1 Pita 1:2 - Ibani New Testament

² Nnị ọ sẹ́lẹ́akịm, Tamuno Daḅọ ma níminyẹ ḅụ ḅọ́rọ́, ọ Tẹ́mẹ́ pịghị ọ pa tọ́ntọ́ ḅụ wárị, si ọ Jizọs Krais osii, ọrẹ ọmbịnyẹ́ pịghị ọmịnị sịrị fiafiamaa. Tọ́rụ́kụrụkụ́rụ́ na diin, bí ḅara pa ọmịna nyẹ sọ.

1 Pita 1:2 Iomraidhean Croise

Matiu 24:22

Nnị ḅọ́rọ́ tọ́rụ́siarị sáá ma gbulumagha gbẹ́rẹ́ḅọ sọ dumabịgha, kụ́ma Tamuno anị gbulumabẹm ọ sẹlẹakịapụ ma gosi.

Matiu 24:24

Ḅẹẹ epele Krais na epele ikiakoroapụ págháḅobẹm sị opu ilíghíma na ḅụ́gbérépuma fịrịnwangị pa oḅori pa n sẹlẹakịapụ ma sị, ḅọ́rọ́ nnị ine bẹ.

Matiu 24:31

Ori opuma fiearị ọdụ pa ori sookumuapụ na fịrịmabẹm, sị nnị ori n sẹlẹakịapụ ma kubiri tuminikiri ínia ọkọlọbị ḅụ, so ma kunema gbẹ́rẹ́ ngaa akị mú jẹ́ láa.

Ibi Oku Ma Mak Anị Gịẹ Ḅara 13:20

Kụ́ma Kị́nị́nyánáḅọ anị éné ma mịẹ gbulumamam, ọ ḅọ́rọ́ ọkọ mịẹgha, gbẹ́rẹ́ḅọ so dụaḅọ́rọ́ma nyánábịgha, ọ sẹ́lẹ́ ọ ḅụ pịrịapụ ma gosi anị fịnị ḅara fịnị ḅara ori éné ma mịẹ gbulumamam.

Ibi Oku Ma Mak Anị Gịẹ Ḅara 13:22

Tegó iruo Messaya na iruo ikiakoroapụ págháḅobẹm. Nnị tọgha ḅụ́gbérépuma fịrị nwángịbẹm sị n pa oḅori pa Tamuno sẹlẹakịapụ ma sị ḅọ́rọ́ nnị ine inee.

Ibi Oku Ma Mak Anị Gịẹ Ḅara 13:27

Ori sookumuapụ ma fịrịma tuminikiri ínia ọkọlọbị ma muubẹm, sị n muu Tamuno sẹlẹakịapụ ma kobiri tuminikiri ma gbẹ́rẹ́ kunema ngaa akị mú jẹ́ kunema ngaa láa.

Ibi Oku Ma Luk Anị Gịẹ Ḅara 18:7

Ḅẹẹ mịma, Tamuno ọ ḅẹ́rẹ́kọ ibima oria túminị́ pịrịbịgha, owu ọ pịrịarịapụ dii na ḅá na, ḅẹ́ ọ ḅárásua n pịrị? Ọ sáá ngúmá bẹ ḅárásua n pịrị ḅụ?

Fịrị Ḅara 15:18

Anịị Kị́nị́nyánáḅọ dugho ḅara, mịnanyẹ ma mịẹsị wa nimiḅo ḅọlọmaa sa éné éné.> >>

Fịrị Ḅara 2:23

Tamuno ọrẹ nyẹ pa ọrụtọ ḅụ, tọ́ḅọ́rọ́mamám ḅẹẹ n Jizọs ḅọ́rọ́ma ọ́ ḅárábie suabẹm sị, siiapụ wárịso sị nnị ọ ḅaupálị.

Fịrị Ḅara 20:32

<

Romapụ 1:5

Tamuno Krais ḅụ ḅọ́rọ́ tọ́rụ́kụrụkụ́rụ́ nyáná wa pịrịm sị wa sị ḅẹ́ wamịnị ḅo nfịrịmaapụ sọọ Krais ma ẹrẹ́sị, sị sẹ gonyẹ́ gonyẹ́ ḅụ wa túminị́ daá bẹ ḅara ḅẹ́ nnị ọḅụụ minini pịghị ọ bịpị pughu.

Romapụ 1:7

Anịgo a mịị diri ma gịẹ pa ọmịnị Rom ḅụ fịnịapụ mamgba fịrịmam Tamuno ma ḅẹlẹmaapụ pịghị sịmáapụ bẹ nnị ḅo ori a túminị́ sọọ. Tamuno wámịna Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na diin pa ọ pịrị.

Romapụ 11:2

Tamuno na oria túminị́ sịghịgha ọ sẹlẹakịapụ sughúsaghị sa. O nimigha Elaija gboloma sị Tọ́ndiri ma bie n gịẹ kórómanyẹ ọ ḅẹ́rẹ́ dugho Tamuno suam Izirẹlịawọ gosi.

