1 Jọn 4:4 - Ibani New Testament

⁴ Ọmịnị ị́yẹ́ ibi awọ, ọ Tamuno ju saghịḅom, ọ pịghị epele ikiakoroapụ ma sọḅamam, tegó ọmịna bie fịnị Tẹ́mẹ́ ma anị kụ́rọ tuminikiri ma bie fịnị túminị́ bie fịnị tẹ́mẹ́ ma nẹngịm.

1 Jọn 4:4 Iomraidhean Croise

Ibi Oku Ma Jọn Anị Gịẹ Ḅara 12:31

Mị́sa anịị nnị mịị tuminikiri ḅụ ḅẹ́rẹ́kọ bẹnyẹ; mị́sa mịị tuminikiri táarịḅọ nnị o dee pághámabẹm.

Ibi Oku Ma Jọn Anị Gịẹ Ḅara 14:30

A mịnị ọ nana ẹ́gẹ́rẹ́kọ ḅọlọbịgha, tegó mịị tuminikiri ma táarịḅọ ḅoarị. Ọ kụ́rọ nyanagha ịḅụ,

Ibi Oku Ma Jọn Anị Gịẹ Ḅara 16:11

pịghị ḅẹ́rẹ́kọ gbolomanyẹ, ọ mịẹbẹm sị tuminikiriapụ nimi ḅẹ́ nnị irimam, anịị tuminikiri ma táarịḅọ ma ḅẹ́rẹ́ ọ ḅara simam gosi.

Ibi Oku Ma Jọn Anị Gịẹ Ḅara 17:23

Ịrị ibie fịnị ḅara ịrị ma sọ nna bie fịnịbẹm. Mịẹsị nnị ḅoo káara ḅara ḅụ gbẹ́rẹ́ ḅụ ḅụ fịnị bẹ ḅara sị tuminikiri ma nimi bẹ ḅara bẹ ịrị i fịrịmam pịghị n ḅẹlẹmamam ịrị i ḅẹlẹmamaa ḅara.

Romapụ 8:31

Anị nwọfịnị sa, wa tẹ́ dugho bẹ? Ḅọ́rọ́ Tamuno ma sẹ wa pịrị nḅẹḅẹ́, tụ́wọ asọ mgbẹsẹ wa pịrịbẹ?

Romapụ 8:37

Ofori, mịnanyẹ mamgba ḅụ wa sọḅaapụ nẹngịm wa ḅẹlẹma ḅọ ma ḅụ ḅọ́rọ́.

1 Kọrịntịapụ 2:12

Na wa mị tuminikiri tẹ́mẹ́ ma nyánaḅogha; tụ́ma wa Tamuno fịrịma Tẹ́mẹ́ ma nyanaḅomam, si wa Tamuno igbii ákịgha pa, pa wa pịrịnyẹ gonyẹ́ gonyẹ́ nimi bẹ ḅara.

1 Kọrịntịapụ 6:13

Gbẹ́rẹ́ḅọ ḅẹẹbẹm ḅẹẹ, <> Kụ́ma Tamuno mịná mmẹẹ́ ma gulugulumabẹm, ojumẹnị ma anịị tumḅọ pa yáakuu ḅụ ofori nwángị kọọ bẹ nyẹ́gha, kụ́ma nnị anị pa fịrịnwangị Tamuno pịrịị. Tamuno anịị pịghị oju ma siḅearị ḅọ

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

2 Kọrịntịapụ 6:16

Tamuno wárị na nkára tamuno nnị tẹ́ mịẹnyẹ nyáná gboloma bẹ. Wamịnị anị dúmagbámásó Tamuno ma wárị: Tamuno ọ ḅụgbọrụ ḅẹ́ ḅara ma ḅẹẹ. A nnị na ngábẹm pịghị nna ogbobie nwángị ikelekelé, a Tamuno sọ n pịrịbẹm nnị sọ ịyẹa túminị́ sọ́bẹm.

Ẹ́fịsọsapụ 2:2

Anịsáa ma ọ tuminikiri sii asọ nwángịm, ọmịnị ọgọnọ bie fịnị kụ́rọ sitẹ́mẹ́ táarịḅọ ma bịpị pughum, mị́sa ḅẹrẹtọ mini Tamuno osighaapụ ma pịrịarị Tẹ́mẹ́.

