1 Timoti 1:4 - Ibani New Testament

⁴ Dugho n pịrị ḅẹ́ nnị mịnị sáá ngúmá nyẹ ḅụ ofori lughu ma na n gịẹ kóróma mánámāná tádọ́apụ ẹrẹ ma pịrịma, mịma nụná ngéré anịị anị dighiḅoarị nyẹ, mịná nụná ma minigha tumḅọ ine Tamuno fịrị ma nwángị, mịma anịị tumḅọ ine mịẹbẹnyẹ ḅọ́rọ́ n ḅọ Tamuno ma ḅụ minini nyáná ọkụma.

1 Timoti 1:4 Iomraidhean Croise

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

Ẹ́fịsọsapụ 3:2

Ọ naamam ḅẹ́ Tamuno ori tọ́rụ́kụrụkụ́rụ́ ḅụ mịị fịrị ma pa i pịrịmam ọmịna sịbị gosi.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

1 Timoti 4:7

Ọmịnị ọmịna ḅụ fófóoma tumḅọ dugho naibigha tamuno osigha olom lughu ma ḅụ, ọmịnị ọmịna ojumẹnị pa dawọnyẹ ḅụ sua Tamuno tọ́ọ ḅara ḅụ.

1 Timoti 6:11

Kụ́ma ịrịị, Tamuno tumḅọ ịḅụ darịma mịnanyẹ mamgba ḅụ, karakárá ibiamịẹnyẹ dọghụ pa sịbị sághị, Tamuno nimi, minini, ḅẹlẹma, ngịrịma na diin mịẹnyẹ.

1 Timoti 6:20

Timoti, pa ibima wárị n pa ị ḅárabie suanyẹ ma. Ịḅụ sií kuu pa Tamuno pịrịgha ẹ́gẹ́rẹ́ ḅụ na pịghị oḅori nyẹ nụná ḅụ, túminị́ irima ḅara pa <> sị nyẹ.

2 Timoti 2:14

Pa mịnanyẹ ma pa nna biekóróma; Tamuno tórúku ibiḅara pa n birinụ́nụ́ ḅẹ́ nnị ẹ́gẹ́rẹ́ goo owusọma. Anị gbẹ́rẹ́ ibinyẹ sọ mịẹgha, kụ́ma anị púghúarịapụ ma gulugulumaarị.

2 Timoti 2:22

Ọmịnị ọ ḅụ si ásáawọ na ẹ́rẹ́maawọ ojumẹnị tarịarịnyẹ ma ḅụ, sị ịnyọ pa karakárá ibiamịẹnyẹ dua, minini, ḅẹlẹma na diin na. Ị mịma mịẹbẹm ịrị na tẹ́mẹ́ fíafía ḅụ Kị́nị́nyánáḅọ ma sịarịapụ mamgba ḅẹ́ ọ ḅárásua n pịrị.

2 Timoti 2:23

Ịḅụ si akị oḅoriapụ na nyẹ́nimighaapụ nụná nyẹ ḅụ; i kọkọ nimi ḅẹ anị kunema anịị kam sọọ.

2 Timoti 4:4

Nnị nna biri pa jẹ́ angaá wárim nnị karakárányẹ ma náa dọghụgha gosi, tụ́ma birifama lụghụ pughubẹm.

Taitọs 1:1

Mịị diri ma ịrị Pọl ḅara saghịḅom, ịrị anịị Tamuno ma ómóniḅọ pịghị Jizọs Krais fịrịmaḅọ, ori i tọọm ḅẹ́ a mú Tamuno sẹlẹakịapụ ma daa karakáráma sị n minini nyáná bẹ ḅara sị pịghị karakárá ma nimi mịẹsị nnị ine ibima Tamuno ma dua,

Taitọs 1:14

sị n mịnị sa nyána ofori ofori Juuapụ lụghụ pịrịbịgha ḅara na pịghị karakárá ma sịghịmaapụ tọ́ọ warị ologho.

Taitọs 3:9

Kụ́ma mịẹnyẹ ḅụ ofori nụ́nányẹ kile, n gịẹ kóróma nangwọ tádọ́apụ ẹrẹ, ólóghó ma gboloma kam na owu na, mịnanyẹ ma sọnyẹ ḅụ ofori pịghị fịrị ḅụ ofori.

Hiburuapụ 13:9

O minima tọ́rụ́kịrịkị́rị́ dienyẹ ọ daa irima karakárá asọ ma ḅụ. Anị ibim ḅẹẹ tumḅọ biebẹ ịnyọ nyáná ḅo Tamuno tọ́rụ́kụrụkụ́rụ́ ḅụ, mịnị saghị fị́nyẹ ólóghó kokogha, ọmịna bie mị ólóghó ma kokoapụ, mị ólóghó ma so ḅárásua n pịrịgha.

2 Pita 1:16

Wa Krais ma kụ́rọ na ori ḅoo gbolomanyẹ dugho ọ pịrị sa, wa túminị́ gbáa wa pịrị papa lụghụ gba ọ pịrịgha. Wamịnị wámịna tọ́rụ́ pa ori opu ma arịm.