1 Timoti 2:1 - Ibani New Testament

¹ Nyẹ mamgba ḅụ parị nyẹ, a dugho kụ́rọ́mam ḅẹ́, kubiri ogbo nyẹ́bii, tẹ́ghẹ̄ kọ, jẹ́apụ sịbị tẹ́ghẹ̄, pịghị ịmịẹḅam pa Tamuno ḅẹ́ kị́nị́mamgba sịbị,

1 Timoti 2:1 Iomraidhean Croise

Fịrị Ḅara 17:30

Ḅọ́rọ́maa sáá, túminị́ Tamuno nimigha sáá ori n dighi tọ́rụ́sim, warị tọ ḅẹ ọ́rụ́ḅọ ọ́rụ́ḅọ amịna sii ḅụ pịghịị.

Romapụ 1:8

Parị a ịmịẹḅam pa ị Tamuno ma ḅẹm, Jizọs Krais ma ẹrẹ ḅụ ọmịnị kị́nị́mamgba sịbị go, tegó tuminikiri gbọrụ ọmịna minini gbolomanyẹ naarị.

Romapụ 6:17

Kụ́ma wamịnị ịmịẹḅam pa Tamuno ḅẹbẹm! Tegó gbẹ́rẹ́sa biri ọmịnị omoni sọ sii pịrịm, kụ́ma mị́sa ọ nyánáḅọ karakárá dienyẹ ma ọ tẹ́mẹ́ gbọrụ pa anị dughonyẹ mịẹm.

1 Kọrịntịapụ 15:3

A dáaḅonyẹ a ḅọ́rọ́ma ọ pịrịmam parị nyẹ́la ḅa nyẹ ḅara, ḅẹ́ Tọ́ndiri ma dugho ḅara ḅẹẹ, Krais wa sịbị go fịm,

2 Kọrịntịapụ 8:6

Anịgo wa Taitọs tẹ́ghẹ̄m ḅẹẹ ori fịrị ma sághịḅọ ma, ori anị nwángị tórúku mú, sị ọ ḅárásua ọ pịrị sị ọ mị tụ́ma ḅẹlẹma fịrị ma nwángị fama.

Ẹ́fịsọsapụ 3:13

Anịgo a ọ tẹ́ghẹ̄m ḅẹ́ anị ọ biesima ma, a árị ọ pịrịarị tọ́rụ́siarị ma, anịị ọmịna sịbị gosi.

Ẹ́fịsọsapụ 5:20

Sámámgba ịmịẹḅam pa Tamuno Daḅọ ma ḅẹẹ nyẹ gonyẹ́ gonyẹ́ ḅụ Wányánáḅọ Jizọs Krais ma ẹrẹ ḅụ.

Ẹ́fịsọsapụ 6:18

Tẹ́mẹ́ ḅụ tẹ́ghẹ̄ kọọ sámámgba tọ́rụ́kịrịkị́rị́ tẹ́ghẹ̄ na nyẹ́bi tẹ́ghẹ̄ kọọ. Mịma dighi tẹ́mẹ́bie, sámámgba tẹ́lẹ́ma fịnị tẹ́ghẹ̄ tọ́ntọ́apụ mamgba pịrị.

Filipaiapụ 1:3

A ọ́ pa biekóróma sa gonyẹ́ gonyẹ́ a ịmịẹḅam pa i Tamuno ḅẹarị.

Filipaiapụ 4:6

Ḅụḅáláḅálá pa ịḅụ pịrịma ḅẹnyẹ ḅẹnyẹ ḅụ kụ́ma ị́yẹ́ tẹ́ghẹ̄ ḅụ, Tamuno ḅara ị dọghụnyẹ bi, ịmịẹḅam tẹ́mẹ́ pa ọ ḅara i bi dọghụnyẹ bii.

1 Tẹsalonaikaapụ 3:12

Kị́nị́nyánáḅọ ma mịẹsị ọ nyáná jụghọ jụghọ pịrị ḅẹlẹma na ọ nyáná kị́nị́mamgba pịrị ḅẹlẹma opuma sẹnị sị ḅoo wa nyáná ọ pịrị ḅẹlẹma la ḅara láa.

2 Tẹsalonaikaapụ 1:3

Wámịna Daa awọ, sámámgba wamịnị ịmịẹḅam pa Tamuno ḅẹbẹm ọmịna sịbị goo tegó mịma anị karakáram ḅẹẹ wamịnị ọkọọ mịẹ ọmịna minini opuma sẹnịarị gosi ọ nyáná jụghọ jụghọ pịrị ḅẹlẹma sọ pịghị opuma duḅaarị.

1 Timoti 2:4

biḅọ ḅẹ́ kị́nị́mamgba dụaḅọ́rọ́ma nyáná sị n ḅoo pịghị karakárá ma nimii.

1 Timoti 5:5

Deefịị si ngéré fịnị ọ́rụ́ḅọ sị ḅárásua pịrịḅọ nyánághaḅọ a ḅụ pa Tamuno ḅụ gbánam sị dii na ḅáa na tẹ́ghẹ́arị ḅẹ́ Tamuno ḅárásua a pịrị.

2 Timoti 2:24

Kị́nị́nyánáḅọ ma fịrịnwangịḅọ ḅara ị kam sọọbịgha. I ibiamịẹnyẹ nyáná kị́nị́mamgba pịrị, ibii pịghị ngịrịma nyáná nyẹ́dieḅọ,

Taitọs 2:11

Ḅẹẹ Tamuno tọ́rụ́kụrụkụ́rụ́ dụaḅọ́rọ́ma akuoarị nyẹ anị ḅụ pa túminị́ mamgba diemam.

Taitọs 3:2

Dugho n pịrị ḅẹ́ nnị gbẹ́rẹ́ḅọ sọ dughosima ma, kụ́ma diin dọghụ, nangwọ mịẹ, pịghị ḅụ́sitéréma ḅara pa kị́nị́mamgba na ngaa.

Hiburuapụ 6:11

Wamịnị opuma biarị nyẹ anịị ḅẹẹ ọmịnị ọmịna tẹ́mẹ́bie o binyẹ ma ọmịnị anị ḅụ sẹ́ mú kunema la si ọmịna tọ́rụ́ dighinyẹ ma ḅo karakárá nyẹ́sọ́beḅara.

Jems 5:16

Anịgo ọmịnị ọmịna sii kịẹ jụghọ jụghọ pịrị pịghị tẹ́ghẹ̄ jụghọ jụghọ pịrị, ọmịna obi gwọbẹ ḅara, karakárá ibiamịẹnyẹ tumḅọ kọọ tẹ́ghẹ̄ opuma kụrọfịrị nwángịarị.