Romapụ 11:28

Nnị ibi oku ma sịghịm gosi, Juuapụ ma nnị Tamuno iruonaapụ sọmam Juughaapụ ma gosi. Kụ́ma Tamuno ma ori nyẹ sẹ́lẹ́akị ḅụ ḅọ́rọ́ nnị ori nángwọ́apụ nna tádọ́apụ osii.

Romapụ 15:16

ḅẹ́ a Krais Jizọs fịrịnwangịḅọ sọọ Juughaapụ ma pịrị sị Tamuno ma igwagwaḅọ ḅara a Tamuno ma ibi oku dugho wásámaarị, Juughaapụ ma warị ḅo Tamuno daakị bẹ agba sọ, Tọ́ntọ́ Tẹ́mẹ́ fófóoma ọ pịrịnyẹ.

Romapụ 16:19

Kị́nị́mamgba namam ọmịnị ibi oku ma ọlọ kụrọmamaá ḅara, anịgo a ị dighi bieḅẹlẹm. A dọ́ghụm ḅẹ́ ọmịnị akanyaḅo nyáná ibinyẹ ma ḅụ kuma ḅẹnyẹ ḅẹnyẹ nimi ma siinyẹ gboloma sa.

Romapụ 16:26

Kụ́ma mị́sa ikiakoroapụ ma gịẹ kórómanyẹ ma mịẹmam tọghaapụ ḅo karakáráma nimi, Gbámásó Tamuno ma pịghị bịpị pịrịmam ḅẹ́ sẹ gonyẹ́ gonyẹ́ anị karakárá ma nimii si kị́nị́mamgba minini bẹ ḅara pịghị ọkọ mịẹ.

Romapụ 8:13

Ḅẹẹ ọ duma kọ ọmịna ojumẹnị ma dọghụarị ḅara, ọ fị́ị́bẹm; kụ́ma ḅọ́rọ́ ọ Tẹ́mẹ́ ḅụ ọmịnị ojumẹnị siiamịẹnyẹ ma ḅa nḅẹḅẹ́ o dumabẹm.

Romapụ 8:33

Tụọ ḅẹ́rẹ́ pa Tamuno sẹlẹakịapụ ma sịbị gbánā bẹ? Tamuno anị ḅẹ́arịḅọ, ḅẹ́rẹ́ nna ḅárasigha!

1 Kọrịntịapụ 1:30

Kụ́ma Tamuno Krais Jizọs bie ọmịnị akuomam, Krais ḅụ ḅọ́rọ́ Tamuno ori opu níminyẹ pa wa pịrịmam, karakárá Tamuno tórúku, wa ḅoo Tamuno tọ́ntọ́apụ sọm n pịghị wa ḅọ́rọ́mamam.

1 Kọrịntịapụ 6:11

Ọmịna ḅụ jẹ́apụ anịị ọ fịnị ḅara; kụ́ma nnị ọ mịẹ fiáfiámamám sii ḅụ; nnị o fóofóo ma Tamuno pịrịmam; Kị́nị́nyánáḅọ Jizọs Krais ma ẹ́rẹ ḅụ nnị o mịẹ karakárámamam; na pịghị wamịna Tamuno ma Tẹ́mẹ́ pa.

2 Kọrịntịapụ 10:5

Na opuamịẹnyẹapụ pa asọ mgbẹsẹ karakárá Tamuno nimi ma pịrịnyẹ gonyẹ́ gonyẹ́ nụ́nụ́ kiri gbi, sii kóróma gonyẹ́ gonyẹ́ akị ịkóli ḅụ sua sị anị Krais bịpị pughu bẹ ḅara.

2 Kọrịntịapụ 13:14

Wámịna Nyánáḅọ Jizọs Krais tọ́rụ́kụrụkụ́rụ́, Tamuno ḅẹlẹma, na Tọ́ntọ́ Tẹ́mẹ́ ma mịẹgbólóma, ọmịnị kị́nị́mamgba na fịnịị.

Kolosiapụ 3:12

Anịgosi, Tamuno sẹlẹakị ọ ḅụ pịrị túminị́, tọ́ntọ́ pịghị ori ibima ḅẹlẹmaapụ ọ ḅụ́jịrịrị pa ọmịna suabịtẹ mịẹ, ibitẹ́mẹ́ nyáná, ḅụ sitéréma, diin duma na pịghị inema nyáná.

2 Tẹsalonaikaapụ 2:13

Wa ịmịẹḅam pa Tamuno ḅẹẹbẹm wámịna Daa awọ, ọmịna sịbị goo, ọmịnị Kị́nị́nyánáḅọ ḅẹlẹmaapụ. Tọ́ntọ́ Tẹ́mẹ́ ma kụ́rọ ḅụ, ḅọ́rọ́ Tamuno parị sáá ma ḅụ ọ sẹ́lẹ́akịm ḅẹẹ ọ dụaḅọ́rọ́ma nyána, ọmịna minini ḅụ ḅọ́rọ́, na pịghị ọmịna minini karakárá ma ḅụ sị Tamuno ọrẹ a túminị́ pa ọ mịẹ.

