1 Jọn 2:1 - Ibani New Testament

¹ A mịị diri ma gịẹ ọ fịrịmaarị, ị́yẹ́ awọ, o siinyẹ mịẹbịgha ḅara, kụ́ma siinyẹ mịẹḅọ fịnịfịnị wa sẹ sị Daḅọ tẹ́ghẹ̄arị ḅọ nyanam wámịna sịbị ọgọnọ, ori anịị Jizọs Krais karakáráḅọ ma.

1 Jọn 2:1 Iomraidhean Croise

Ibi Oku Ma Luk Anị Gịẹ Ḅara 10:22

<>

Ibi Oku Ma Jọn Anị Gịẹ Ḅara 10:15

Daḅọ ma ị nimiḅara anịị a Daḅọ ma nimiḅara a pịghị ị́yẹ́ duma saghị kóróma ánáná ma pịrịm.

Ibi Oku Ma Jọn Anị Gịẹ Ḅara 13:33

<<Ị́yẹ́ awọ kálá sáá tụwọ anịị a pa ọmịnị na fịnị bẹnyẹ. Ọmịnị ị dọghụbẹm, kụ́ma mị́sa a dugho ọ pịrịarị a dugho Juu sịbịdaapụ ma pịrịnyẹ,

Ibi Oku Ma Jọn Anị Gịẹ Ḅara 14:16

A pịghị Daḅọ ma ḅara biibẹm ọ pịghị jẹ́ ḅárásuaḅọ pa ọ pịrịbẹm, ọmịnị na fịnị muu gbámásó láa bẹḅọ.

Ibi Oku Ma Jọn Anị Gịẹ Ḅara 14:6

Jizọs pagharam, <

Ibi Oku Ma Jọn Anị Gịẹ Ḅara 21:5

Ọ wárị n gbíla, <> Nnị pagharam, Errnh, Errnh.

Ibi Oku Ma Jọn Anị Gịẹ Ḅara 5:14

Sáá ḅo ḅọ́rọ́ sáá Jizọs ori na donam Tamunoopuwarị ma bie sị warị ọ ḅẹ́, <>

Ibi Oku Ma Jọn Anị Gịẹ Ḅara 5:36

<

Ibi Oku Ma Jọn Anị Gịẹ Ḅara 6:27

Fịrịnwangị síi bẹ fị́nyẹ ma pịrịma kụ́ma fịrịnwangị fịnị muu gbámásó duma láa bẹnyẹ pịrị, Tumḅọ yii Tụwọ ma pa ọ pịrịbẹnyẹ, tegó ori ma anịị Tamuno Daḅọ ma ḅara pụnụ pịrịmaá ḅọ pa die ḅẹ́ ori anịị kụ́rọ pa ọ pịrịḅọ.>>

Ibi Oku Ma Jọn Anị Gịẹ Ḅara 8:11

Á warị pagharaa, Inyanaḅọ, gbẹ́rẹ́ḅọ sọ ofori. Jizọs warị a ḅẹẹ, <>

Fịrị Ḅara 7:52

Gbẹ́rẹ́ ikiakoroḅọ sọ ofori, ọmịna tádọ́apụ n tọ́rụ́ pa, siiarịmagha ḅọ. Nnị Tamuno oku muapụ gbolomanyẹ dugho pághámaḅo. Mị́sa ọmịnị ọ dẹ́rịfịmam pighi ọ timiḅamam.

Romapụ 5:10

Wamịnị áyá sa Tamuno iruonaapụ, kụ́ma ori oyẹ nángwọ́apụ pa wa mịẹm ọ Tụ́wọ ma fịị ḅụ ḅọ́rọ́. Mị́sa wa Tamuno nángwọ́apụ sọmaa ḅara ma, tẹ́ pịghị kọọ Krais ori duma pa wa duaḅọ́rọ́mabẹm.

Romapụ 6:15

Anịsa, wa tẹ́ dugho bẹ? Wa pa siinyẹ mịẹbẹ, wa ólóghó sughubie ofori gosi kụ́ma Tamuno tọ́rụ́kụrụkụ́rụ́ ḅụ? Ọkọfịnị nyẹ ofori!

Romapụ 8:34

Tụọ anịsa ḅẹ́rẹ́ pa nna ḅarasima bẹ? Krais Jizọs fịịḅọ ma, pịghị fịị ḅụ n saghịma ḅọ ma, ọ pịghị Tamuno ma amaḅara angaá imi, wa sịbị go ọ tẹ́ghẹ̄arị.

1 Kọrịntịapụ 15:34

Ị́yẹ́ akanyaḅo sima ịḅụ ḅoo anị ḅo na ibiḅara, siinyẹ mịẹ kunema, ḅẹ́ jẹapụ imi Tamuno nímighaapụ. A mịma dughom pa ọ ḅụ́gịrịrịma.

2 Kọrịntịapụ 5:21

Krais, sii ḅụ ofori ḅọ, Tamuno mịẹm o siiḅọ sọọ wa pịrị sị ọ ḅụ ḅọ́rọ́ wa ḅo Tamuno karakárá ibiamịẹnyẹ sọ́bẹm.

