1 Timoti 3:16 - Ibani New Testament

¹⁶ Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

1 Timoti 3:16 Iomraidhean Croise

Matiu 1:23

<> (mịma dughoarị ḅẹẹ, <>).

Matiu 13:11

Ọ pagharam, <

Matiu 28:2

Kụrọ kirijighe kiriakịm, Kị́nị́nyánáḅọ sookumuḅọ sobie kóróḅom sị dapịrị ma suma ọḅụdaa sị anị ọgọnọ kpọrọfịnị.

Matiu 3:16

Jizọs mingi sara fama gbẹ́rẹ́kiri ọ mingi ma bie ḅọ́rọ́ ọgọnọ iwoom. Anịsáa ma ḅụ so warị findi ọ warị Tamuno Tẹ́mẹ́ ma árị elesia ḅara pa kóróḅoarị sị ọ ḅụ gbana.

Matiu 4:11

Anịsáa ma ḅụ ẹ́kpẹ́dua ma ọ warịsom sookumuapụ warị ḅoo ḅárásua ọ pịrị.

Ibi Oku Ma Mak Anị Gịẹ Ḅara 1:13

Ọ warị anị angaá dii a mmẹẹ́ si fịnị, Satanị warị ọ daádighi. Pirinama sọ anị angaá ma ḅụ imi, kụ́ma sookumuapụ so, ḅom sị ḅárásua ọ pịrịm.

Ibi Oku Ma Mak Anị Gịẹ Ḅara 16:19

Kị́nị́nyánáḅọ Jizọs nnị na ẹ́gẹ́rẹ́ fama sáá, nnị ori akị sobie múm, sị muu Tamuno amaḅaranga kpọrọfịnị.

Ibi Oku Ma Mak Anị Gịẹ Ḅara 16:5

Nnị warị dupu ma sọọ, warị gbẹ́rẹ́ ásátụ́wọ arịị kpọrọfị́nị́ḅọ amaḅaranga, sị pị́na bịtẹ sua, ḅáláfa warị nna ḅụ sọọ.

Ibi Oku Ma Luk Anị Gịẹ Ḅara 2:32

mịẹsị Juughaapụ ma baá árị, sị pịghị kuu akuoo ị́yẹ́ túminị́ Izirẹlị pịrị.>>

Ibi Oku Ma Luk Anị Gịẹ Ḅara 20:44

Deviti Anịsáa Krais ma ọ tọ́rọ́ pa ḅo Deviti furotụ́wọ sọọ bẹ?>>

Ibi Oku Ma Luk Anị Gịẹ Ḅara 22:43

Gbẹ́rẹ́ sookumuḅọ warị sobie saghị ḅo sị ịnyọ pa ọ ḅụ sua.

Ibi Oku Ma Luk Anị Gịẹ Ḅara 24:4

Nnị mịma kóróma kọarị sáá, buapághá ḅara ḅụ mmẹẹ́ owiapụ sofịnị kọrịarị ḅara pa kọrịarị suabịtẹ suaapụ warị anị kịrịkị́rị́ nna angásá sẹ́.

Ibi Oku Ma Luk Anị Gịẹ Ḅara 24:51

Ori n Karịibimaarị sa, ọ kẹ́lẹ́ n ḅụ fofoom, n warị o dighiákị sobie muu.

Ibi Oku Ma Jọn Anị Gịẹ Ḅara 1:14

Ẹ́gẹ́rẹ́ ma ḅo tumḅọ sọm sị wamịnị na ngaa. Wamịnị ori ipine árịmam, Daḅọ ma ḅara sághị ḅo Kpọ́kpọ́ gbẹ́rẹ́ḅọ tọ́rụ́kụrụkụ́rụ́ na karakárá ḅụ bi ḅo.

