1 Timoti 1:16 - Ibani New Testament

¹⁶ Kụ́ma mịma gosi Tamuno tọ́rụ́kụrụkụ́rụ́ nyáná i pịrịm, sị ịḅụ ḅọ́rọ́ siiapụ mamgba ḅụ siiḅáapụ, Krais Jizọs ọrẹ kunema nyanagha ngịrịma ma diepághámam pa ọ ḅụ ḅoo minini bẹapụ ma die ọ ḅụ minini sị gbámásó duma nyáná.

1 Timoti 1:16 Iomraidhean Croise

Ibi Oku Ma Luk Anị Gịẹ Ḅara 15:10

Anị gbẹ́rẹ́ ḅara ma a dugho ọ pịrịm, Tamuno sookumuapụ ma bieḅẹlẹm sii ḅụ pịghị sii tumḅọ sịbị ọgọnọ.>>

Ibi Oku Ma Luk Anị Gịẹ Ḅara 23:43

Jizọs warị ọ ḅẹẹ, <>

Ibi Oku Ma Luk Anị Gịẹ Ḅara 7:47

A dugho ọ pịrịm ḅẹẹ a diepágháma maá ḅẹlẹma ma diearị ḅẹẹ árị tọgha sii ma ḅụ a siiḅụḅarasipịrị nyánámam. Nnị kálá siiḅụḅarasi pịrịḅọ kálá ḅara pa ḅẹ́lẹ́mam.>>

Ibi Oku Ma Jọn Anị Gịẹ Ḅara 20:31

Kụ́ma mịná angaá nyẹ nnị anị gịẹm o minini bẹ ḅara ḅẹẹ, Jizọs ori anịị Krais ma Tamuno Tụwọ ḅẹ́ i minini minini ine duma nyánábẹm ori ẹ́rẹ́ ḅụ.

Ibi Oku Ma Jọn Anị Gịẹ Ḅara 3:36

Tụwọ ma ḅụ mininiḅọ gonyẹ́ gonyẹ́ duma gbámásó nyánam, kụ́ma Tụ́wọ ma sịghịḅọ gonyẹ́ gonyẹ́ duma arịbịgha, ḅẹ́ Tamuno igani fịnị n ḅọ pịrịm.>>

Ibi Oku Ma Jọn Anị Gịẹ Ḅara 5:24

<

Ibi Oku Ma Jọn Anị Gịẹ Ḅara 6:37

I Daá ma pa i pịrịnyẹ gonyẹ́ gonyẹ́ i dámáḅobẹm, i damaḅo ḅọ gonyẹ́ gonyẹ́ a pịghị jẹ́ éné jẹ́ éné n ḅo deebịgha.

Ibi Oku Ma Jọn Anị Gịẹ Ḅara 6:40

Ḅẹẹ Daḅọ ma binyẹ anịị tọ́rụ pa Tụ́wọ ma dighiḅọ gonyẹ́ gonyẹ́ sị ọ minini duma gbámásó nyánábẹm, a pịghị n ḅọ saghịmabẹm kunema éné ma ḅụ.>>

Ibi Oku Ma Jọn Anị Gịẹ Ḅara 6:54

Ị́yẹ́ ojumẹnị pẹẹ́ ḅọ gonyẹ́ gonyẹ́ pịghị ị́yẹ́ ọmbịnyẹ́ ḅuu duma gbámásó nyánam, a pịghị n ḅọ saghịmabẹm kunema éné ma ḅụ.

Fịrị Ḅara 13:39

O nimibẹm ḅẹ́ ọ ḅụ mininiḅọ gonyẹ́ gonyẹ́ nnị n ḅo duaḅọ́rọ́mabẹm n ḅọ sii ḅụ, Mosis ologho ḅụ nnị ine nyánaḅogha dụaḅọ́rọ́ma.

Romapụ 15:4

Ḅọ́rọ́maa sa n gịẹnyẹ ma gonyẹ́ gonyẹ́, n gịẹm pa nyẹ pa wa die bẹ ḅara, sị wamịnị tọ́ndiri ma bie saghị ḅo inema na tẹ́mẹ́kụ́rọ, wamịnị ine tọ́rụ́ dighinyẹ nyáná bẹ ḅara.

Romapụ 6:23

Fịị anịị sii gbẹfịnyẹ, kụ́ma Tamuno diepịrịnyẹ anịị duma gbámásó wámịna Nyánáḅọ Krais Jizọs bie.

