1 Timoti 3:1 - Ibani New Testament

¹ Mịị tụ́ma dughonyẹ: ḅọ́rọ́ tumḅọ tẹ́mẹ́bie ibima dọ́ghụm ḅẹ́ nḅọ Tamuno kubiri ogbo sịbịdáḅọ sọọ, nḅọ túminị́ osigha pa pịrịbẹ fịrị dọ́ghụm.

1 Timoti 3:1 Iomraidhean Croise

Ibi Oku Ma Luk Anị Gịẹ Ḅara 15:10

Anị gbẹ́rẹ́ ḅara ma a dugho ọ pịrịm, Tamuno sookumuapụ ma bieḅẹlẹm sii ḅụ pịghị sii tumḅọ sịbị ọgọnọ.>>

Fịrị Ḅara 1:20

Nnị kọkọ gịẹ kóróma fíafía Núme diri bie ḅẹẹ, << <Ọ wárị kị́nị́ ofori wárị sọọ; Gbẹ́rẹ́ḅọ sọ anị bie ngaa ma.> Nnị kọkọ pịghị gịẹ ḅẹẹ, <<

Fịrị Ḅara 20:28

Ọ tọ́rụ́ pa kiri lama ọmịna ḅụ pịrị, na pịghị Tọ́ntọ́ Tẹ́mẹ́ ma saghị ọ ḅarabie sua ánáná awọ ma pịrị. Ọmịnị ánánákúrúapụ dighi Tamuno sọsị ma pịrị, ori ọ tụwọ ọmbịnyẹ́ pa fẹ nyẹ.

Romapụ 11:13

A ẹ́gẹ́rẹ́kọọ pịrịarị ọmịnị Juughapụ: ịrị ma Juughaapụ ma nfịrịmaḅọ ḅara ma, a ị́yẹ́ fịrị pa bịpịkpọm,

Ẹ́fịsọsapụ 4:12

O mịma mịẹm pa Tamuno túminị́ tẹ́lẹ́ma warị pa Krais asọ duarịapụ ma fịrị pịrị, sị nnị ibima Krais oju ma, anịị Tamuno kubiri ogbo ma nama tẹ́lẹ́ma bẹ ḅara,

Filipaiapụ 1:1

Irị Pọl na Timoti, Jizọs Krais omoniapụ ḅara anịị mị diri ma sághị ḅo nyẹ́. Nnị gịẹ pa Krais bie fịnị Tamuno túminị́ mamgba fịrịmam Filipai ḅụ fịnịapụ na pịghị sọsị ma sịbịdaapụ na pịghị ḅárásuaarịapụ mamgba:

1 Tẹsalonaikaapụ 5:14

Wa pịghị ọ tẹ́ghẹ̄m, wámịna Daa awọ, ọ mini fịrịnwangịghaapụ ma birinụ́nụ́ ḅẹẹ, nnị ọkọ mịẹma, nnị ḅáláfáarịapụ ma kúkúbie kụrọma, ḅárásua ḅárásua biapụ pịrị, mgịrịma nyáná kị́nị́mamgba pịrị.

1 Timoti 1:15

Mịị karakárá dughonyẹ, túminị́ gbẹ́rẹ́ sáá daakị si pịghị anị minini: Krais Jizọs tuminikiri ma ḅom sị o siiamịẹnyẹapụ dụaḅọ́rọ́ma. Ị́yẹ́ angaá sii ma pịghị kị́nị́mamgba nyẹ nẹ́ngii.

1 Timoti 4:9

Mị tụ́ma dughonyẹ tumḅọ karakáráma ákịbẹnyẹ pịghị anị minini.

2 Timoti 2:11

Mịị anị tẹ́mẹ́ gbánā na ibi dughonyẹ: <

Taitọs 1:7

Tamuno kubiri ogbo sịbịdáḅọ anịị Tamuno fịrị ma ḅara fịnịḅọ, ori ma anịị bịpị ḅụ lánaibighaḅọ, opuamịẹnyẹ tumḅọgha, owi tẹ́mẹ́ nyánágha, iru ḅụ tọ́rụ́ḅamaghaḅọ, ama owu ḅẹ́lẹ́maghaḅọ anịgha igbii pụghọ nyánághaḅọ.

Taitọs 3:8

Mịị karakárá dughonyẹ, a bim ḅẹ́ ọmịnị anị dugho, anị dugho ḅarị, sị Tamuno ma ḅụ mininimáapụ nimi bẹ ḅara sị nnị nna sa fama ibifịrị nwángị bẹ ḅara. Mịnanyẹ ma opuma ibim, anị pịghị sọ́nyẹ sọ kị́nị́mamgba pịrịbẹm.

Hiburuapụ 12:15

Ọmịnị árị ḅẹẹ, ọ Tamuno tọ́rụ́kụrụkụ́rụ́ pa ọḅụgbigha. Gbẹ́rẹ́ḅọ sọ si lakpo nyánáma sị anị wáriso anị sẹnị ḅo opuma ḅẹ́rẹ́ dighi kị́nị́mamgba pịrị.

1 Pita 2:25

Asọ irimáa ánáná fịnị ḅara anị ọ fịnị ḅára, kụ́ma mị́sa ọ pịghịma ḅo ọmịnị Ánánákúrúḅọ na pịghị o mịná biebẹ duma Kokoarịḅọ ma pịrịmam.

1 Pita 4:15

Ọ́ ḅọ́rọ́ tọ́rụ́siarịarị, ọ tọ́rụ́siarị ma ḅẹ́, ọmịnị kị́nị́ ḅa ḅáapụ, anịgha ọmịnị furuapụ, anịgha siiamịẹnyẹapụ, anịgha jẹ́apụ ḅẹ́rẹ́ ḅụ n ḅụ dighi suaarịapụ.

1 Pita 5:2

A ọ tẹ́ghẹ̄m ḅẹ́, ọmịnị ánánákúrúapụ sọ Tamuno pa ọ pịrị ánánáawọ́ ma pịrị, ọmịnị ọ tẹ́mẹ́bie gbọrụ pa n siḅe Tamuno ma bi ḅara. Ọ mịẹma sọ́ḅọ́rọ́ nnị pa ọ kọngọ kpọm ọ pịghị mịẹma igbii go. Kụ́ma kúkúbie fịrịnwangị Tamuno ma pịrị dọghụ tẹ́mẹ́.