1 Timoti 4:3 - Ibani New Testament

³ Ọkọfịnị túminị́ diearị bẹ anị karakáragha tumḅọ taa yaa, pịghị jẹa fị́nyẹ fịị. Kụ́ma Tamuno anị fị́nyẹ ọrụ ma tẹ́mẹm ḅẹ́ tumḅọ imiẹḅa tẹ́ghẹ̄ẹ̄ kọọ sọ sáá n ḅo anị fịị, mịma miẹbẹapụ anịị mininiapụ ma pịghị karakárá ma nimimaapụ.

1 Timoti 4:3 Iomraidhean Croise

Matiu 14:19

Ọ warị bịpị pịrị ḅẹẹ túminị́ ma osuka ma ḅụ kpọrọfịnị. Ori sọ́nọ́ a fịtúrú kpo ma na mmẹẹ́ a nji ma akịm sị tọ́rụ́ saghị so dighi sị imiẹḅa ḅẹm sị fịtúrú ma pughu. Anịsáa ọ warị pa ori ọḅụduaapụ pịrị, ori ọḅụduaapụ warị pa túminị́ ma pịrị.

Matiu 15:11

Tumḅọ bịpịbie sọọ nyẹ mịẹbịgha n ḅọ pile kụma bịpị ma bie saghị págháḅo nyẹ anịị mịẹsị tumḅọ pilearị nyẹ.>>

Matiu 15:36

Anịsáa ọ warị sọ́nọ́ma fịtúrú kpo ma na nji akị, ori imiẹḅa pa Tamuno ḅẹ́ fama sáá, ori anị puum si anị pa ori ọḅụduaapụ pịrị nnị warị anị pa túminị́ ma pịrị.

Ibi Oku Ma Luk Anị Gịẹ Ḅara 24:30

Ọ kpọrọfịnịm ḅẹẹ ori n nnị na nyẹ́fị, ọ warị fịtúrú akị warị anị boma sị die n pịrị.

Ibi Oku Ma Jọn Anị Gịẹ Ḅara 6:23

Anịsáa jẹ́ jẹ́ árụ́ Tiberios ḅụ saghị dọ́ghusọm, Kị́nị́nyánáḅọ imiẹḅa ḅẹ́ fama sị fịtúrú pa túminị́ ma pịrị sị n fị anga ma na kikia ngá.

Fịrị Ḅara 27:35

Ọ mịma dugho fama sáá, Pọl fịtúrú akịm warị ịmịẹḅam pa Tamuno ḅẹ́ nnị kị́nị́mamgba tórúku, ori anị puum warị saghị fịị.

Romapụ 14:17

Tamuno ma kọnsịn ma fị na ḅụ na ḅụghaa, kụ́ma karakárá ibiamịẹnyẹ ḅụ, diin ḅụ, na bieḅẹlẹ ḅụ Tọ́ntọ́ Tẹ́mẹ́ ma pịrịarịnyẹ.

Romapụ 14:3

Nyẹ gonyẹ́ gonyẹ́ fịarịḅọ nyẹ sẹ́lẹ́ḅọ dighi álịmáma, pẹdiri ngéré pẹ́arịḅọ sọ pịghị ḅẹ́rẹ́kọ pẹ́lẹ́ma nyẹ gonyẹ́ gonyẹ́ pẹ́arịḅọ sịbị; tegó Tamuno n ḅọ daa ákịmam.

Romapụ 14:6

Gbẹ́rẹ́ éné ákịḅọ ḅẹ́ anị éné ma éné mamgba nẹngịm, ọkọ mịẹm pa kuu pa Kị́nị́nyánáḅọ pịrị, n ḅọ árịnyẹ gonyẹ́ gonyẹ́ fị ḅọ, ọkọ mịẹm pa kuu pa Kị́nị́nyánáḅọ pịrị, tegó nnị ịmịẹḅam pa Tamuno ma pịrịm fị́nyẹ ma gosi. Mini jẹa fị́nyẹ fịghaapụ ọkọ mịẹm pa kuu pa Kị́nị́nyánáḅọ ma pịrị, sị pịghị ịmịẹḅam pa Tamuno ma ḅẹẹ.