Galesiaapụ 4:19

A ḅẹlẹma ibi awọ, yii ọlọ ọ́rụ́ḅọ naarị ákụ ma anị mị́sa a nyáná ọ pịrị jẹ́ ákụ akị mú ọ sẹ́nị ḅo tumḅọ sọ sáá láa Krais bie.

Ẹ́fịsọsapụ 2:18

Krais ḅụ ḅọ́rọ́ wamịnị kị́nị́mamgba, Juu na Juughaapụ ine Daḅọ ma fịnị angaá ḅobẹm, gbẹ́rẹ́ Tọ́ntọ́ Tẹ́mẹ́ ma ḅụ.

Ẹ́fịsọsapụ 4:26

Ḅọ́rọ́ ḅẹ́ ị́ igani igani, minima sị igani ma i suma siinyẹ bie suu, pịghị minima anị i nana fịnị énédima.

1 Timoti 2:5

Ḅẹ́ gbẹ́rẹ́ Tamuno ngéré anịị iminyẹ, gbẹ́rẹ́ ogboku sẹ ḅọ anịị Tamuno na túminị́ na akuo gbólómáarịḅọ, anị tumḅọ ma anịị n Krais Jizọs pa sịḅọ ma,

1 Timoti 3:14

A mịị ábálálá ma gịẹ ị pịrịarị, tẹ́mẹ́ gbánā ḅẹ́ ḅọlọgha sa a ḅoo ị́yẹ́ árịbẹm.

Hiburuapụ 9:24

Krais o tumḅọ ḅara pa nama Tọ́ntọ́ yọ sọgha, mị anị karakárányẹ ma kịkányẹ, kụ́ma o so sobie múm si mú Tamuno tórúku fịnị wámịna sịbị go.

Jems 1:27

Tamuno Daḅọ árị sị kpain pịghị karakárá Tamuno nimi, ọ́ nyingi na daa ófórigha awọ ma tákubiri, na pịghị dee oforighaapụ ma nna tọ́rụ́siarị ḅụ, pịghị minigha sị tuminikiri ma n ḅọ sima.

Jems 3:9

Anị wa pa wámịna Nyánáḅọ Daḅọ ịmịẹḅam pa ọ pịrịarịnyẹ, anị wa pịghị pa kị́nị́ wiriarị nyẹ, Tamuno ọ ḅụ dighi tẹ́mẹ́apụ ma.

1 Pita 2:22

<<Ọ mịẹ siiamịẹnyẹ sọ ofori anịgha ọ bịpị págháḅo epele naaḅọ sọ ofori.>>

1 Pita 3:18

Tegó Krais fịị sii pịrịm gbẹ́rẹ́sa ngéré, karakárá ibiamịẹnyẹḅọ siiapụ sịbị go fịịm ori ọmịnị akuoo Tamuno pịrịị bẹ ḅara. Túminị́ ojumẹnị ḅụ ọ ḅám, kụ́ma Tamuno mịẹm o duma fịnịị tẹ́mẹ́ju,

1 Jọn 3:18

Ị́yẹ́ ibi awọ, wámịna ḅẹlẹma anị ẹ́gẹ́rẹ́ ḅụ na ḅẹ́lẹ̄ ḅụ kunema ma, kụ́ma wámịna ḅẹlẹma anị ḅụ die mịẹnyẹ ḅụ na pịghị karakárá ḅụ.

1 Jọn 3:5

O nimim ḅẹ́ Krais ḅom sị ọ sii dighi si bẹ ḅara, kụ́ma ọ ḅụ sii ofori.

1 Jọn 3:7

Ị́yẹ́ ibi awọ, o minima si gbẹ́rẹ́ḅọ sọ oḅori pa ọ sị, karakárányẹ ma mịẹarịḅọ gonyẹ́ gonyẹ́ anịị karakárá ibiamịẹnyẹ tumḅọ, Krais ma sọ karakárá fịnị ḅara.

1 Jọn 4:4

Ọmịnị ị́yẹ́ ibi awọ, ọ Tamuno ju saghịḅom, ọ pịghị epele ikiakoroapụ ma sọḅamam, tegó ọmịna bie fịnị Tẹ́mẹ́ ma anị kụ́rọ tuminikiri ma bie fịnị túminị́ bie fịnị tẹ́mẹ́ ma nẹngịm.

1 Jọn 5:17

Irima nyẹ gonyẹ́ gonyẹ́ anị sii, kuma sii imi tumḅọ dighi mú fịị bie suabịgha nyẹ.

1 Jọn 5:21

Ị́yẹ́ ibi awọ ọmịnị ọḅụ fóofóoma n kárá tamuno ḅụ.

3 Jọn 1:4

Mịma nẹ́ngịma bieḅẹlẹ ofori a ḅo náa sa ḅẹ́ ị́yẹ́ awọ karakáráma ḅụ asọ nwángịarị.