1 Timoti 4:16 - Ibani New Testament

¹⁶ Ḅụ ẹbị, i duma kọọarị ḅara na pịghị ị nyẹ́diearị ḅara. Pa ị mịẹarịnyẹ ma mịẹ tegó ị́ ọkọmiẹmiẹ ị́ ịḅụ na ị naarịapụ ma duaḅọ́rọ́mabẹm.

1 Timoti 4:16 Iomraidhean Croise

Ibi Oku Ma Mak Anị Gịẹ Ḅara 13:9

<<Ọmịnị sọ, ọmịnị ọ ḅụ ẹbị. Nnị okubẹm sị ọ pa ḅẹ́rẹ́kọ sịrị mubẹm. Nnị o fombẹm nna kobiri yọ ḅụ, nnị o mịẹbẹm sị ọ sẹ táarịapụ na ámányánáapụ tórúku i sịbị go, sị ọmịnị ibi oku ma dugho wásáma bẹ ḅara.

Ibi Oku Ma Luk Anị Gịẹ Ḅara 21:34

<<Ọmịnị ọ ḅụ ẹbị sị minima opu fị na ḅụ na ọ dighi akị so, ọ pịghị minima sị tuminikiri ḅụḅáláḅálá opuma ọmịna tẹ́mẹ́bie bii sí ọ ḅáláḅálá ma anịgha éné ma ḅo ọ ḅụ koro tọ́rụ́ pa dighigha sáá, sọ́ḅọ́rọ́ n tughu dia.

Fịrị Ḅara 26:22

Kụ́ma akị ḅo mịmgba éné ma láa a Tamuno ḅárásua nyánaḅom, anịgo a mịngáá sẹ sị onyẹsẹ́ kị́nị́mamgba pịrị, káláapụ na opuapụ na. A dughonyẹ ma anịị ikiakoroapụ ma na Mosis dughonyẹ ḅẹ́ pághábẹm:

Fịrị Ḅara 6:4

Wamịnị ine ibima sáá fámá tẹ́ghẹ̄ bẹ ḅara sị pịghị Tamuno ẹ́gẹ́rẹ́ ma dugho wásámáa.>>

Romapụ 11:14

dighidighigha a ine ị́yẹ́ jẹ́ Juuapụ mịẹsị nnị nyẹ́mọ́ni, si anị ḅụ ḅọ́rọ́ nna ḅụ jẹ́apụ dụaḅọ́rọ́ma.

Romapụ 16:17

Mịnaapụ, a ọ tẹ́ghẹ̄m ḅẹ́ ọ tọ́rụ́ pa puama dighiḅoarịapụ ma ḅụ gbánā, mininiapụ mịẹarịapụ sị n bịghị pighi asọ mgbẹsẹ dighiḅọ ọ dáwọ ḅomaá dienyẹ ma pịrịarịapụ. Ḅụ kile nna ḅụ!

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

1 Kọrịntịapụ 1:21

Tamuno ori opu nyẹ́nimi ḅụ mịẹm ḅẹ́ anị opuma ḅụdáa ḅẹ́ túminị́ nna níminyẹ ḅụ ḅọ́rọ́ nnị ḅoo o nimi. Tụ́ma wa dugho wásámaarị oḅori oku ma ḅụ ḅọ́rọ́ Tamuno anị ọ ḅụḅẹlẹ ḅara ḅụ mininiapụ ma duaḅọ́rọ́mam.

1 Kọrịntịapụ 9:22

Minini ḅụ kụrọghaapụ ma ogbo, a ḅo minini ḅụ kụrọghaḅọ dighim sị a ine pa nna akuoo Krais pịrịị. Anịgosi a ḅo nyẹ gonyẹ́ gonyẹ́ sọ kị́nị́mamgba pịrịm sị a ine jẹapụ dụaḅọ́rọ́ma ḅo bẹ ḅara a árị asọ gonyẹ́ gonyẹ́ ḅụ.

1 Kọrịntịapụ 9:27

A oḅoli pa ị́yẹ́ oju ma ḅaghu kụ́rọ́mam sị a ibima anị ḅụ ḅẹrẹtọ bẹ ḅara, sị a ibi oku ma dugho wásáma jẹapụ pịrị faá ma sa nnị i suma sibịgha ḅẹẹ a gbụnụ́nụ́ ḅara pa ị́yẹ́ mangị ma kọọgha.

Ẹ́fịsọsapụ 4:14

Wamịnị awọamaapụ ḅara pa nyẹ mịẹbịgha, oḅori pa kị́nị́ sịarịapụ dienyẹ ma duaarịapụ, dinọngụ nyẹ dighi ḅara pa dighiarị nyẹ na fọ́rụ nyẹ dighi ikelekelearị ḅara, pa dighi ikelekelearị nyẹ. Mịná túminị́ ma jẹ́apụ túlúma irima nyẹ bie suam n tẹ́mẹ́bie págháḅo aka na egberi na ḅụ.