Ibi Oku Ma Jọn Anị Gịẹ Ḅara 13:3

Jizọs nimim ḅẹ́ Daḅọ ma nyẹ gonyẹ́ gonyẹ́ saghị ọ ḅarabie suamam, ḅẹ́ ọ Tamuno ma ḅara saghịḅom ọ pịghị so Tamuno ma dámámụarị;

Ibi Oku Ma Jọn Anị Gịẹ Ḅara 15:26

<<Ḅárásuaḅọ ma ḅo sáá, a pa ọ fịrịma bẹḅọ Daḅọ ma ḅara, tụ́manyẹ pa túminị́ diearị Tẹ́mẹ́, Daḅọ ma ḅara saghị ḅooḅọ, ori ma igbọloma nyẹ dugho pághámabẹm.

Ibi Oku Ma Jọn Anị Gịẹ Ḅara 16:28

A Daḅọ ma ḅara saghị tuminikiri ḅom; mị́sa a tuminikiri ma wáriso sị pịghịma Daḅọ ma dámámụarị.>>

Ibi Oku Ma Jọn Anị Gịẹ Ḅara 17:5

Anịgo mị́sa Daa, kuu pa i sọma ị tórúku, wa nyáná gboloma kuu ma tuminikiri ma na saghịgha sáá.

Ibi Oku Ma Jọn Anị Gịẹ Ḅara 20:12

sị mmẹẹ́ sookumuapụ arịị pị́na bịtẹ suapụ Jizọs dua ma warị angaá kpọrọfịnịapụ, gbẹ́rẹ́ḅọ sịbị angaá isiḅọ ḅụọ angaá.

Ibi Oku Ma Jọn Anị Gịẹ Ḅara 6:62

Tẹ́ nyẹ, ḅọ́rọ́ ọ Tumḅọ yii Tụ́wọ ma árị iwo ọ saghị ḅo angaá muarị!

Fịrị Ḅara 1:19

Jerusalem ḅụ fịnịapụ mamgba anị naam, anịgoo nna ama bịpị ḅụ, nnị anị siim Akeldama kiri, mịma dughoarị <<Ọmbịnyẹ́ Kiri.>>)

Fịrị Ḅara 10:34

Pita warị saghị ẹ́gẹ́rẹ́, ḅẹẹ, <

Fịrị Ḅara 14:27

Nnị ḅo Antịọkụ láa sa, nnị sọsịapụ ma kobirim sị dugho n pịrị Tamuno nnị pa nwángịmáa fịrị, ọ pịghị asọ findi Juughaapụ pịrịmaá ḅara sị n mininii.

Fịrị Ḅara 20:28

Ọ tọ́rụ́ pa kiri lama ọmịna ḅụ pịrị, na pịghị Tọ́ntọ́ Tẹ́mẹ́ ma saghị ọ ḅarabie sua ánáná awọ ma pịrị. Ọmịnị ánánákúrúapụ dighi Tamuno sọsị ma pịrị, ori ọ tụwọ ọmbịnyẹ́ pa fẹ nyẹ.

Romapụ 10:12

Ḅẹẹ kịrịnyẹ ofori Juuapụ na Juughaapụ bie Tamuno ori anịị kị́nị́mamgba Nyánáḅọ ọ pịghị ibiḅara pa ọ sịapụ mamgba boma bomam.

Romapụ 10:18

Kuma a gbilam: Anị tụ́manyẹ ḅẹ́ nnị oku ma naagha? Karakárányẹ dugho ḅụ n nam: Nnị gịẹ kóróma ḅara Tọ́ndiri ma bie ḅẹ: <>

Romapụ 16:25

O ḅo wa Tamuno ma saghị sóghólóma, ori ine ọ mịẹ bẹḅọ sị ọ kụrọ sẹ ọmịna minini ḅụ, Jizọs Krais gboloma sị a dugho wásáma ibi oku ḅụ ḅọ́rọ́, na pịghị nnị ḅọghuma karakáráma nnị ḅọghuma nyẹ ḅọlọ sáá ene ene, mị́sa nnị anị diepághámamam.

