḅu árịbẹm ḅẹ́ ọ dụḅa n nẹ́ngifámam, ọ pịghị Tamunowarị ma sọ́bẹm kpọrọfịnị sị dugho págháma ḅẹẹ ori anị Tamuno.

1 Timoti 1:4

Dugho n pịrị ḅẹ́ nnị mịnị sáá ngúmá nyẹ ḅụ ofori lughu ma na n gịẹ kóróma mánámāná tádọ́apụ ẹrẹ ma pịrịma, mịma nụná ngéré anịị anị dighiḅoarị nyẹ, mịná nụná ma minigha tumḅọ ine Tamuno fịrị ma nwángị, mịma anịị tumḅọ ine mịẹbẹnyẹ ḅọ́rọ́ n ḅọ Tamuno ma ḅụ minini nyáná ọkụma.

1 Timoti 1:7

Nnị dọ́ghụm nnị Tamuno ologho ma nyẹ́dieapụ sọọ, kụ́ma nnị akanyaḅo nyána n dughoarị nyẹ ma pịrịgha, anịgha nnị kụrọkiri ḅụ sẹ sị dughoarị nyẹ ma.

1 Timoti 3:6

Ori ịwọma Krais nimiḅọ na fiagha, ori opu ibiamịẹnyẹḅọ mịẹbịgha ḅara sị abana findii sị sóóró kóró ẹ́kpẹ́dua sóóro kóró ḅẹ́rẹ́kọ ma ḅụ.

2 Timoti 2:14

Pa mịnanyẹ ma pa nna biekóróma; Tamuno tórúku ibiḅara pa n birinụ́nụ́ ḅẹ́ nnị ẹ́gẹ́rẹ́ goo owusọma. Anị gbẹ́rẹ́ ibinyẹ sọ mịẹgha, kụ́ma anị púghúarịapụ ma gulugulumaarị.

2 Timoti 2:23

Ịḅụ si akị oḅoriapụ na nyẹ́nimighaapụ nụná nyẹ ḅụ; i kọkọ nimi ḅẹ anị kunema anịị kam sọọ.

2 Timoti 3:4

aka ḅara pa túminị́ túlúma ḅẹ́rẹ́ ḅụ suu, sịbịbie kiẹgha pa nyẹ mịẹ, nọmụ ḅara pa opuamịẹnyẹ mịẹ, fị na ḅuu na ḅẹlẹma tụ́ma Tamuno ḅẹlẹma nakaragha.

Taitọs 3:9

Kụ́ma mịẹnyẹ ḅụ ofori nụ́nányẹ kile, n gịẹ kóróma nangwọ tádọ́apụ ẹrẹ, ólóghó ma gboloma kam na owu na, mịnanyẹ ma sọnyẹ ḅụ ofori pịghị fịrị ḅụ ofori.

Jems 1:19

Ọ mịma pa biekóróma ị́yẹ́ ibi mịnaapụ! Ibim ḅẹ́ kị́nị́mamgba álála nyẹ náa, kụ́ma álála ẹ́gẹ́rẹ́gha, pịghị álála bieoḅugha.

2 Pita 2:12

Kụ́ma, mịná nyẹ́dieapụ ma fịnị ḅara sọ́ḅọ́rọ́ pirinama, kóróma nyánágháapụ. Nnị n yiim ḅẹ́ nnị nku si n ḅáa. Nnị wirinumo pa nnị akanyaḅogha nyẹ wirim. Nnị pirinama ḅáa ḅara pa n ḅáabẹm.

2 Pita 2:18

Nnị bịpịkpọ na oḅori ẹ́gẹ́rẹ́kọọ kọọm, pịghị ojumẹnị tarịarị siinyẹ ma pa diatughu irima asọ ma bie fịnịapụ ogbobie págháḅoarịapụ pịrị.

Judu 1:10

Kụ́ma mịnaapụ ma nnị akanyaḅogha nyẹ gonyẹ́ gonyẹ́ dughosimaarị, nnị fịnị ḅara so ḅọ́rọ́ pirinama, nnị ine sịbịbie kiẹgha tẹrẹmẹ n ḅẹnyẹ ḅẹnyẹ mịẹ. Samangba ḅụ n tẹ́mẹ́bie sọọ nyẹ gonyẹ́ gonyẹ́ anịị n mịẹarịnyẹ. Nnị kọarị mịẹnyẹ mamgba sịarị ḅẹẹ n nimim n mịẹarịnyẹ, anịị n ḅaarị nyẹ.

Judu 1:16

Mịná túminị́ ma sáá mamgba nnị gụ́nụ́gụ́nụ́arị ḅẹ́rẹ́ pa jẹ́apụ sịbị sẹ, nnị nna ojumẹnị biiarị siinyẹ duaarị, nnị opuamịẹnyẹ mịẹarị sị jẹ́apụ gbolomanyẹ ḅụ ibi bịpịfie sị n binyẹ n ḅara la bẹ ḅara.

Puu Findi 3:17

Ọ ḅẹm ḅẹẹ, <Ọmịnị igbii nyanam; ọmịnị ngọ kọmam, ọ dọghụnyẹ gonyẹ́ gonyẹ́ nyánámam!> Kụ́ma o nimigha ọmịna duma galagala ḅara na pịghị nnị ọ dighi ḅụ́jịrịrị ḅara! Ọmịnị igónyim, ọ papa ḅụ ḅụ imii, ọ tọ́rụ́ pịghị pụụm.