1 Jọn 3:3 - Ibani New Testament

³ Mịị tọ́rụ́ dighinyẹ ma nyánáḅọ gonyẹ́ gonyẹ́ Krais ḅụ amịna ḅụ pa fiafiama wárị wárim, Krais so fíafía fịnị ḅara.

1 Jọn 3:3 Iomraidhean Croise

Matiu 5:48

Anịgosi kpain fịnị, ị́yẹ́ Daá sobie fịnịḅọ kpain fịnị ḅara.

Ibi Oku Ma Luk Anị Gịẹ Ḅara 6:36

Tọ́rụ́kụrụkụ́rụ́ nyáná, ị́yẹ́ Daḅọ tọ́rụ́kụrụkụ́rụ́ nyáná ḅara.

Ibi Oku Ma Jọn Anị Gịẹ Ḅara 17:19

Nna sịbị go a ịḅụ fófóoma ị́yẹ́ fịrịma pịrịmam, nnị sọ ibiḅara pa nna ḅụ fófóoma ị́yẹ́ fịrị pịrịbẹ ḅara.

Fịrị Ḅara 15:9

Ọ kịrịnyẹ mịẹghaa wamịnị na nna ogbobie; ori nna siiḅụḅarasi n pịrịm, nnị mininim gosi.

Romapụ 15:12

Aizaya pịghị jẹ́ pa dughom, <>

2 Kọrịntịapụ 7:1

Ị́yẹ́ ibi nángwọ́apụ mịnanyẹ mamgba n minini pa wa pịrịm, anịgo wa wámịna ḅụ mịẹ fiafiama, wámịna oju anịgha wámịna tẹ́mẹ́ ịlọlịma bẹnyẹ gonyẹ́ gonyẹ́ ḅụ, wa pịghị káara ḅara ḅụ tọ́ntọ́ duma kọọ Tamuno ḅụ.

Kolosiapụ 1:5

Minini na ḅẹlẹma ḅụ sághị ḅọ tọ́rụ́ dighinyẹ, sobie n kokowarị ọ pịrịnyẹ, ọ pịghị anị gbolomanyẹ namaa nyẹ karakárá ẹ́gẹ́rẹ́ ma ḅụ anịị ibi oku ma, nnị akuoo

2 Tẹsalonaikaapụ 2:16

Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.

Taitọs 3:7

sị ori tọ́rụ́kụrụkụ́rụ́ ḅụ ḅọ́rọ́ wa karakárá ibiamịẹnyẹapụ sọ́bẹm Tamuno ma fịnị angaá, sị ḅo wa tọ́rụ́dighi gbámásó duma ma nyáná.

Hiburuapụ 12:14

Ḅụ́kọ́rọ́ma diin pa kị́nị́mamgba na fịnị pịghị ḅụ́kọ́rọ́ma tọ́ntọ́ duma kọọ mịma ofori, gbẹ́rẹ́ḅọ sọ ine Kị́nị́nyánáḅọ arịbịgha.

Hiburuapụ 6:18

Tamuno minini nyẹ na o fị ọḅọọ ma anịị mmẹẹ́ nyẹ ine dima bigha nyẹ, mịma diearị ḅẹ́ Tamuno ine epeletibịgha. Tamuno mịị mmẹẹ́ nyẹ ma pa wa tẹ́mẹ́kụ́rọmam ḅẹ́ wamịnị mangị o bie sọ́maapụ ma, ine ọlọ kụrọma bẹ ḅara wámịna tórúku fịnị tọ́rụ́ dighinyẹ ma.

Hiburuapụ 7:26

Jizọs Krais anị wa bii igwagwaalaḅọ, ọ tọ́ntọ́m; sii ọ ḅụ ofori, nnị o fófóomam siiamịẹnyẹapụ bie pịghị ọ saghị sóghólóma so ma nẹ́ngị.

Jems 4:8

Kikia Tamuno damaḅo, ori sọ kikia ọ dámáḅobẹm. Ọmịnị ọmịna ḅara sịrị si siinyẹ bie, ọ pịghị ọmịna tẹ́mẹ́bie mịẹ fiafiama ọmịnị mmẹẹ́ a tọ́rụ́ kingi.

1 Pita 1:15

Mịma na karagha, ọ tọ́ntọ́ ḅụ fịnị omiẹarị nyẹ gonyẹ́ gonyẹ́ ḅụ, ọ sịị Tamuno ma sọ tọ́ntọ́ ḅụ fịnị ḅara.

1 Pita 1:3

Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,

2 Pita 1:4

Mịná ipine na mịná ibi ḅụ ḅọ́rọ́, ori ọmịnị wa pịrị opuma dụḅa na nyẹ́la dienyẹ ma pa wa pịrịmam. Mịná diepịrịnyẹ ma ḅụ ḅọ́rọ́, ọ tuminikiri bie fịnị sị tuminiḅaarị pụghọ tarịarịnyẹ ma ḅarabie mangị págháḅobẹm, sị ori tọ́ntọ́ duma ma nyáná.

2 Pita 3:14

Anịgo ị́yẹ́ ibi nangwọapụ, ọmịnị anị éné ma kúruarị sáá, ọmịnị ọmịna ịnyọ láa ḅara mịẹsị ọmịna ḅụ mịẹ kpainma warị, bịpị ḅụ laagha pa Tamuno tórúku, pịghị ọ nana diin ḅụ fịnị.

1 Jọn 2:6

Bẹḅọ gonyẹ́ gonyẹ́ ḅẹ́ n ḅọ Tamuno na bịpị pa ogbo sua nyanam, duma kọọ Jizọs Krais duma kọọ ḅara.

1 Jọn 4:17

Mịị ḅara ma, ḅẹlẹma anị ḅụ mịẹ kpainmamam wámịna bie, wa pịghị ine tẹ́mẹ́kụ́rọ nyánábẹm ḅẹ́rẹ́kọ éné ma, tegó mị tuminikiri ma ḅụ, ọ fịnị ḅára anịị wa fịnị ḅara.