Romapụ 16:26

Kụ́ma mị́sa ikiakoroapụ ma gịẹ kórómanyẹ ma mịẹmam tọghaapụ ḅo karakáráma nimi, Gbámásó Tamuno ma pịghị bịpị pịrịmam ḅẹ́ sẹ gonyẹ́ gonyẹ́ anị karakárá ma nimii si kị́nị́mamgba minini bẹ ḅara pịghị ọkọ mịẹ.

Romapụ 3:4

Ọkọfịnịnyẹ ofori! Tamuno anịị o dughonyẹ mịẹarịḅọ, tuminikiri gbọrụ iruonyẹ dughoapụ sọ. Tọ́ndiri ma dugho ḅara: Ịrị ẹ́gẹ́rẹ́ sa gonyẹ́ gonyẹ́ kị́nị́mamgba árịbẹm ḅẹ́ ị karakáram, nnị ị sịbị ḅẹ́rẹ́kọ sa gonyẹ́ gonyẹ́ ḅẹ́rẹ́ ị ḅara ibibẹm.

Romapụ 8:3

Ólóghó ma ine mịẹgha nyẹ, tegó ojumẹnị ma mịẹmam sị anị mịnị kụ́rọ nyanagha Tamuno mịẹm ori ọ Tụwọ fịrịma sa, ojumẹnị suaḅọ sị o sii sịrịsii bẹ ḅara. Anị ḅara ma ọ ḅẹ́rẹ́kọsima sii pịrịm ojumẹnị ma bie.

Romapụ 9:5

Nnị anịị ẹ́rẹ́so Hiburu tádọ́apụ ma furoawọ, Krais sọ ojumẹnị ḅụ pịghị nna ḅụ gbẹ́rẹ́ḅọ. Tamuno ori ngámámgba ḅụ táarịḅọ túminí fịnị ọ pịrị ákị mú ḅẹsá ḅẹsá láa! Anị ọkọ fịnị.

1 Kọrịntịapụ 15:47

Parị Adam ma tuminikiri átụ́ma anịị n pa ọ tẹ́mẹ́nyẹ, mmẹẹ́ kárámá Adam ma sobie saghịḅom.

1 Kọrịntịapụ 2:7

Kụ́ma wa dugho wásámaarị opu níminyẹ ma anịị Tamuno ḅọghu opu níminyẹ ma, n pa tuminikiriapụ ḅọghuma nyẹ, ọ sẹlẹakị nyẹ nịị n tuminikiri ma tẹ́mẹ́gha sáá wámịna ipine goo.

2 Kọrịntịapụ 1:19

Ḅẹ́ Jizọs Krais Tamuno Tụwọ, Sailas na Timoti na ịrị ma dugho wásáma ọ pịrịḅọ ma, ori <> na <> kụ́ma ọ ḅụ Tamuno <> ngéré ḅẹm.

Galesiaapụ 2:8

Tamuno ma kụ́rọ ḅụ nnị i pa nfịrịmaḅọ mịẹ Juughaapụ ma pịrịm, nnị Pita pa nfịrịmaḅọ mịẹ Juuapụ pịrị ḅara.

Galesiaapụ 4:4

Kụ́ma karakárá sáá ma ḅo láa sa, Tamuno ọ Tụwọ fịrịmaḅom, ọ́rụ́ḅọ o yiim, Juuapụ ólóghó ḅara ḅụ ọ sẹ́nị págháḅom.

Ẹ́fịsọsapụ 1:9

Tamuno pa wa diemam ḅọghu sị ọ mịẹ dọghụnyẹ ọ tọ ḅara ḅụ, mịma anịị ọ mịẹ kárámá bẹnyẹ Krais ḅụ ḅọ́rọ́.

Ẹ́fịsọsapụ 6:19

Pịghị tẹ́ghẹ̄ i pịrị ḅẹ́ a bịpị findi sa gonyẹ́ gonyẹ́ ori oku pa i pịrịbẹm sị a ḅáláfaghaa ḅara ḅụ, a ine ibi oku ma ḅụ ḅọghunyẹ dugho wásáma bẹ ḅara.