2 Timoti 2:10

Anị ẹrẹ́sị a ngịrịma nyáná nyẹ gonyẹ́ gonyẹ́ pịrịm Tamuno sẹlẹakịapụ ma sịbị gosi, nnị sọ Krais Jizọs ḅara ḅoo dụaḅọ́rọ́ma ma nyáná bẹ ḅara Gbámásóḅọ ma akuoarị nyẹ.

Taitọs 1:1

Mịị diri ma ịrị Pọl ḅara saghịḅom, ịrị anịị Tamuno ma ómóniḅọ pịghị Jizọs Krais fịrịmaḅọ, ori i tọọm ḅẹ́ a mú Tamuno sẹlẹakịapụ ma daa karakáráma sị n minini nyáná bẹ ḅara sị pịghị karakárá ma nimi mịẹsị nnị ine ibima Tamuno ma dua,

Hiburuapụ 10:22

Anịgo wa ibi kúkúbie na karakárá minini pa sọma Tamuno fịnị angaá ḅo, pịghị nnị ibima sịrị maá ḅẹ́rẹ́ḅarasi kúkúbie na pịghị n fíafía mingi pa sịrịmaa oju.

Hiburuapụ 11:28

Minini anị ọ mịẹsị Sáḅáḅọ́rọ́ Álálị ma kórómanyẹ, sị bịpị pịrị ḅẹ́ nnị ọmbịnyẹ́ ma pa ḅụ́pọ́ ma ḅụ sánị sị fịị sookumuḅọ ma Izirẹlị parị owiapụ awọ ḅábịgha ḅara.

Hiburuapụ 12:24

O Jizọs dámáḅómam, ịwọ ọḅọọ ma dẹghẹ karakárámaḅọ, na pịghị n sanị ọmbịnyẹ́ ibinyẹ mini Ebẹl ọmbịnyẹ́ nẹ́ngị nyẹ.

Hiburuapụ 5:9

Nnị o mịẹ kpainma sa, ọ warị anị ḅụ ḅọ́rọ́ gbámásó dụaḅọ́rọ́ma pa ọ dughonyẹ mịẹapụ gonyẹ́ gonyẹ́ pịrị.

1 Pita 1:14

Ọ Tamuno bịpị pughu, o minima si ọ Tamuno nimigha sa ọ kọmaá olom duma ḅara ma pa ḅẹrẹtọ ọmịna duma pịrị mị́sa.

1 Pita 1:19

Krais nyẹ́la ọmbịnyẹ́ ma anịị ị sịbị igbii n gbẹ́ẹ̄ si pa ị dụaḅọ́rọ́ma nyẹ. Krais anịị agbaa mịẹ ánáná ma, pilegha pịghị ikúlágha ánáná.

1 Pita 1:20

Tamuno ọ sẹ́lẹ́akịmam na n tuminikiri ma tẹ́mẹ́gha sáá kụ́ma n warị ọmịnị go ọ diepágháma mị kunema sáá ma.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 2:9

Kụ́ma ọmịnị anịị n sẹlẹakịmaapụ ma, Ámányánáḅọ ma igwagwaapụ, Tọ́ntọ́ sẹ, Tamuno ḅárákúu túminị́, n sẹlẹakị sị nnị Tamuno ḅụ́gbérépuma fịrị ma dugho págháma, ọ sị ákịḅọ kánákánábie sị o ḅo ọrẹ ḅụ́gbérépuma baá ma bie so.

2 Pita 1:2

Tọ́rụ́kụrụkụ́rụ́ na diin bii ḅara pa ọmịna nyẹ sọọ, o ḅo Tamuno na wámịna Nyánáḅọ Jizọs Krais nimiḅara ma.

2 Jọn 1:1

Mịị diri ma sẹnịḅọ ma ḅara saghịḅom. A gịẹ pa n sẹlẹakị ọ́rụ́ḅọ ma na árị awọ fịrịmam, a karakárá ḅara pa ḅẹlẹmaapụ. Irị ngéréghaa, kụ́ma karakárányẹ ma nimiapụ mamgba ị ḅẹ́lẹ́mam,

2 Jọn 1:13

Ọmịna ibi mị́naḅọ ọ́rụ́ḅọ, Tamuno sẹ́lẹ́akị ḅọ ma awọ fịrịmam ḅẹ́ a obíí.

Judu 1:2

Ḅẹẹ, lolomakúkúbie, diin na ḅẹlẹma bifụfụụ́ ḅara ḅụ ọmịna nyẹ sọọ.