Ẹ́fịsọsapụ 3:17

A pịghị tẹ́ghẹ̄arị ḅẹ́ minini ḅụ ḅọ́rọ́ Krais ọmịna tẹ́mẹ́bie ngábẹm sámámgba. A pa tẹ́ghẹ̄arị ḅẹ́ ọmiẹ bẹnyẹ gonyẹ́ gonyẹ́ ọ ḅẹlẹma ḅụ ḅọ́rọ́ anị mịẹ,

Ẹ́fịsọsapụ 6:10

Kunema ḅụ, ọ kụrọ sẹ Kị́nị́nyánáḅọ ḅụ, na pịghị ọ ḅụ fịnị opu ịnyọ ḅụ.

1 Jọn 2:1

A mịị diri ma gịẹ ọ fịrịmaarị, ị́yẹ́ awọ, o siinyẹ mịẹbịgha ḅara, kụ́ma siinyẹ mịẹḅọ fịnịfịnị wa sẹ sị Daḅọ tẹ́ghẹ̄arị ḅọ nyanam wámịna sịbị ọgọnọ, ori anịị Jizọs Krais karakáráḅọ ma.

1 Jọn 2:13

A gịẹ ọ fịrịmaarị, daapụ, tegó ọmịnị súghú saghị sa éné éné ḅọ ma nimimam. A gịẹ ọ fịrịmaarị, ásáawọ, tegó ọmịnị siiḅọ ma sọḅamam. A gịẹ ọ fịrịmaarị, ị́yẹ́ ibi awọ, tegó ọ Daḅọ ma nimimam.

1 Jọn 3:20

Ḅọ́rọ́ wámịna tẹ́mẹ́bie wa dighi igani igani, wa nimibẹm ḅẹ́ Tamuno wámịna tẹ́mẹ́bie nẹngịm, ọ pịghị nyẹ gonyẹ́ gonyẹ́ nẹngịm.

1 Jọn 3:24

Tamuno ólóghó ma kokoarịapụ, nnị na Tamuno na gbẹ́rẹ́ḅụ ḅụ imii, Tamuno pịghị nnị na gbẹ́rẹ́ḅụ ḅụ imii. Tamuno ma pa wa pịrịmaá Tẹ́mẹ́ gosi wa nimim ḅẹ́ Tamuno wamịnị na gbẹ́rẹ́ḅụ ḅụ imii.

1 Jọn 4:13

Wa ibima nimim ḅẹ́ wamịnị ori na gbẹ́rẹ́ḅụ ḅụ imi, ori sọ pịghị wamịnị na gbẹ́rẹ́ḅụ ḅụ imii, ori ọrẹ Tẹ́mẹ́ pa wa pịrịmam gósi.

1 Jọn 4:16

Wa nimim pịghị minini Tamuno nyáná wa pịrị ḅẹlẹma. Tamuno ori anị ḅẹlẹma. Ḅẹlẹma ḅụ ngaaḅọ gonyẹ́ gonyẹ́ Tamuno na gbẹ́rẹ́ ḅụ ḅụ imii, Tamuno sọ nḅọ na gbẹ́rẹ́ ḅụ ḅụ imim.

1 Jọn 4:6

Wamịnị Tamuno ju saghịḅom, Tamuno nimiḅọ gonyẹ́ gonyẹ́ wa pughu pughum, Tamuno ju saghị ḅoghaapụ wa púghú pughugha. Mịị ḅara ma anịị wa karakárá ma Tẹ́mẹ́ lighilighi ḅoarị ḅara epeleti tẹ́mẹ́ ḅụ.

1 Jọn 5:19

Wa nimim ḅẹ́ wamịnị Tamuno awọ, tuminikiri gbọrụ ma sọ sii tumḅọ ma sughubie imi.

1 Jọn 5:4

ḅẹ́ Tamuno tụwọ sọmáaḅọ gonyẹ́ gonyẹ́ tuminikiri ma sọḅasọḅam. Wámịna minini anị mịẹsị wamịnị ine tuminikiri ma sọḅaarị nyẹ.

Puu Findi 12:11

Ánáná tụ́wọ ma ọmbịnyẹ́ na, nna dugho págháma karakárá ẹ́gẹ́rẹ́ anịị n pa ọ sọ́ḅa nyẹ. Nnị tẹ́lẹ́ma sị nna duma kóróma fịị pịrịm.