1 Timoti 1:1 - Ibani New Testament

¹ Irị Pọl, Jizọs Krais fịrịmaḅọ, Tamuno na Jizọs Krais wámịna Dụaḅọ́rọ́maḅọ bịpị pịrị ḅara ḅụ, wa ḅụ tọ́rụ́ dighinyẹ nyanaḅọ.

1 Timoti 1:1 Iomraidhean Croise

Ibi Oku Ma Luk Anị Gịẹ Ḅara 1:47

I tẹ́mẹ́ pịghị Tamuno ḅụ dụrụkụarị ị́yẹ́ Dụaḅọ́rọ́maḅọ.

Ibi Oku Ma Luk Anị Gịẹ Ḅara 2:11

Mịmgba gbẹ́rẹ́ éné, Deviti ama bie, nnị Dụaḅọ́rọ́maḅọ, yii ọ pịrịmam, ori anịị Krais Kị́nị́nyánáḅọ.

Fịrị Ḅara 9:15

Kị́nị́nyánáḅọ warị ọ pagharaa: <

Romapụ 1:1

Mịị diri ma irị Pọl Jizọs Krais ómóniḅọ ḅara saghịḅom, ịrị anịị Tamuno sịị́ pịghị sẹlẹakị nfịrịmaḅọ ḅẹẹ, a ori ibi oku ma dugho wásáma.

1 Kọrịntịapụ 1:1

Irị Pọl, anị Tamuno ma ḅụḅẹlẹ si ọ sịḅọ ḅẹẹ o ḅoo Krais Jizọs nfịrịmaḅọ sọọ, ịrị na wámịna mị́naḅọ owitụ́wọ Sostines mị diri ma fịrịmam,

1 Kọrịntịapụ 9:17

A ḅọ́rọ́ i tẹ́mẹ́bie fịrị ma nwángị kị́nị́ i sumagha pa a gbẹ́ẹ̄ nyẹ nyánábẹm; kụ́ma a fịrị ḅara pa anị nwángịm tegó Tamuno mị fịrị ma saghị i pịrịmam ḅẹ́ a anị nwángịị.

2 Kọrịntịapụ 1:1

Irị Pọl, Jizọs Krais fịrịmaḅọ, na pịghị wámịna numboru owitụ́wọ Timoti anịị mị diri ma gịẹ ọ fịrịmaarịapụ, ọmịnị Tamuno sọsị ma Kọrịntị ma bie fịnịapụ na pịghị Tamuno awọ mamgba Akaya gbọrụ ḅụ fịnịapụ.

Galesiaapụ 1:1

Irị Pọl, n sịḅọ ḅẹẹ o ḅo mị nfịrịmaḅọ ma fịrị nwangịị, ị́yẹ́ sị ma, tumḅọ ḅara saghị ḅogha anịgha túminị́ mịẹnyẹ ḅụ ḅọ́rọ́, kụ́ma Jizọs Krais ḅara na pịghị Tamuno Daḅọ ma ḅara saghịḅom, fịị ḅụ ọ saghịma ḅọ.

Galesiaapụ 1:11

O kúru a dugho ọ pịrị ị́yẹ́ a mịnaapụ, a dugho wásámaarị ibi oku ma kị́nị́ ḅara sághị ḅogha.

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

2 Tẹsalonaikaapụ 2:16

Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.

1 Timoti 1:12

A ịmịẹḅam pa wámịna Nyánáḅọ Krais Jizọs ḅẹm, ịnyọ pa i pị́rị́máaḅọ sị a ine ị́yẹ́ fịrịnwangị. A ịmịẹḅam pa ọ ḅẹm ori ị́yẹ́ árị ḅara ma ḅẹ́ ori ine ịḅụ tẹ́mẹ́ gbánabẹm, anịgo ori tọọm ḅẹẹ a fịrịnwangị ọ pịrị.

