1 Timoti 3:6 - Ibani New Testament

⁶ Ori ịwọma Krais nimiḅọ na fiagha, ori opu ibiamịẹnyẹḅọ mịẹbịgha ḅara sị abana findii sị sóóró kóró ẹ́kpẹ́dua sóóro kóró ḅẹ́rẹ́kọ ma ḅụ.

1 Timoti 3:6 Iomraidhean Croise

Ibi Oku Ma Luk Anị Gịẹ Ḅara 10:18

Jizọs warị n pagharaa ḅẹẹ, <

1 Kọrịntịapụ 3:1

Karakárányẹ ḅụ, ịyẹa nángwọ́apụ a ine ẹ́gẹ́rẹ́kọọ ọ pịrịbịgha a ẹ́gẹ́rẹ́kọọ tẹ́mẹ́ ma nyánáapụ pịrịbẹ ḅara; a ẹ́gẹ́rẹ́kọọ ọ pịrịbẹm sọ́ḅọ́rọ́ ọmịnị mị tuminikiriapụ na pịghị káláawọ ọmịna minini Krais ḅụ.

1 Kọrịntịapụ 8:1

Mị́sa ọ gịẹnyẹ ma gbolomanyẹ anịị nnị pa igwagwaá n kárá tamuno pịrị fị́nyẹ. Karakárányẹ ḅẹẹ, wamịnị kị́nị́mamgba nyẹ́nimim, n dugho ḅara, anị fịnị ḅara ọkọ fịnị níminyẹ mịẹ mịẹm jẹ́apụ sághị opuamịẹnyẹ mịẹ; kụ́ma ḅẹlẹma tumḅọ mịẹm n ḅọ sẹnị.

2 Kọrịntịapụ 12:7

I mịẹsị a opuma opuamịẹnyẹ mịẹbịgha ḅara, a árị tọgha ḅụ́gbérépuma nyẹ ma ḅụ. Nnị gbẹ́rẹ́ nangi pa i pịrịm ị́yẹ́ oju bie, Satanị oku muu ḅọ, ori i fom sị a mịnị opuamịẹnyẹ mịẹbịgha ḅara.

1 Timoti 3:7

Ori ibi ẹ́rẹ́ nyáná na ibim nụ́ngọ bieapụ fịnịanga, nnị ọ ḅụ́gịrịrịmabịgha ḅara sị ori ẹ́kpẹ́dua dia ma bie sóóro kóró.

1 Timoti 6:4

opuamịẹnyẹ anị n ḅọ sịbị kpórómáarịnyẹ n ḅọ ḅẹnyẹ ḅẹnyẹ nimigha. Nnị kụ́rọ pụghọ nyánam sị nyẹ ḅụ ófórigha nyẹ gosi nyẹ nụná pịghị kam sọọ, mịma warị tẹ́mẹ́ akụ, nụná, wiri núme, si ẹ́rẹ́ pa kị́nị́ sị, sitẹ́mẹ́ biegbáná nyanagha jẹ́apụ ḅụ,

2 Timoti 3:4

aka ḅara pa túminị́ túlúma ḅẹ́rẹ́ ḅụ suu, sịbịbie kiẹgha pa nyẹ mịẹ, nọmụ ḅara pa opuamịẹnyẹ mịẹ, fị na ḅuu na ḅẹlẹma tụ́ma Tamuno ḅẹlẹma nakaragha.

1 Pita 2:2

Ọmịnị nnị ịwọma yii awọ fịnị ḅara fịnị, sámámgba karakárá tẹ́mẹ́ju ndomingi ma ọ pụghọ tarị, tegó ọmịnị anị ḅụarị sáá ọmịnị ine sẹ́nị págháḅobẹm ọmịna dụaḅọ́rọ́ma ḅụ,

1 Pita 5:5

Anị gbẹ́rẹ́ ḅara ma ọmịnị ásáawọ ọmịnị ọ tórúku sẹ́nịapụ ma osii. Ọ ḅụ́sitéréma fịrịnwangị jụghọ jụghọ pịrị. Tọ́ndiri ma dugho ḅara ḅẹ́, Tamuno opuamịẹnyẹapụ ma daá sẹ́ma sẹ́mam kụ́ma ọrẹ ḅẹlẹma pa ḅụ sitérémaapụ ma die.

2 Pita 2:4

Siinyẹ mịẹ sookumuapụ ma Tamuno nnị warisogha, ori nnị pa ẹ́kpẹ́duaama fịrịmam, ịkóli suanyẹ na n ḅara na pa kánákáná póghóló kiribie gbii ḅẹ́rẹ́kọọ éné ma kúruarị.

Judu 1:6

Ọmịnị sookumuapụ ma pa biekóróma, mịnị nna ḅụ pa nna kụrọ láa kunema angaá ḅụ warighaapụ, kụ́ma nna fịnị yọ warisom: n gbámásó ịkóli pa n suamam sughubie fịnị kánákáná ma bie, Tamuno n pa warị pa anị opu éné ma kúru nna ḅẹ́rẹ́kọ éné nnị n guluguluma bẹ sáá.