1 Timoti 3:15 - Ibani New Testament

¹⁵ Kụ́ma a ḅọ́rọ́ sáá ngúma ngúma, mịị ábálálá ma pa o diebẹm túminị́ ḅara warị nyẹ́ mịẹ na ibiḅara Tamuno túminị́ ma kubiri ogbo, anịị dumafịnị Tamuno ma Tamuno kubiri ogbo ma, agalaba sị na anị sughusághị, Tamuno karakárá ma dighinyẹ.

1 Timoti 3:15 Iomraidhean Croise

Matiu 16:16

Saimọn Pita pagharam, <<Ịrị anịị Krais ma, dumafịnị Tamuno ma Tụwọ.>>

Matiu 18:18

A karakárányẹ ma dugho ọ pịrịm, ḅẹẹ mị tuminikiri ọ káká nyẹ gonyẹ́ gonyẹ́ sobie sọ nnị anị kakábẹm, ọ pịghị fiima nyẹ gonyẹ́ gonyẹ́ mị tuminikiri sobie sọ nnị anị fiimabẹm.

Ibi Oku Ma Jọn Anị Gịẹ Ḅara 1:17

Tamuno ólóghó ma Mosis ḅara sághịḅom, kụ́ma tọ́rụ́kụrụkụ́rụ́ na karakárá Jizọs Krais ḅara sághịḅom.

Ibi Oku Ma Jọn Anị Gịẹ Ḅara 14:6

Jizọs pagharam, <

Ibi Oku Ma Jọn Anị Gịẹ Ḅara 18:37

Paileti warị ọ gbíla, <> Jizọs pagharam, <<Ị karakáram dughoarị ḅẹ́ irị ámányánáḅọ anịgo nnị i yiim, anịgo a tuminikiri ma ḅom sị a karakáráma dugho págháma. Karakáráma ḅụ sẹapụ gonyẹ́ gonyẹ́ i pughu pughum.>>

Ibi Oku Ma Jọn Anị Gịẹ Ḅara 6:69

Wa mininim pịghị nimi ḅẹẹ ịrị anị Tamuno Tọ́ntọ́ Tumḅọ ma.>>

Fịrị Ḅara 1:2

akị muu ori iwóo sobie muu sáá láa. Na nnị ọ pa iwomagha sáá Tọ́ntọ́ Tẹ́mẹ́ ḅụ ḅọ́rọ́ ọ bịpị pa ọ sẹlẹakịapụ ma pịrịm ḅẹ nnị anịị ọrẹ nfịrịmaapụ.

Fịrị Ḅara 14:15

<

Romapụ 3:2

Asọ gonyẹ́ gonyẹ́ ḅụ anị opuma ḅárasuam, ḅẹ́ Tamuno parị ori ibi oku ma saghị Juuapụ ma ḅarabie suam.

Romapụ 9:26

Anị pịghị nnị dugho nnị pịrịnyẹ ḅẹ́, <<Ọmịnị ị́yẹ́ tuminigha, << >>

1 Kọrịntịapụ 10:32

Duma kọọ ị ḅụḅáláḅálá dighi gbẹ́rẹ́ḅọ sọ pịrịbịgha ḅara Juuapụ anịgha Juughaapụ anịgha Tamuno sọsị ma.

1 Kọrịntịapụ 3:16

Tụ́mányẹẹ ọ nimim ḅẹẹ ọmịnị Tamunowarị Tamuno Tẹ́mẹ́ pịghị ọmịna ḅụbie ngam.

2 Kọrịntịapụ 3:3

Ḅọghugha, ọmịnị anịị Krais ọ ḅara na gịẹ diri sị pa wamịna ḅara ḅụ fịrịma, Nyẹ́gie ḅuruma pa anị gịẹgha, kụ́ma dumafịnị Tamuno ma Tẹ́mẹ́, n pịghị dapịrị ọ́gọ́nọ anị gịẹgha kụ́ma túminị́ tẹ́mẹ́bie.

