1 Timoti 4:7 - Ibani New Testament

⁷ Ọmịnị ọmịna ḅụ fófóoma tumḅọ dugho naibigha tamuno osigha olom lughu ma ḅụ, ọmịnị ọmịna ojumẹnị pa dawọnyẹ ḅụ sua Tamuno tọ́ọ ḅara ḅụ.

1 Timoti 4:7 Iomraidhean Croise

Fịrị Ḅara 24:16

Anịgo a ị́yẹ́ ịnyọ la ḅárá mịẹm sị árị ḅẹ́ a fíafía kúkúbie nyánam Tamuno tórúku na pịghị túminị́ tórúku.

1 Timoti 1:4

Dugho n pịrị ḅẹ́ nnị mịnị sáá ngúmá nyẹ ḅụ ofori lughu ma na n gịẹ kóróma mánámāná tádọ́apụ ẹrẹ ma pịrịma, mịma nụná ngéré anịị anị dighiḅoarị nyẹ, mịná nụná ma minigha tumḅọ ine Tamuno fịrị ma nwángị, mịma anịị tumḅọ ine mịẹbẹnyẹ ḅọ́rọ́ n ḅọ Tamuno ma ḅụ minini nyáná ọkụma.

1 Timoti 1:9

Wa pịghị nimim ḅẹẹ, Tamuno mịná ólóghó ma suagha karakárá ibiamịẹnyẹapụ gosi, kụ́ma ólóghó kaapụ na kụrọsịbịbẹapụ gosi, ọ sua pa Tamunonimighaapụ na siiamịẹnyẹapụ pịrịm, ọ sua pa tọ́ntọ́ ḅụ fịnịghaapụ na Tamuno gbolomanyẹ dighisimaarịapụ pịrịm, ọ sua pa nyingiapụ na daapụ ḅáapụ pịrịm, ọ pịghị sua pa kị́nị́ ḅa ḅáapụ mamgba pịrịm,

1 Timoti 2:10

Kụ́ma ibiamịẹnyẹ fịrị pa nna ḅụ́birima, anịị anị karakárá n pịrị ḅara dughoapụ ma ḅẹ́ nnị Tamuno tẹ́ghẹ̄arị ẹrẹ.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

1 Timoti 4:8

Oju jighema ti ma sọnyẹ nyánam, kụ́ma tẹ́mẹ́ju fịrịnwangị ma sọnyẹ sọ́ḅám asọ kịrịkị́rị́ ḅụ tegó anị duma pa wa pịrịbẹm, mị́sa na pịghị ḅoarị sáá.

1 Timoti 6:11

Kụ́ma ịrịị, Tamuno tumḅọ ịḅụ darịma mịnanyẹ mamgba ḅụ, karakárá ibiamịẹnyẹ dọghụ pa sịbị sághị, Tamuno nimi, minini, ḅẹlẹma, ngịrịma na diin mịẹnyẹ.

1 Timoti 6:20

Timoti, pa ibima wárị n pa ị ḅárabie suanyẹ ma. Ịḅụ sií kuu pa Tamuno pịrịgha ẹ́gẹ́rẹ́ ḅụ na pịghị oḅori nyẹ nụná ḅụ, túminị́ irima ḅara pa <> sị nyẹ.

1 Timoti 6:3

Jẹ́ kịrị dienyẹ dieḅọ fịnịfịnị sị pịghị wámịna Nyánáḅọ Jizọs Krais karakárá ẹ́gẹ́rẹ́ ma na kuragha nyẹ na pịghị wámịna Tamuno minini dienyẹ ma diegha ḅọ

1 Timoti 6:5

pịghị sámámgba nna tẹ́mẹ́bie ịlọlịapụ na ḅẹrẹ kpángịrị, mịnị tọ́ntọ́ ẹ́gẹ́rẹ́ ma karakárá nyánágháapụ. Nnị kórómaarị ḅẹ́ Tamuno nimi ma anịị ḅọ́rọ́ igbii nyána asọ.

2 Timoti 2:16

Ịḅụ sii dárímaá Tamuno osigha na oḅori ẹ́gẹ́rẹ ḅụ, túminị́ dee ḅọlọanga mumu nyẹ Tamuno fịnị angaá.

2 Timoti 2:23

Ịḅụ si akị oḅoriapụ na nyẹ́nimighaapụ nụná nyẹ ḅụ; i kọkọ nimi ḅẹ anị kunema anịị kam sọọ.

2 Timoti 3:12

Tụ́manyẹ ḅụ Tamuno kịka duma kọọdoghuḅo gonyẹ́ gonyẹ́ Krais Jizọs bie nnị nḅọ pa tọ́rụ́siarịmabẹm.

2 Timoti 3:5

Tamuno kịkama duma nyáná kụ́ma ori kụ́rọ ma pighi. Nnị na ḅẹnyẹ ḅẹnyẹ nyáná ma.

2 Timoti 4:4

Nnị nna biri pa jẹ́ angaá wárim nnị karakárányẹ ma náa dọghụgha gosi, tụ́ma birifama lụghụ pughubẹm.

Taitọs 1:14

sị n mịnị sa nyána ofori ofori Juuapụ lụghụ pịrịbịgha ḅara na pịghị karakárá ma sịghịmaapụ tọ́ọ warị ologho.

Taitọs 2:12

Anị tọ́rụ́kụrụkụ́rụ́ ma diearị ḅẹ́, Tamuno bie ófórigha duma sịghị pịghị tuminikiri ma tọ́rụ ḅẹlẹ sịghị warị ḅụ ọlọ duma kọọ, tụ́ghụ́ sẹ na Tamuno dighi ḅáláfa duma kọọ mị tuminikiri ma ḅụ,

Taitọs 3:9

Kụ́ma mịẹnyẹ ḅụ ofori nụ́nányẹ kile, n gịẹ kóróma nangwọ tádọ́apụ ẹrẹ, ólóghó ma gboloma kam na owu na, mịnanyẹ ma sọnyẹ ḅụ ofori pịghị fịrị ḅụ ofori.

Hiburuapụ 5:14

Tụ́ma mbgọlụ fị́nyẹ fịnị sẹ́nịapụ pịrịm, nnị sámámgba anị fịarị sa, nnị ine ibinyẹ na siinyẹ na nimim.