1 Pita 1:3 - Ibani New Testament

³ Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,

1 Pita 1:3 Iomraidhean Croise

Ibi Oku Ma Jọn Anị Gịẹ Ḅara 1:13

Nnị Tamuno awọ sọgha túminị́ nna nyingi na nna daa awọ sọ ḅara, anịị gbẹ́rẹ́ daa yii awọ kụ́ma ori Tamuno ma anịị nna Daa.

Romapụ 12:12

Ị́yẹ́ tọ́rụ́ dighinyẹ ịbieḅẹ́lẹ́ma, ingịrịma nyáná ị́yẹ́ ḅụḅáláḅálá mamgba ḅụ, tẹ́ghẹ̄ sámámgba ḅụ.

Romapụ 15:13

A tẹ́ghẹ̄arị ḅẹ́, Tamuno ma, tọ́rụ́dighi nyẹ ḅara saghị ḅoḅọ opu bieḅẹlẹ na diin pa ọ pịrị, ọmịnị ọ ḅụ nyáná minini ḅụ ḅọ́rọ́ sị ọmịna tọ́rụ́ dighinyẹ sẹnị tórúku tórúku mú Tọ́ntọ́ Tẹ́mẹ́ ma kụrọ ḅụ.

Romapụ 4:25

Wámịna sii gosi nnị ọ saghị fịị ḅarabie suam warị pịghị duma ḅụ ọ saghịma, sị ọ wa pa Tamuno na karakárá ḅụ warị bẹ ḅara.

Romapụ 5:10

Wamịnị áyá sa Tamuno iruonaapụ, kụ́ma ori oyẹ nángwọ́apụ pa wa mịẹm ọ Tụ́wọ ma fịị ḅụ ḅọ́rọ́. Mị́sa wa Tamuno nángwọ́apụ sọmaa ḅara ma, tẹ́ pịghị kọọ Krais ori duma pa wa duaḅọ́rọ́mabẹm.

Romapụ 8:11

Ḅọ́rọ́ fịị ḅụ Jizọs Krais saghịma Tamuno Tẹ́mẹ́ ma ọmịna biebẹ ngam, anịsa ori Krais saghịma ḅọ fịị ḅụ pịghị duma pa ọmịna fịị bẹ ojumẹnị ma pịrịbẹm. Ọ Tẹ́mẹ́ ọmịna oju bie ngáarị nyẹ ma ḅụ ḅọ́rọ́ mịma mịẹbẹm.

Romapụ 8:24

Mịị tọ́rụ́ dighinyẹ ḅụ ḅọ́rọ́ wa dụaḅọ́rọ́ma nyánam; kụ́ma ḅọ́rọ́ ḅẹ́ wa tọ́rụ́ pa wa tọ́rụdighinyẹ ma árịmam anị mịnị tọ́rụdighinyẹ́gha. Tụọ tọ́rụ́ dighinyẹ nyáná n ḅo nyanamaá nyẹ pịrị pịrị?

1 Kọrịntịapụ 13:13

Mị́sa mịná tẹ́rẹ́anyẹ ma imi: minini, tọ́rụ́ dighinyẹ na ḅẹlẹma, kụ́ma nna ḅụ nyẹ mamgba nẹ́ngị nyẹ anịị ḅẹlẹma.

1 Kọrịntịapụ 15:20

Kụ́ma karakáráma n Krais sághịmamam fịị ḅụ, pa die ḅẹ́ gbarịgha ḅụ ọ fịịapụ mamgba saghịmabẹm fịị ḅụ.

2 Kọrịntịapụ 1:3

Túminí fịnị Tamuno ma pịrịị na pịghị wámịna Nyánáḅọ Jizọs Krais Daḅọ, lolomakúkúbie nyáná Daḅọ, biedịịnma mamgba sághị ḅara ḅoarị Tamuno,

Galesiaapụ 6:16

Tamuno diin na ọrẹ lolomakúkúbie fịnị mịị dugho kóróma ẹ́gẹ́rẹ́ ma duaapụ pịrị, nna duma ḅụ na pịghị Tamuno túminị́ mamgba.

