1 Timoti 1:11 - Ibani New Testament

¹¹ Anị dienyẹ ma tumḅọ ine anị árịbẹm n sághị i ḅárabie sua ibi oku ma ḅẹ́ ịrị anị dugho wásámáa, ibi oku ma anịị túminí mamgba ḅụ́gbẹ́ Tamuno ipine diepágháma nyẹ.

1 Timoti 1:11 Iomraidhean Croise

Ibi Oku Ma Luk Anị Gịẹ Ḅara 2:14

<>

Romapụ 2:16

A dugho wásáma ibi oku ma dugho ḅara ḅụ, mịị anị fịnị bẹ ḅara anị éné ḅụ Tamuno Jizọs Krais ḅụ ḅọ́rọ́ túminị́ ḅọ́ghụ́ kóróma ḅụ ḅẹ́rẹ́kọ bẹ sa.

1 Kọrịntịapụ 9:17

A ḅọ́rọ́ i tẹ́mẹ́bie fịrị ma nwángị kị́nị́ i sumagha pa a gbẹ́ẹ̄ nyẹ nyánábẹm; kụ́ma a fịrị ḅara pa anị nwángịm tegó Tamuno mị fịrị ma saghị i pịrịmam ḅẹ́ a anị nwángịị.

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

2 Kọrịntịapụ 4:6

Dugho Tamuno ma ḅẹẹ, <> Mịị gbẹ́rẹ́ Tamuno ma anị mịẹsị ọri baá bia wámịna tẹ́mẹ́bie sọọ nyẹ. Mịma ḅụ ḅọ́rọ́, wa Tamuno ipine nimi ḅụ sághị ḅoarị baá ma nyanam biarị nyẹ Krais tọ́rụ́ ogbo.

Galesiaapụ 2:7

Anịmanakaragha, nnị arịḅom ḅẹ́, ibi oku ma dugho wásáma Juughaapụ ma pịrị fịrị ma nníị sághị i ḅárabie suamam, nnị ibi oku ma dugho wásáma Juuapụ pịrị fịrị ma sághị Pita pịrị ḅara.

Ẹ́fịsọsapụ 1:12

Anịsáa, wamịnị parị Krais ḅụ tọ́rụ́dighiapụ Tamuno ipine túminị́.

Ẹ́fịsọsapụ 1:6

O ḅo wa Tamuno túminí ori ḅụ́gbérépuma tọ́rụ́kụrụkụ́rụ́ ḅụ ọ pa wa pịrịnyẹ ọ ḅẹlẹma Tụ́wọ ḅụ ḅọ́rọ́, wámịna ḅara nyẹ́ bigha ḅụ.

Ẹ́fịsọsapụ 2:7

Ọ mịma mịẹm pa die ḅẹẹ ḅoarị tuminikiri ma ori ọ nyáná wa pịrị tọ́rụ́kụrụkụ́rụ́ opuma dụḅa láa ḅara ọ pa wa die ḅẹlẹma Krais Jizọs ḅụ ḅọ́rọ́.

Ẹ́fịsọsapụ 3:10

Tamuno go nwọ mịẹnyẹ anịị ḅẹ́ mị́sa Tamuno kubiri ogbo ma ḅụ ḅọ́rọ́ anị o Tamuno kịrịkị́rị́ níminyẹ mamgba pa so ọgọnọ sịbịdaaapụ mamgba na ḅẹ́rẹ́tọapụ mamgba diebẹnyẹ.

Kolosiapụ 1:25

A ḅoo Tamuno kubiri ogbo ma fịrịnwangịḅọ sọmam Tamuno pa i fịrịma fịrị gosi ḅẹẹ a bii ḅara pa ori ẹ́gẹ́rẹ́ ma pa ọ pịrịị.

1 Tẹsalonaikaapụ 2:4

Anịmanakaragha, wamịnị ẹ́gẹ́rẹ́kọarị Tamuno bi ḅara, tegó ọ́ wa daádighiman sị árị ḅo ḅẹ́ ori ine mị ibi oku dugho wásáma pa wa ḅarabie suabẹm. Wamịnị asọ dọghụgha ḅẹ wa túminị́ tẹ́mẹ́ mịẹ ḅẹ́lẹ́maa, kụ́ma Tamuno tẹ́mẹ́ mịẹ ḅẹ́lẹ́maa, anịị wa mịẹarịnyẹ ori ma anịị pịghị wámịna tẹ́mẹ́bie nimiḅo.

1 Timoti 2:7

Anịị Tamuno goo i sẹlẹakị sị i fịrịma nyẹ ori oku dugho wásámā ḅọ ḅara na pịghị nfịrịmaḅọ ḅara ḅẹ́, a mịị minini na tụ́manyẹ ma oku ma pa Juughaapụ ma die! A karakárányẹ ma dughoarị a iruo kọgha.

1 Timoti 6:15

Tamuno mịẹbẹnyẹ anị ḅoo kiriakị ori sáá ma láa sáá n boma ḅọ pịghị Táarịḅọ ma ngéré, ámányánáapụ mamgba ḅụ Ámányánáḅọ, kị́nị́nyánáapụ mamgba ḅụ Kị́nị́nyánáḅọ,

1 Timoti 6:20

Timoti, pa ibima wárị n pa ị ḅárabie suanyẹ ma. Ịḅụ sií kuu pa Tamuno pịrịgha ẹ́gẹ́rẹ́ ḅụ na pịghị oḅori nyẹ nụná ḅụ, túminị́ irima ḅara pa <> sị nyẹ.

2 Timoti 1:11

Tamuno nfịrịmaḅọ na nyẹ́dieḅọ pa i tọọmam ḅẹ́ a ibi oku ma dugho wásámáa.

2 Timoti 1:14

Wa bie fịnị Tọ́ntọ́ Tẹ́mẹ́ ma kụrọ ḅụ ḅọ́rọ́ nnị pa ị ḅárabie sua ibi nyẹ ma ibima anị wárii.

2 Timoti 2:2

I bịpị ị náa sị a die dienyẹ ma tọgha tọgha onyésẹapụ tórúku anị sághị pa tẹ́mẹ́ gbánā na ibiapụ ḅárabie sua, pịghị ine anị pa jẹ́apụ die bẹapụ.

Taitọs 1:3

anị karakárá sa ori anị diepághámam ori oku ḅụ. Mịma anị ọ saghị i ḅarabie suanyẹ a pịghị dugho wásámam Tamuno wámịna Ḅọ́rọ́maḅọ tọ́ọ i pịrị ḅara.