Kolosiapụ 4:17

Dugho Akipọs pịrị, <<Árị ḅẹẹ Kị́nị́nyánáḅọ ḅara ị daaḅọ fịrị ma ị́rị anị nwángị kárámam.>>

1 Tẹsalonaikaapụ 2:16

Nnị asọ dọ́ghụm wa kiki bẹ ḅara, wa Juughaapụ dụaḅọ́rọ́ma akuoo bẹ oku ma dugho wásámabịgha ḅara. Mịị ḅara ma n mịẹarị siiamịẹnyẹ ma, n mịẹmam anị ḅo káara bifụfụụ́. Kunema Tamuno igani ḅo nna sịbị gbanamam.

1 Timoti 1:3

A bim ḅẹ́ ịrị Ẹ́fịsọs ḅụ fịnị, a dugho ị pịrị ḅara ma a Masidoniya múuarị sáá. Jẹa túminị́ Ẹ́fịsọs ma ḅụ iruonyẹ anịị nnị diearịnyẹ, asọ dọghụ sị n kikii.

1 Timoti 4:15

Mịnanyẹ ma pa fịrị ḅụ sua; ịḅụ pa gbẹ́rẹ́ sáá anị bie suu, sị kị́nị́mamgba ị́yẹ́ bịpị muu árị bẹ ḅara.

1 Timoti 4:6

Ị ḅọ́rọ́ mịnanyẹ ma pa mininiapụ ma biekóróma kóróma, anịị a dugho kórómanyẹ ma, ịrị Krais Jizọs ibi fịrịnwangịḅọ sọ́bẹm, minini ma karakárá ḅụ n dighi pághámaḅoḅọ na pịghị ị́ duamaa karakárá dienyẹ ma.

2 Timoti 2:10

Anị ẹrẹ́sị a ngịrịma nyáná nyẹ gonyẹ́ gonyẹ́ pịrịm Tamuno sẹlẹakịapụ ma sịbị gosi, nnị sọ Krais Jizọs ḅara ḅoo dụaḅọ́rọ́ma ma nyáná bẹ ḅara Gbámásóḅọ ma akuoarị nyẹ.

2 Timoti 3:14

Kụ́ma ịrị nnị pa ị die karakárá ma ị pịghị ibima minini nyẹ ma ọlọọ tórúku muu. I kọkọ níminyẹ pa i die nyẹ́dieapụ.

2 Timoti 4:2

oku ma dugho wásáma, arịị ḅẹ́ ị anị dugho wásámaarị sáá ma karakárá o karakáragha o mịẹsị nnị akanyaḅo, iganịị pịghị nna tẹ́mẹ́ mịẹ kụ́rọ́maá, ị pịghị ngịrịma ḅara pa nyẹ́diearị ḅara.

Taitọs 1:9

Ọ karakárá ẹ́gẹ́rẹ́ ọlọ kụ́rọ́mabẹm nnị pa o die ḅara, ori ine ọ dawọḅo karakárányẹ ma pa jẹ́apụ die pịghị irimaarịapụ daá tụ́ụ́ma.

Taitọs 2:15

Mịnanyẹ ma die, ị́yẹ́ sịbịdaa kụ́rọ ma pa n tẹ́mẹ́ kụrọma pịghị igani ị naarịapụ pịrị. Minima gbẹ́rẹ́ḅọ so idighisima.

Taitọs 2:7

Nyẹ́ gonyẹ́ gonyẹ́ ḅụ, ịḅụ die ḅẹ́ ị sẹ ibiamịẹnyẹ pa tọ́ma bẹnyẹ pịrịm, ị́yẹ́ dienyẹ ḅụ, sẹ karakárá pịrị, pịghị i diearịnyẹ ma pa nyẹ́sị.

Fịlẹmọn 1:19

Mịnga nyẹ ma, a ị́ ḅara na gịẹbẹm, ḅẹ́ irị Pọl ị́ gbẹ́bẹm. Á pa i biekórómanaibịgha ḅẹ́ ịḅụgḅọrụ ọ ị́ ḅárabie ị́rị ọlọ sáá.

Hiburuapụ 12:15

Ọmịnị árị ḅẹẹ, ọ Tamuno tọ́rụ́kụrụkụ́rụ́ pa ọḅụgbigha. Gbẹ́rẹ́ḅọ sọ si lakpo nyánáma sị anị wáriso anị sẹnị ḅo opuma ḅẹ́rẹ́ dighi kị́nị́mamgba pịrị.

Hiburuapụ 13:9

O minima tọ́rụ́kịrịkị́rị́ dienyẹ ọ daa irima karakárá asọ ma ḅụ. Anị ibim ḅẹẹ tumḅọ biebẹ ịnyọ nyáná ḅo Tamuno tọ́rụ́kụrụkụ́rụ́ ḅụ, mịnị saghị fị́nyẹ ólóghó kokogha, ọmịna bie mị ólóghó ma kokoapụ, mị ólóghó ma so ḅárásua n pịrịgha.

Jems 5:20

ọ mịma pa biekóróma: siiamịẹnyẹ ḅo daa, karakárá asọ ma sọ ḅọ gonyẹ́ gonyẹ́ anị sii tumḅọ ma tẹ́mẹ́ duaḅọ́rọ́mabẹm fịị ḅarabie, n ḅọ pịghị tọgha tọgha siiḅụḅarasipịrị akuobẹm.