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

Kolosiapụ 1:6

ọ pịrịmaá ma nyẹ. Tuminikiri gbọrụ ḅụ mịị ibi oku ma anị mgbọ́lụ suarị pịghị sẹnịarị, anị pịghị mịẹarị ḅara ma ọmịna ogboku bie ọ sághị anị náa sa éné éné pịghị Tamuno tọ́rụ́kụrụkụ́rụ́ ma akanyaḅo anị karakárá mamgba ḅụ.

Kolosiapụ 2:2

A mịma mịẹm sị nnị tẹ́mẹ́kụ́rọ nyáná sị gbẹ́rẹ́ ḅẹlẹma ḅụ fịnị sị nnị ine bii fụ́fụ́ sị káara akanyaḅo nyáná, mị ḅara ma nnị Tamuno ḅọghunyẹ ma nimibẹm, anịị Krais ma ḅụgbọrụ.

2 Tẹsalonaikaapụ 1:10

O ḅomaẹrẹ anị éné ma sị o boma daakị bẹ ḅara ọra túminị́ mamgba ḅárábie na pịghị kuu, mininiapụ mamgba ḅarabie. Ọmịnị sọ nna ḅụ gbẹ́rẹ́apụ sọbẹm tegó ọmịnị wa dugho ọ pịrị oku ma minimam.

2 Tẹsalonaikaapụ 2:7

Mị́sa tọghaapụ Tamuno ẹ́gẹ́rẹ ma na kuragha duma kọọarị, kụ́ma kiriakị dọghụnyẹ ma kiriakịbịgha n nyẹ́ma kiki ḅo ma sịghare asọogbo.

1 Timoti 3:9

Minini ma ḅụ n pa n diepágháma póghóló tụ́manyẹ ma nnị fíafía tẹ́mẹ́bie ḅụ anị ọlọọ sẹ́ma na fiam.

Hiburuapụ 1:3

Tụwọ ma anịị Tamuno ipine ma bia ḅára diepághámaarịḅọ, Ọ Tamuno na kịkam asọ gonyẹ́ gonyẹ́ ḅụ, ọ pịghị ori kụ́rọ nyáná ẹ́gẹ́rẹ́ pa so na kiri ma dighi sẹ́mam, ọ wámịna sii sịrị si faá ma sáá, ọ kpọrọfịnịm Tamuno ámáḅara angaá, kụrọmamgba nyánáḅọ sobie.

Hiburuapụ 12:2

Wamịnị wámịna tọ́rụ́ pa Jizọs ḅụ gbánā, wámịna minini ḅára fịnịḅọ, saghị sị mú kunema la. Ori ọḅụ daagha mgbẹsẹ sị ma go, kụ́ma tórúku fịnị o kuruarị bieḅẹlẹ gosi, ori ingịrịma nyáná mgbẹsẹ sị ma pịrịm, ori mgbẹsẹ sị́ ọgọ́nọ́ fịị ma ḅụ́gịrịrị balagha. Mị́sa ọ Tamuno imine ma ámáḅara ngá kpọrọfịnịarị.

Hiburuapụ 7:7

Kị́nị́ bomaarịḅọ dụḅaḅá boma ma daakịarịḅọ nẹngịm, mịma nụ́nányẹ anị bie ofori.

Hiburuapụ 8:1

Wa dughoarị nyẹ́mámgba ḅẹarị ḅẹẹ wa ọkọfịnị igwagwaalaḅọ nyánam Opu Tamuno opu imine ma ámáḅara ḅụ kpọrọfịnị ḅo sobie.

1 Pita 1:12

Tamuno diepágháma mịná ikiakoroapụ ma pịrịm ḅẹ́, nna fịrị ma anị nna ḅárákū sọ́nyẹ sọ n pịrịbịgha kụ́ma anị sọọ nyẹ sọ ọmịnị pịrịbẹm, n pịghị dugho sị ọ náa maá oku ma ókumuuapụ ma bịpị, anịị n sobie saghị fịrịma ḅo Tọ́ntọ́ Tẹ́mẹ́ pa dugho ibi oku. Mịnanyẹ ma anị sookumuapụ ma so bii nyẹ nnị akanyaḅo.