2 Kọrịntịapụ 6:16

Tamuno wárị na nkára tamuno nnị tẹ́ mịẹnyẹ nyáná gboloma bẹ. Wamịnị anị dúmagbámásó Tamuno ma wárị: Tamuno ọ ḅụgbọrụ ḅẹ́ ḅara ma ḅẹẹ. A nnị na ngábẹm pịghị nna ogbobie nwángị ikelekelé, a Tamuno sọ n pịrịbẹm nnị sọ ịyẹa túminị́ sọ́bẹm.

2 Kọrịntịapụ 6:7

Wámịna karakárá oku na pịghị Tamuno kụ́rọ ḅụ ḅọ́rọ́. Wa karakárá ibiamịẹnyẹ nyánam wa pa ọ́mụ́gbinyẹ, amaḅara ḅụ na pịghị ẹ́rẹ́ḅara ḅụ.

Galesiaapụ 2:9

Jems, Pita na Jọn kubiri ogbo ma ákịapụ ḅẹ́ nnị sịbịdaapụ arịḅom ḅẹ́ Tamuno mịị opu fịrị ma pa i pịrịmam, nnị ịrị na Banabas ḅara dam, pa die ḅẹ́ wamịnị mamgba fịrị ma nwángị gbólomaarị, n minim ḅẹ́ ịrị na Banabas Juughaapụ ma ogbobie fịrịnwangị, nnị warị Juuapụ ma ogbobie fịrịnwangị.

Galesiaapụ 3:1

Ọmịnị oḅorisọ Galesiaapụ, tụọ diri pa ọ mịẹ? Ọmịna tórúku, anị ọ ḅụ koro ḅẹ́ ḅara, n dugho ọ pịrịm Jizọs Krais ḅara warị fịị ḅara mgbẹsẹ sị́ ọgọnọ.

Ẹ́fịsọsapụ 4:21

Ọmịnị o gbolomanyẹ naam, ori asọduaapụ ḅara, nnị Krais ḅụ fịnị karakárá pa o diem.

Kolosiapụ 1:5

Minini na ḅẹlẹma ḅụ sághị ḅọ tọ́rụ́ dighinyẹ, sobie n kokowarị ọ pịrịnyẹ, ọ pịghị anị gbolomanyẹ namaa nyẹ karakárá ẹ́gẹ́rẹ́ ma ḅụ anịị ibi oku ma, nnị akuoo

1 Tẹsalonaikaapụ 1:9

Anịapụ mamgba dughoarị ọ wa dáasu ḅara wamịnị ọ fịnịanga ḅo sa, ọmịnị oru wáriso sị sághị karakárá na pịghị duma gbámásó Tamuno ma tẹ́ghẹ̄ ḅara,

1 Timoti 3:14

A mịị ábálálá ma gịẹ ị pịrịarị, tẹ́mẹ́ gbánā ḅẹ́ ḅọlọgha sa a ḅoo ị́yẹ́ árịbẹm.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

1 Timoti 3:2

Tamuno kubiri ogbo sịbịdaḅọ ori fiesima nẹ́ngị na fiam; gbẹ́rẹ́ táaḅọ ngéré nyáná, ori álála bieoḅughaa, ine ḅụ ọlọ ḅo, kị́nị́ osigha nyáná pịrịḅọ, ine igoniapụ datéréma n ḅo wárị; ine nyẹ́die bẹḅọ;

1 Timoti 3:5

Ḅẹẹ, ḅọ́rọ́ tumḅọ ine amịna wárị tákúbirigha nḅọ tọrọ́ pa ọrụtọ Tamuno kubiri ogbo ma pịrịbẹ?