1 Kọrịntịapụ 6:13

Gbẹ́rẹ́ḅọ ḅẹẹbẹm ḅẹẹ, <> Kụ́ma Tamuno mịná mmẹẹ́ ma gulugulumabẹm, ojumẹnị ma anịị tumḅọ pa yáakuu ḅụ ofori nwángị kọọ bẹ nyẹ́gha, kụ́ma nnị anị pa fịrịnwangị Tamuno pịrịị. Tamuno anịị pịghị oju ma siḅearị ḅọ

1 Kọrịntịapụ 7:28

Kụ́ma i yaa yáá i mịẹ siinyẹ ofori; owiḅọ nimigha ọ́rụ́ḅọ dee yaa yaa a gbẹ́rẹ́ siinyẹ sọ mịẹghaa. Kụ́ma yáapụ tọgha tuminikiri ḅụḅáláḅálá árịbẹm, mịma anị a binyẹ anị ḅárábie a ọ dụapághámaḅo.

1 Kọrịntịapụ 8:8

Fị́nyẹ, anị fịnị ḅara ine wa kikiama Tamuno fịnị angaá ḅobịgha, wa ḅuuma nyẹ ofori wa ḅọ́rọ́ fịghafịgha, anịgha wa ḅọ́rọ́ fịfị wa anị bie sọnyẹ́ nyanagha.

Kolosiapụ 2:16

Anịgosi minima sị gbẹ́rẹ́ḅọ sọ ḅẹ́rẹ́kọ ọ sịbị, o ḅuu ḅụ nyẹ anịgha ọ fịị fịịnyẹ anịgha tọ́ntọ́ éné, álálị fị gbolomanyẹ, anịgha ịwọ akalụ́ anịgha Ịnyọ́sárá Éné gbolomanyẹ.

Kolosiapụ 3:17

Ọ mịẹnyẹ gonyẹ́ gonyẹ́, ḅọ́rọ́ ẹ́gẹ́rẹ́ ḅụ anịgha mịẹnyẹ ḅụ, nyẹ gonyẹ́ gonyẹ́ mịẹ Kị́nị́nyánáḅọ Jizọs ẹrẹ ḅụ, ịmịẹḅam pa Tamuno Daḅọ ma pịrịarị ori ẹrẹ ḅụ ḅọ́rọ́.

1 Timoti 2:4

biḅọ ḅẹ́ kị́nị́mamgba dụaḅọ́rọ́ma nyáná sị n ḅoo pịghị karakárá ma nimii.

1 Timoti 4:4

Tamuno tẹ́mẹ́nyẹ gonyẹ́ gonyẹ́ ibim; tumḅọ sịghị na ibi nyẹ ofori, kụ́ma nnị nyẹ gonyẹ́ gonyẹ́ daákịbẹm ịmịẹḅam tẹ́ghẹ̄ bịpị ḅụ,

1 Timoti 5:14

Anịgoo a biibẹm ḅẹ́ dee fịịmaá ẹ́rẹ́awọ ma deeyaa, awọ yii sị nna wárị táakúbirii sị wámịna iruonaapụ asọ arịbịgha ḅara sị wa dughosima.

Hiburuapụ 13:4

Ẹ́rẹ́yáa anị kị́nị́mamgba opu osigha pa pịrị na ibinyẹ, deeapụ na taapụ na jụghọ jụghọ ḅụ minini na ibim, Tamuno ḅẹ́rẹ́kọbẹm ama dọghụapụ ma sịbị na pịghị yáakuu ḅụ ofori nwángị kọ́arịapụ ma sịbị.

Hiburuapụ 13:9

O minima tọ́rụ́kịrịkị́rị́ dienyẹ ọ daa irima karakárá asọ ma ḅụ. Anị ibim ḅẹẹ tumḅọ biebẹ ịnyọ nyáná ḅo Tamuno tọ́rụ́kụrụkụ́rụ́ ḅụ, mịnị saghị fị́nyẹ ólóghó kokogha, ọmịna bie mị ólóghó ma kokoapụ, mị ólóghó ma so ḅárásua n pịrịgha.