1 Pita 1:20

Tamuno ọ sẹ́lẹ́akịmam na n tuminikiri ma tẹ́mẹ́gha sáá kụ́ma n warị ọmịnị go ọ diepágháma mị kunema sáá ma.

1 Pita 1:21

Ọmịnị ọ ḅụ ḅọ́rọ́ Tamuno ḅụ mininim, fịị ḅụ ọ sị saghịma ḅọ sị pịghị ipine pa ọ pịrị, anịma gosi ọmịna minini na ọmịna tọ́rụ́ dighinyẹ Tamuno ḅụ gbánāarị.

1 Pita 3:18

Tegó Krais fịị sii pịrịm gbẹ́rẹ́sa ngéré, karakárá ibiamịẹnyẹḅọ siiapụ sịbị go fịịm ori ọmịnị akuoo Tamuno pịrịị bẹ ḅara. Túminị́ ojumẹnị ḅụ ọ ḅám, kụ́ma Tamuno mịẹm o duma fịnịị tẹ́mẹ́ju,

1 Pita 3:22

Krais iwóo sobie mumam ọ pịghị Tamuno amaḅaranga imii, sookumuapụ na tẹ́mẹ́ju táarịapụ mamgba táarị, na pịghị sobie kụrọnyanáapụ mamgba.

1 Jọn 1:2

Mịị duma ma anị ḅụ die sa, wamịnị anị arịm pịghị anị gbolomanyẹ dughom, pịghị Daḅọ ma na fịnị duma gbámásó gbolomanyẹ dugho ọ pịrị, mịma anịị n pịghị mịẹsị wa níminyẹ.

1 Jọn 3:5

O nimim ḅẹ́ Krais ḅom sị ọ sii dighi si bẹ ḅara, kụ́ma ọ ḅụ sii ofori.

1 Jọn 3:8

Sámámgba ḅụ fịnị sị siiamịẹnyẹ mịẹarịḅọ gonyẹ́ gonyẹ́ fịnị ẹ́kpẹ́dua pịrịm, tegó ẹ́kpẹ́dua ma Sughu saghị sa éné éné siinyẹ mịẹarị. Mịma go anịị Tamuno Tụwọ ma go ḅo nyẹ sị ori ẹ́kpẹ́dua ma fịrị mamgba sima bẹ ḅara.

Puu Findi 17:5

A fụ́ḅára ogbo árị ẹrẹ nyánam n túminị́ ḅọghuma nyẹ: ḅọghunyẹ, opu babịlọn, sẹfịapụ mamgba nyingi pịghị tuminikiriapụ tọ́ọ tọ́ọ nyẹ.

Puu Findi 17:7

Sookumuḅọ ma warị i gbíla, <> A dughofindi ị pịrịbẹm ọ́rụ́ḅọ ma sẹ́pịrị ḅọghunyẹ na pịghị a díghíarị ḅáláfáma nama ma ḅọghunyẹ sẹ́pịrịnyẹ, anịị sọ́nọ́ma sịbị na oyia ikpangi nyánányẹ ma.

Puu Findi 7:9

Mịma ḅọ́rọ́ sáá, a dighim warị tọgha tọgha túminị́ arịị tumḅọ ine kịẹbịgha túminị́! Tọ́rụ́kịrịkị́rị́ túminị́, ọrụ ọrụ ọrụ, sẹ sẹ sẹ ḅụ na pịghị ẹ́gẹ́rẹ́ bịpị ḅụ! Nnị pị́na koro bịtẹ suam sị Ánáná Tụwọ ma tórúku sẹ́fịnịarị na pịghị imine ma tórúku n pịghị dim ḅara ọlọm n ḅárabie.