1 Kọrịntịapụ 7:25

Mị́sa o gịẹnyẹ ma owiḅọ nimigha anịgha ọ́rụ́ḅọ nimigha gbolomanyẹ. A Kị́nị́nyánáḅọ ḅara saghị ḅo ólóghó nyanagha, Kụ́ma a i tẹ́mẹ́ dughom Kị́nị́nyánáḅọ lolomakúkúbie ḅụ ḅọ́rọ́ túminị́ ine ḅụ tẹ́mẹ́ gbánā bẹḅọ ḅara.

2 Kọrịntịapụ 4:1

Tamuno ọrẹ lolomakúkúbie ḅụ mị fịrị ma pa wa pịrịmam ḅẹ́ wa nwángị, anịgo gbẹ́rẹ́nyẹ sọ mịẹbịgha si wámịna tẹ́mẹ́ oḅudáa.

Ẹ́fịsọsapụ 1:12

Anịsáa, wamịnị parị Krais ḅụ tọ́rụ́dighiapụ Tamuno ipine túminị́.

Ẹ́fịsọsapụ 1:6

O ḅo wa Tamuno túminí ori ḅụ́gbérépuma tọ́rụ́kụrụkụ́rụ́ ḅụ ọ pa wa pịrịnyẹ ọ ḅẹlẹma Tụ́wọ ḅụ ḅọ́rọ́, wámịna ḅara nyẹ́ bigha ḅụ.

Ẹ́fịsọsapụ 2:7

Ọ mịma mịẹm pa die ḅẹẹ ḅoarị tuminikiri ma ori ọ nyáná wa pịrị tọ́rụ́kụrụkụ́rụ́ opuma dụḅa láa ḅara ọ pa wa die ḅẹlẹma Krais Jizọs ḅụ ḅọ́rọ́.

2 Tẹsalonaikaapụ 1:10

O ḅomaẹrẹ anị éné ma sị o boma daakị bẹ ḅara ọra túminị́ mamgba ḅárábie na pịghị kuu, mininiapụ mamgba ḅarabie. Ọmịnị sọ nna ḅụ gbẹ́rẹ́apụ sọbẹm tegó ọmịnị wa dugho ọ pịrị oku ma minimam.

1 Timoti 1:13

Karakárányẹ ḅẹ́ ḅọ́rọ́maa sáá a ọ ḅụ siinyẹ dughom, ọ pa tọ́rụ́siarịmam pịghị ọ wiri, kụ́ma Tamuno lolomakúkúbie nyáná i pịrịm, tegó na a minini nyanagha gosi a pịghị nimigha a mịẹarịnyẹ.

Hiburuapụ 7:25

Anịma go ori ine mị́sa pịghị sámámgba ọḅụ ḅọ́rọ́ Tamuno damaḅoapụ ma duaḅọ́rọ́mam o duma gbámásom gosi Tamuno tẹ́ghẹ̄m nna sịbị ọ́gọ́nọ.

1 Pita 3:20

Mịị anịị Tamuno ẹ́gẹ́rẹ́ ma osigha túminị́ tẹ́mẹ́ ma ḅọlọ sa énéné, Tamuno ọ sa ngúmá kúrúapụ, Nuwa ọrẹ árụ́ ma námáarị sa. Árụ́ ma bie fịnịapụ duḅaghaa, inineapụ ngéré. Mịnaapụ ma ngéré anịị Tamuno mingi ma pa duaḅọ́rọ́maapụ.

2 Pita 3:15

Kị́nị́nyánáḅọ ingịrịma ma ákị, sọ́ḅọ́rọ́ o findi ị pịrị ḅụ́pọ́ ọ pa ḅọ́rọ́ dụaḅọ́rọ́ma nyáná, wámịna ibi mị́naḅọ Pọl, Tamuno pa ọ pịrị níminyẹ pa ábálálá gịẹ ọ fịrịma ḅara.

2 Pita 3:9

Kị́nị́nyánáḅọ ma o sa ngumabịgha o minini nyẹ mịẹ, jẹ́apụ si ḅara. Tụ́ma ori ngịrịma nyáná ọ pịrịm, dọghụgha gbẹ́rẹ́ḅọ sọ papa fịịfaa, o bim ḅẹ́ kị́nị́mamgba nna sii ḅụ pịghịị.