1 Timoti 2:3

Mịma anị ibim pịghị Tamuno wámịna Dụaḅọ́rọ́maḅọ ma ḅụ ḅẹ́lẹm,

1 Timoti 2:7

Anịị Tamuno goo i sẹlẹakị sị i fịrịma nyẹ ori oku dugho wásámā ḅọ ḅara na pịghị nfịrịmaḅọ ḅara ḅẹ́, a mịị minini na tụ́manyẹ ma oku ma pa Juughaapụ ma die! A karakárányẹ ma dughoarị a iruo kọgha.

1 Timoti 4:10

Wamịnị ịnyọ pa tụ́ma fịrị nwángịm tegó wamịnị wámịna tọ́rụ́ dighinyẹ pa dumafịnị Tamuno ma ḅụ gbánam, kị́nị́mamgba Dụaḅọ́rọ́maḅọ nyẹ mamgba nẹ́ngị nyẹ anịị mininiapụ.

Taitọs 1:3

anị karakárá sa ori anị diepághámam ori oku ḅụ. Mịma anị ọ saghị i ḅarabie suanyẹ a pịghị dugho wásámam Tamuno wámịna Ḅọ́rọ́maḅọ tọ́ọ i pịrị ḅara.

Taitọs 2:10

anịgha n fúrú. Anịmanakaragha, nnị nna ḅụ die ḅẹ́ nna nyánáapụ ine nna ḅụ biegbánábẹm, mịma ḅụ ḅọ́rọ́ Tamuno wámịna Dụaḅọ́rọ́maḅọ dienyẹ ma kị́nị́mamgba anị ḅẹ́lẹ́mabẹm asọ mamgba ḅụ.

Taitọs 2:13

wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.

Taitọs 3:4

Kụ́ma Tamuno wámịna ḅọ́rọ́maḅọ ori ibi tẹ́mẹ́ na ori ḅẹlẹma pa wa die sa,

Taitọs 3:6

Tamuno Jizọs Krais ḅụ ḅọ́rọ́ ori Tọ́ntọ́ Tẹ́mẹ́ ma pa bifụfụụ́ ḅara ḅụ wa pịrịm,

1 Pita 1:21

Ọmịnị ọ ḅụ ḅọ́rọ́ Tamuno ḅụ mininim, fịị ḅụ ọ sị saghịma ḅọ sị pịghị ipine pa ọ pịrị, anịma gosi ọmịna minini na ọmịna tọ́rụ́ dighinyẹ Tamuno ḅụ gbánāarị.

1 Pita 1:3

Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,

2 Pita 1:1

Irị Saimọn Pita, Jizọs Krais fịrịnwangịḅọ pịghị Jizọs Krais fịrịmaḅọ anịị mị dii ma gịẹ ọ fịrịmaarịḅọ. A gịẹ pa ọ fịrịmam wamịnị na gbẹ́rẹ́ nyẹ́la minini nyánáapụ, wámịna Tamuno na wámịna dụaḅọ́rọ́maḅọ Jizọs Krais karakárá ibiamịẹnyẹ ḅụ ḅọ́rọ́.

1 Jọn 4:14

Wa pịghị árịmam, pịghị dugho págháma ḅẹ́ Daḅọ ma ọ Tụwọ fịrịmamam ḅẹ́ o ḅo tuminikiri Dụaḅọ́rọ́maḅọ sọ.

Judu 1:25

wámịna Kpọ́kpọ́ gbẹ́rẹ́ Tamuno pịghị wámịna dụaḅọ́rọ́maḅọ, Jizọs Krais wámịna Nyánáḅọ ḅụ ḅọ́rọ́, ipine na, pẹrẹ na ịnyọ na kụ́rọ na, ḅọ́rọ́maa kụ́rá gbọrụ mamgba, na pịghị mị́sa akị mú ḅẹsá ḅẹsá láa! Anị ọkọ fịnịị.