1 Timoti 1:2 - Ibani New Testament

² A gịẹ pa ị fịrịmam Timoti, minini ma ḅụ ị́yẹ́ karakárá tụwọ: Tamuno Daḅọ ma na Krais Jizọs wámịna Nyánáḅọ, tọ́rụ́kụrụkụ́rụ́, lolomakúkúbie na diin pa ị pịrị.

1 Timoti 1:2 Iomraidhean Croise

Romapụ 1:7

Anịgo a mịị diri ma gịẹ pa ọmịnị Rom ḅụ fịnịapụ mamgba fịrịmam Tamuno ma ḅẹlẹmaapụ pịghị sịmáapụ bẹ nnị ḅo ori a túminị́ sọọ. Tamuno wámịna Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na diin pa ọ pịrị.

Galesiaapụ 1:3

Ḅẹ́ Tamuno wámịna Daḅọ na pịghị Kị́nị́nyánáḅọ Jizọs Krais tọ́rụ́kụrụkụ́rụ́ na diin pa ọ pịrị.

1 Tẹsalonaikaapụ 3:2

Wa wámịna numboru owitụ́wọ Timoti fịrịmam, wamịnị na Tamunofịrị ma nwangịarịḅọ Krais ibi oku ma dugho wásáma ḅụ. Wamịnị ọ fịrịmam ḅẹ́ ọ ḅo ịnyọ pa ọ ḅụ sua pịghị ḅárásua ọ pịrị ọmịna minini ḅụ,

1 Timoti 1:12

A ịmịẹḅam pa wámịna Nyánáḅọ Krais Jizọs ḅẹm, ịnyọ pa i pị́rị́máaḅọ sị a ine ị́yẹ́ fịrịnwangị. A ịmịẹḅam pa ọ ḅẹm ori ị́yẹ́ árị ḅara ma ḅẹ́ ori ine ịḅụ tẹ́mẹ́ gbánabẹm, anịgo ori tọọm ḅẹẹ a fịrịnwangị ọ pịrị.

1 Timoti 1:18

Timoti, i tụwọ a mị againma ma pa ị pịrịm, ị sịbị kóró ikiakoro ma koro ḅara ḅụ, ḅẹẹ ịrị mịị againma ma dua sa, ị tụ́ma ọmụgbiḅọ ḅara pa ọmụ́gbibẹm.

1 Timoti 6:20

Timoti, pa ibima wárị n pa ị ḅárabie suanyẹ ma. Ịḅụ sií kuu pa Tamuno pịrịgha ẹ́gẹ́rẹ́ ḅụ na pịghị oḅori nyẹ nụná ḅụ, túminị́ irima ḅara pa <> sị nyẹ.

2 Timoti 1:2

A gịẹ pa ị́ pịrịm Timoti ị́yẹ́ ibi tụwọ: Tamuno Daḅọ na Krais Jizọs wámịna Nyánáḅọ tọ́rụ́kụrụkụ́rụ́, lolomakúkúbie na diin pa ị pịrịị.

2 Timoti 2:1

Mị́sa, irị i tụwọ, sẹ kụ́rọọ́ wa Krais Jizọs ḅụ nyáná tọ́rụ́kụrụkụ́rụ́ ḅụ ḅọ́rọ́.

Taitọs 1:4

Mị diri ma a gịẹ pa Taitọs fịrịmaarị ị́yẹ́ karakárá tụ́wọ wamịnị mamgba nyáná minima ma ḅụ. Tamuno Daḅọ na Jizọs Krais wámịna Ḅọ́rọ́maḅọ ori tọ́rụ́kụrụkụ́rụ́ na diin pa ọ pịrịị.

Taitọs 2:2

Sẹnị owiapụ ma die ḅẹẹ, n tẹ́mẹ́ ọlọ, osigha nyáná nna ḅụ pịrị, ine ḅụ ọlọ, kụ́rọ sẹ nna minini ḅụ, nna ḅẹlẹma ḅụ na pịghị nna ngịrịma ḅụ.

Taitọs 3:15

I nana mịnga fịnịapụ mamgba fịrịmam ḅẹ́ a o bii, pịghị wámịna nángwọ́apụ minini ma ḅụ fịnịapụ ma bii. Tamuno tọ́rụ́kụrụkụ́rụ́ ọmịnị kị́nị́mamgba na fịnịị.

1 Pita 1:2

Nnị ọ sẹ́lẹ́akịm, Tamuno Daḅọ ma níminyẹ ḅụ ḅọ́rọ́, ọ Tẹ́mẹ́ pịghị ọ pa tọ́ntọ́ ḅụ wárị, si ọ Jizọs Krais osii, ọrẹ ọmbịnyẹ́ pịghị ọmịnị sịrị fiafiamaa. Tọ́rụ́kụrụkụ́rụ́ na diin, bí ḅara pa ọmịna nyẹ sọ.

2 Jọn 1:3

Tamuno Daḅọ ma na pịghị Jizọs Krais Daḅọ ma Tụwọ, tọ́rụ́kụrụkụ́rụ́, na lolomakúkúbie na diin na pa wa pịrị; mịnanyẹ ma wamịna nyẹ sọ karakárá ḅụ na pịghị ḅẹlẹma ḅụ.

3 Jọn 1:4

Mịma nẹ́ngịma bieḅẹlẹ ofori a ḅo náa sa ḅẹ́ ị́yẹ́ awọ karakáráma ḅụ asọ nwángịarị.

Judu 1:2

Ḅẹẹ, lolomakúkúbie, diin na ḅẹlẹma bifụfụụ́ ḅara ḅụ ọmịna nyẹ sọọ.