1 Jọn 3:1 - Ibani New Testament

¹ Dighii Daḅọ ma wa ḅẹlẹma láa ḅara! Ori ḅẹlẹma opuma dụḅam sị túminị́ wa sịarị Tamuno awọ wamịnị ma anị karakáráma Tamuno ma awọ! Tuminikiri ma wa nimigha nnị Tamuno ma nimigha gosi.

1 Jọn 3:1 Iomraidhean Croise

Ibi Oku Ma Luk Anị Gịẹ Ḅara 20:36

Sookumuapụ ma fịnị ḅara anịị n fịnị bẹ ḅara, nnị ine fịịbịgha, nnị anịị Tamuno awọ, tegó, nnị fịị ḅụ saghịmam.

Ibi Oku Ma Jọn Anị Gịẹ Ḅara 1:12

Kụ́ma ọ daakịapụ mamgba, pịghị ori ẹrẹ ḅụ mininiapụ ọ kụrọ pa nnị pịrịm sị nnị Tamuno awọ sọọ.

Ibi Oku Ma Jọn Anị Gịẹ Ḅara 11:52

anị sẹ ma ngéréghaa, kụ́ma n gálágáláma warị Tamuno awọ ma, nna akuoo sị n pa gbẹ́rẹ́nyẹ mịẹ.

Ibi Oku Ma Jọn Anị Gịẹ Ḅara 15:21

Mịị ḅara ma anịị n pa ọ mịẹbẹnyẹ ị́yẹ́ ẹrẹ ma gosi, tegó nnị i fịrịma ḅọ ma nimigha.

Ibi Oku Ma Jọn Anị Gịẹ Ḅara 16:3

Túminị́ mịnanyẹ ma pa ọ mịẹbẹm nnị Daḅọ ma anịgha irị nimigha gosi.

Ibi Oku Ma Jọn Anị Gịẹ Ḅara 17:25

<

Ibi Oku Ma Jọn Anị Gịẹ Ḅara 3:16

<

Romapụ 5:8

Kụ́ma Tamuno diepághámamam ọ wa ḅẹlẹma láa ḅara: wa pa siinyẹ bie fịnị sa Krais fịị wa pịrịm.

Romapụ 8:19

Tuminikiri n tẹ́mẹ́nyẹ mamgba tọ́rụ́ asọ ḅụ fịnị ḅara pa kúruarị Tamuno ori awọ ma diepágháma bẹ sa.

Romapụ 8:21

ḅẹ́ tuminikiri n tẹ́mẹ́nyẹ ma dụapaghama ḅobẹm nnị anị pa sua ḅụrụ omoni ḅarabie, sị nnị diekiri nyáná Tamuno awọ ma nyáná ḅụ́gbérépuma dụapághámaḅo ma ḅụ.

Romapụ 8:32

Ori ọ Tụwọ ma ọlọ ọ ḅụ pịrịghaḅọ, kụ́ma ọ saghị pa wamịnị kị́nị́mamgba pịrịm. Ọ pịghị ọ ḅụ ḅọ́rọ́ ḅara findi nyẹ́ gonyẹ́ gonyẹ́ pa wa pịrịbịgha?

2 Kọrịntịapụ 6:18

Kụrọmamgba nyáná Kị́nị́nyánáḅọ dugho ḅara, a Daa sọọ ọ pịrịbẹm ọmịnị sọ pịghị ị́yẹ́ owiapụ awọ na ị́yẹ́ ẹ́rẹ́awọ sọ́bẹm.>>

Galesiaapụ 3:26

Anịgosi ọmịnị kị́nị́mamgba Tamuno awọ sọmam ọmịna minini Jizọs Krais ḅụ ḅọ́rọ́.

Galesiaapụ 3:29

Ọmịnị ḅọ́rọ́ Krais nyẹ nḅẹḅẹ́, ọmịnị Ebraham awọ. Ọ Tamuno mini karịibima ma nyánáḅobẹm.

Kolosiapụ 3:3

O fịịmam gosi, ọmịna duma mị́sa n pa Krais na Tamuno bie ḅọghum.

1 Jọn 3:10

Mịị wa ḅọ́rọ́ Tamuno awọ na ẹ́kpẹ́dua awọ nimi bẹ ḅara: karakárányẹ ma mịẹghaapụ anịgha jẹ́apụ ḅẹ́lẹ́maghaapụ, nnị Tamuno awọgha.

1 Jọn 3:2

Ị́yẹ́ ibi nangwọapụ, mị́sa wamịnị Tamuno awọ, kụ́ma túminị́ na nimigha wa kịka bẹnyẹ, kụ́ma wa nimim ḅẹ́ Krais ọ ḅụ die sa, wamịnị ọ fịnị ḅara fịnịbẹm, tegó wamịnị ori árịbẹm ọ fịnị ḅara.

1 Jọn 4:17

Mịị ḅara ma, ḅẹlẹma anị ḅụ mịẹ kpainmamam wámịna bie, wa pịghị ine tẹ́mẹ́kụ́rọ nyánábẹm ḅẹ́rẹ́kọ éné ma, tegó mị tuminikiri ma ḅụ, ọ fịnị ḅára anịị wa fịnị ḅara.

Puu Findi 21:7

Sọḅaapụ mịma nyánáḅobẹm i ḅárabie. A Tamuno sọọ n pịrịbẹm nnị sọ awọ sọọ i pịrịbẹm.