1 Timoti 5:8 - Ibani New Testament

⁸ Ine amịna mịnaapụ siḅegha ḅọ, anịị taa na awọ pa tórúku tarị, anị tumḅọ ma ọḅụ pa minini ma gbimam, mininighaḅọ ibi anị tumḅọ ma nẹngịm.

1 Timoti 5:8 Iomraidhean Croise

Matiu 18:17

Ọ ḅọ́rọ́ mini n pughugha, dugho pa sọsị ma pịrị, ọ ḅọ́rọ́ pịghị mini sị sọsị ma sọ pughugha anịsáa Tamunonimighaḅo ḅara anịgha ásẹ́mẹ́kiri ósó igbii daa ḅo ḅara pa n ḅo na mịẹ.

Matiu 7:11

Ḅọ́rọ́ ọmịnị anịsáa siiapụ n ḅẹ́sọ, nimim ọmịnị ibi dienyẹ pa die ọmịna awọ pịrị pịrị ḅara, ọmịna sobie Daḅọ anịị ibi dienyẹ pa ọ ḅara biiapụ pịrịbịghaḅọ!

Ibi Oku Ma Jọn Anị Gịẹ Ḅara 15:22

A ḅọ́rọ́ ḅo ẹ́gẹ́rẹ kọọ n pịrịgha, siiamịẹnyẹ ḅẹrẹ nna ḅara sibịgha. Mị́sa anị fịnị ḅara ma n pa ḅara ọlọ bẹnyẹ ofori nna sii ḅụ.

1 Kọrịntịapụ 6:6

Kụma anịmanakaragha, ị jẹa mininiḅọ mú jụghọ pa ḅẹ́rẹ́kọ́wárị múm, mịma kiriakịarị angaá anịị mininighaapụ ma tórúku!

2 Kọrịntịapụ 12:14

A tẹ́lẹ́mamam ḅẹẹ a ḅo ọ nana dona, mị tẹ́rẹ́ kárámá sáá, a ọ ḅarabie ḅẹnyẹ ḅẹnyẹ bibịẹgha, kụ́ma ọmịnị anịị a binyẹ, ọ nyáná nyẹ́ghaa, ọ́ kọ́kọ́ nimi ḅẹẹ awọamaapụ nna nyingiapụ siḅe na ibighaa, kụ́ma nyingiapụ anịị nna awọ siḅe ḅẹnyẹ.

2 Kọrịntịapụ 6:15

Krais na Ẹ́kpẹ́dua na nna bịpị tọrọ́ pa gbẹ́rẹ́nyẹ fie bẹ? Mininiḅọ na mininighaḅọ ntẹ́ nyẹ nyáná gboloma?

Galesiaapụ 6:10

Anịgosi wa asọ nyáná sa gonyẹ́ gonyẹ́ wa ibinyẹ mịẹ kị́nị́mamgba pịrị, ẹ́rẹ́soma Krais ḅụ mininiapụ ma.

2 Timoti 2:12

Wa pa ngịrịma nyáná nyáná, wamịnị na ori na taábẹm. Wa ḅọ́rọ́ o pighi pighi, ori sọ wa pighibẹm.

2 Timoti 3:5

Tamuno kịkama duma nyáná kụ́ma ori kụ́rọ ma pighi. Nnị na ḅẹnyẹ ḅẹnyẹ nyáná ma.

Taitọs 1:16

Nnị bịpị ḅụ dughoarị ḅẹ́ n Tamuno nimim, kụ́ma nna mịẹnyẹ ḅụ nnị o pighiarị. Mịị túminị́ ma nnị Tamuno ḅụ siiapụ, nnị pịghị ọ bịpị pughugha, nnị ibi pịrị gbẹ́rẹ́ fịrị sọ ofori.

2 Pita 2:1

Ḅọ́rọ́maa sáá iruo ikiakoroapụ págháḅom túminị́ ma ogbobie, anị gbẹ́rẹ́ ḅara ma anịị iruo nyẹ́dieapụ so págháḅo bẹ ḅara ọmịna ogboku bie. Nnị ḅọghu ḅara ḅụ kị́nị́ḅáa bẹ na iruo dienyẹ akuo ḅobẹm, n pịghị n dụaḅọ́rọ́ma Nyánáḅọ ma pighibẹm, anị ḅụ ḅọ́rọ́ buapághá ḅara ḅụ kị́nị́ḅáa dighiḅọ nna ḅụ pịrị.

Judu 1:4

Jẹa túminị́ Tamuno nímighaapụ ḅọghu ḅara pa ikirisọḅomam ọ mịnị ogboku bie sị Tamuno tọ́rụ́kụrụkụ́rụ́ oku ma dima, nnị pa nna yáakuu ḅụ ofori nwángị ma kọ, pịghị Jizọs Krais wámịna kpọ́kpọ́ Daḅọ na wámịna Nyánáḅọ sịghị. Ḅọlọmaa sáá Tọ́ndiri ma dugho kórómamam nnị nyanamaá ḅẹ́rẹ́kọ.

Puu Findi 2:13

A nimim ọmịnị ngaa angaá, anịị Satanị ma ori imine nyáná ngaa. Anịsọ ọ pa sẹ́kụrọ ị́yẹ́ ẹrẹ ma pịrịm ọ pa ịḅụ mininim nnị Antipasi ị́yẹ́ karakárá onyésẹ̄ḅọ ma ḅá sa ọmịna opu ama bie anịị Satanị ma ngaa angaá.

Puu Findi 3:8

A ọ ọmịna mịẹnyẹ nimim, a ḅụ́pọ́ findi ọ pịrịmam gbẹ́rẹ́ḅọ sọ ine ikásịbịgha nyẹ. A nimim ḅẹẹ ọ kálá ịnyọ nyánam; ọmịnị ị́yẹ́ dienyẹ ma duamam, ọ pịghị sẹ kụrọ ị́yẹ́ ẹrẹ ma pịrịmam.