Ẹ́fịsọsapụ 1:17

wámịna Nyánáḅọ Jizọs Krais Tamuno ḅara biiarị, ipine nyáná Daḅọ, ḅẹẹ ọ Tẹ́mẹ́ ma pa ọ pịrị, níminyẹ pa ọ pịrịbẹḅọ, sị Tamuno ma pa o die, sị ọmịnị ibima ọ nimi bẹ ḅara.

Ẹ́fịsọsapụ 1:3

O ḅoo wa túminí pa Tamuno Wányánáḅọ Jizọs Krais Daḅọ pịrị, tẹ́mẹ́ karịiḅi mamgba pa wa karịibimaḅọ sobie ju tegó wamịnị Kraisapụ.

Ẹ́fịsọsapụ 1:7

Krais ọmbịnyẹ́ ḅụ ḅọ́rọ́ wa dụaḅọ́rọ́ma nyánam, n wámịna siiḅụḅarasi wa pịrịm ori opu tọ́rụ́kụrụkụ́rụ́ gosi.

Ẹ́fịsọsapụ 2:4

Kụ́ma Tamuno lolomakúkúbie dụḅam ọ pịghị opuma ḅẹlẹma nyáná wa pịrịm,

Ẹ́fịsọsapụ 3:20

Mị́sa ipine fịnị Tamuno pịrị, ori opu kụ́rọ wámịna bie fịrịnwangịarị nyẹ, ori ine mịẹ gbánāma bẹḅọ wamịnị ine bii bẹnyẹ anịgha kóróma bẹnyẹ mịẹ bẹḅọ

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

1 Tẹsalonaikaapụ 4:13

Wámịna Daa awọ wa bim ọ karakárá ma nimi fịịmaapụ ma gbolomanyẹ, sị ọ tẹ́mẹ́ si nyánábịgha ḅara tọ́rụ́ dighinyẹ nyánágháapụ ḅara.

2 Tẹsalonaikaapụ 2:16

Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.

1 Timoti 1:14

Wámịna Nyáná ḅo pịghị opuma ori tọ́rụ́kụrụkụ́rụ́ pa opuma ịḅụ sara wásámam. Ọ Krais Jizọs ḅara saghị ḅo minini na ḅẹlẹma pa i pịrị bimam.

Taitọs 2:13

wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.

Hiburuapụ 3:6

Kụ́ma Krais Tamuno Tụ́wọ, ọ sẹ kụrọm Tamuno wárị ma bie, ori anịị sịbịdáḅọ, wamịnị anịị wárị ma, wa ḅọ́rọ́ wámịna biekpọ na tẹ́mẹ́kụ́rọ ọlọsẹma nḅẹḅẹ́, wa pa ine bịpịkpọ ḅẹnyẹ.

Jems 1:18

Ọ tọ ḅara ḅụ ọ duma pa wa pịrịm, ori karakárá ẹ́gẹ́rẹ́ ḅụ ḅọ́rọ́ sị wa tarị kiri nyánábeḅara ọ tẹ́mẹ́nyẹ mamgba ḅụ.

1 Pita 1:13

Ọmịnị ọmịna kúkúbie karakáráma warị fịrị pịrị, ọ tẹ́lẹ́ma, pịghị ọmịna tọ́rụ́ dighinyẹ pa n pa ọ pịrịbẹ boma ma ḅụ gbánā, n Jizọs Krais diepágháma bẹ sa.

1 Pita 1:21

Ọmịnị ọ ḅụ ḅọ́rọ́ Tamuno ḅụ mininim, fịị ḅụ ọ sị saghịma ḅọ sị pịghị ipine pa ọ pịrị, anịma gosi ọmịna minini na ọmịna tọ́rụ́ dighinyẹ Tamuno ḅụ gbánāarị.

1 Pita 1:23

Nnị sima o yiimam, dumafịnị pịghị gbámásó Tamuno ẹ́gẹ́rẹ́ ma ḅụ ḅọ́rọ́, n sima o yiigha fịị bẹ tumḅọ duma pághámaḅoarị sịmgbọlụ ḅụ ḅọ́rọ́.