1 Timoti 4:10

Wamịnị ịnyọ pa tụ́ma fịrị nwángịm tegó wamịnị wámịna tọ́rụ́ dighinyẹ pa dumafịnị Tamuno ma ḅụ gbánam, kị́nị́mamgba Dụaḅọ́rọ́maḅọ nyẹ mamgba nẹ́ngị nyẹ anịị mininiapụ.

1 Timoti 6:16

ori ngéré anịị fịịbịgha Tamuno ma ori anịị tumḅọ ine sọma mú láabịgha baá ma bie angaá ḅoo. Gbẹ́rẹ́ḅọ sọọ na jẹ́ éné ori arịgha, gbẹ́rẹ́ḅọ sọọ ine ori arịbịgha. Kuu na ịnyọ fịnị ọ pịrị mú gbámásó láa! Anị ọkọ fịnịị.

2 Timoti 2:19

Tamuno kụrọ sughu isé ma ḅẹnyẹ ḅẹnyẹ anị jighe jighemabịgha; anị ọgọnọ anịị n mị ẹ́gẹ́rẹ́ ma gịẹnyẹ: <>

2 Timoti 2:20

Opu wárịbie tọ́rụ́kịrịkị́rị́ ẹ́fẹ́rẹ na bọlị anịị fịnịnyẹ: jẹa nyẹ pị́naḅala jẹ́anyẹ odoḅala anịị n pa anị tẹ́mẹ́nyẹ, jẹa nyẹ sị anịị n pa anị tẹ́mẹ́nyẹ, jẹa nyẹ urọ átụ́ma anịị nnị pa anị tẹ́mẹ́nyẹ; jẹ́anyẹ álálị ḅụ anịị nnị anị pa fịrị ḅụ súúarị nyẹ, jẹ́anyẹ papa sáá anịị nnị anị pa fịrị ḅụ suuarị nyẹ.

Hiburuapụ 10:21

Wamịnị opu igwagwaḅọ nyánam Tamuno wárị ma bie sịbịdaḅọ.

Hiburuapụ 12:22

Tụ́ma Zayọn tụ́ndụ́ anị o tándị ḅo nyẹ dumafịnị Tamuno ma opu ama, sobie Jerusalem na pịghị tọgha tọgha mmẹẹ́ a ndẹ́ẹ oyia si findi sookumuapụ bieḅẹlẹ kubiri ogbo.

Hiburuapụ 3:12

I jẹa mininiapụ, ọ ḅụ ẹḅịị sị ọmịna bie gbẹ́rẹ́ḅọ sọ mininigha sị kúkúbie nyánábịgha ḅara sị n ḅọ ọḅụ pa dumafịnị Tamuno ma gbiibiegha ḅara.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

1 Pita 2:5

Mị́sa ọ fịnị ḅara sọ́ḅọ́rọ́ dumafịnị dapịrị nnị pa tẹ́mẹ́ju warị námáarị nyẹ. Ọmịnị sọ pịghị tọ́ntọ́ igwagwaapụ, Jizọs Krais ḅárásua ḅụ ḅọ́rọ́ ọ Tamuno ḅẹ́lẹ́maarị igwaa gwaabẹm.

1 Pita 4:17

Sa lámam ḅẹ́rẹ́kọ saghị bẹ sa. Tamuno awọ ma sịbị anịị n saghị ḅẹ́rẹ́kọ bẹnyẹ; anị ḅọ́rọ́ wamịnị na saghị saghị, anị tọrọ́ pa Tamuno ibi oku ma mininighaapụ ma na kunema bẹ.

Puu Findi 7:2

A pịghị jẹ́ sookumuḅọ arịm ịrụa ma sághịarị ngá sághị ḅooḅọ dumafịnị Tamuno ilíghíma suanyẹ ọ́lọ́ḅọ. Ori kụrọ pụghọ pa ínia sookumuapụ ma sịm, Tamuno kụrọ pa pịrịmáapụ ḅẹẹ nnị tuminikiri ma na tọ́rụ́ ma simaa.