1 Timoti 4:4 - Ibani New Testament

⁴ Tamuno tẹ́mẹ́nyẹ gonyẹ́ gonyẹ́ ibim; tumḅọ sịghị na ibi nyẹ ofori, kụ́ma nnị nyẹ gonyẹ́ gonyẹ́ daákịbẹm ịmịẹḅam tẹ́ghẹ̄ bịpị ḅụ,

1 Timoti 4:4 Iomraidhean Croise

Fịrị Ḅara 10:15

Pụghọ ma pịghị sima dugho ọ pịrịm, <>

Fịrị Ḅara 15:29

Ọmịnị nnị pa igwagwaá oru pịrị nama pẹẹ́ ma, pulo oju ḅụ págháḅoarị nama pẹẹ́ ma, n pịghị nnị nụ́nụ́ḅa nama pẹẹ́ ma, ọ pịghị ọ ḅụ si yáakuu ḅụ ofori nwángị ḅụ. Ọ ḅọ́rọ́ ọ ḅụ warị warịị mịnanyẹ ma ḅụ, ọmịnị ibiḅara mịẹbẹm. Ọmịnị ibima fịnị.>>

Fịrị Ḅara 21:25

Kụ́ma ḅo mininimaa Juughaapụ ma wa ábálálá pa nnị fịrịmamam ḅẹ́ n jẹ́ éné jẹ́ éné nnị n pa igwagwaá oru pịrị fị́nyẹ fị ma, anịgha pulo táḅa, anịgha n ḅa sị pulo anị bie sara págháa nama pẹẹ́, ḅẹ́ n pịghị nna ḅụ fófóoma yáakuu ḅụ ofori nwángị ḅụ.>>

Romapụ 14:14

Kị́nị́nyánáḅọ Jizọs ma asọduaḅọ ḅara, a ibi ma mininim ḅẹ́ anị ḅụ na kị́nị́ pilemaarị fị́nyẹ ofori; kụ́ma ḅọ́rọ́ tumḅọ minini minini ḅẹ́ jẹa fị́nyẹ imi kị́nị́ pịlemaarị nyẹ, anịsa anị fị́nyẹ ma warị ḅo kị́nị́ pịlema fị́nyẹ sọ anịḅọ ma pịrị.

Romapụ 14:20

Mịnị ma sị ị́yẹ́ fị́nyẹ gosi Tamuno nwángịmáa fịrị ma guluguluma. Tumḅọ ine fị́nyẹ gonyẹ́ gonyẹ́ fịbẹm, kụ́ma anị karakáragha ḅẹ́ tumḅọ fị́nyẹ fịị mịẹbẹnyẹ sị jụghọ bịghị siinyẹ bie sọ.

Romapụ 14:6

Gbẹ́rẹ́ éné ákịḅọ ḅẹ́ anị éné ma éné mamgba nẹngịm, ọkọ mịẹm pa kuu pa Kị́nị́nyánáḅọ pịrị, n ḅọ árịnyẹ gonyẹ́ gonyẹ́ fị ḅọ, ọkọ mịẹm pa kuu pa Kị́nị́nyánáḅọ pịrị, tegó nnị ịmịẹḅam pa Tamuno ma pịrịm fị́nyẹ ma gosi. Mini jẹa fị́nyẹ fịghaapụ ọkọ mịẹm pa kuu pa Kị́nị́nyánáḅọ ma pịrị, sị pịghị ịmịẹḅam pa Tamuno ma ḅẹẹ.

1 Kọrịntịapụ 10:23

Anịị n dugho ḅara ḅẹẹ, <> Anịma karakáram, kụ́ma nyẹ gonyẹ́ gonyẹ́ sọ́nyẹ ḅụ sọ́gha

1 Kọrịntịapụ 10:25

Ọmịnị ine nama dẹrị fẹ ḅụ ọmịnị árị nama gonyẹ́ gonyẹ́ pẹébẹm, nyẹ gbiláagha pa, i biebẹ tẹ́mẹ́ gosi.

1 Kọrịntịapụ 10:26

Ḅẹẹ Tọ́ndiri ma dughom ḅẹẹ, <>

1 Kọrịntịapụ 10:30

A ḅọ́rọ́ ịmịẹḅam pa Tamuno pịrị iyẹ fị́nyẹ gósi, tumḅọ tegósi i dughosima bẹ a ịmịẹḅam pa pịrị fị́nyẹ gósi?

1 Timoti 4:3

Ọkọfịnị túminị́ diearị bẹ anị karakáragha tumḅọ taa yaa, pịghị jẹa fị́nyẹ fịị. Kụ́ma Tamuno anị fị́nyẹ ọrụ ma tẹ́mẹm ḅẹ́ tumḅọ imiẹḅa tẹ́ghẹ̄ẹ̄ kọọ sọ sáá n ḅo anị fịị, mịma miẹbẹapụ anịị mininiapụ ma pịghị karakárá ma nimimaapụ.