1 Pita 2:2

Ọmịnị nnị ịwọma yii awọ fịnị ḅara fịnị, sámámgba karakárá tẹ́mẹ́ju ndomingi ma ọ pụghọ tarị, tegó ọmịnị anị ḅụarị sáá ọmịnị ine sẹ́nị págháḅobẹm ọmịna dụaḅọ́rọ́ma ḅụ,

1 Pita 3:15

Kụ́ma ọmịna tẹ́mẹ́bie, ọ susi Krais pịrị, pịghị kuu pa ọ pịrị Kị́nị́nyánáḅọ ḅara, sámámgba, ọ tẹ́lẹ́ma ọmịnị ine n ḅo pagharaa bẹ ḅara, o gbíla ḅo ḅẹ́ o dughofindi ọmịna bie ọ nyáná tọ́rụ́ dighinyẹ.

1 Pita 3:21

Mị́ị́ mingi ma sẹ mingi sara pịrịm anị ḅụ ḅọ́rọ́ ọmịnị mị́sa dụaḅọ́rọ́ma nyánam. Mingi sara ma anị pápá ịlọ́lị sịrịsigha oju ḅụ. Anịma anịị ọmịnị ọmịna tẹ́mẹ́bie pa mini Tamuno pịrịnyẹ, ịlọ́lị ọmịna tẹ́mẹ́bie ófórigha ḅụ. Túminị́ mingi sara ḅụ ḅọ́rọ́ dụaḅọ́rọ́ma nyánam Jizọs Krais fịị ḅụ saghị gosi.

1 Pita 3:5

Ḅọ́rọ́maa sa, tọ́ntọ́ ẹ́rẹ́ámáapụ ma, pịghị Tamuno ḅụ tọ́rụ́ dighinyẹ nyánáapụ ma, nna ibi diepághámam, n ḅụsímínímá nna deeapụ sughubie sua ḅara.

1 Jọn 2:29

O nimim ḅẹ́ Krais ori karakárá ibiamịẹnyẹḅọ, o nimibẹm anịsa ḅẹ́, karakárányẹ mịẹarịḅọ gonyẹ́ gonyẹ́ anịị Tamuno tụwọ.

1 Jọn 3:3

Mịị tọ́rụ́ dighinyẹ ma nyánáḅọ gonyẹ́ gonyẹ́ Krais ḅụ amịna ḅụ pa fiafiama wárị wárim, Krais so fíafía fịnị ḅara.

1 Jọn 3:9

Tamuno tụ́wọ gonyẹ́ gonyẹ́ sámámgba siiamịẹnyẹ mịẹmịẹgha, tegó Tamuno ma fị́nị́ ḅára nna ḅụbie imi, Tamuno ma pịghị nna Daa gosi, nnị ine sámámgba ḅụ siinyẹ mịẹbịgha.

1 Jọn 4:7

Ị́yẹ́ ibi nangwọapụ, o ḅo wa jụghọ jụghọ ḅẹlẹma, tegó ḅẹlẹma Tamuno ḅara saghịḅom. Kị́nị́ ḅẹ́lẹ́maarịḅọ gonyẹ́ gonyẹ́ anịị Tamuno Tụwọ ma pịghị Tamuno ma nimim.

1 Jọn 5:1

Mininiḅọ gonyẹ́ gonyẹ́ ḅẹ́ Jizọs ori anịị n Pulo pa Sịbị Saraḅọ, anịḅọ ma anịị Tamuno Tụwọ, Daḅọ ma ḅẹlẹma ḅọ gonyẹ́ gonyẹ́ pịghị ọ Tụwọ ḅẹ́lẹ́mabẹm.

1 Jọn 5:18

Wa nimim ḅẹ́ Tamuno Tụwọ sọmaaḅọ gonyẹ́ gonyẹ́ sámámgba siinyẹ mịẹ mịẹbịgha, Tamuno Tụwọ ma n kokowarịarị, sii tumḅọ ma sọ ine nyẹ pa n lámábịgha.

1 Jọn 5:4

ḅẹ́ Tamuno tụwọ sọmáaḅọ gonyẹ́ gonyẹ́ tuminikiri ma sọḅasọḅam. Wámịna minini anị mịẹsị wamịnị ine tuminikiri ma sọḅaarị nyẹ.