1 Jọn 1:2 - Ibani New Testament

² Mịị duma ma anị ḅụ die sa, wamịnị anị arịm pịghị anị gbolomanyẹ dughom, pịghị Daḅọ ma na fịnị duma gbámásó gbolomanyẹ dugho ọ pịrị, mịma anịị n pịghị mịẹsị wa níminyẹ.

1 Jọn 1:2 Iomraidhean Croise

Ibi Oku Ma Jọn Anị Gịẹ Ḅara 1:18

Gbẹ́rẹ́ḅọ sọ jẹ́ éné na Tamuno arịgha. Kpọ́kpọ́ gbẹ́rẹ́ tụ́wọ ma, ori na Tamuno na gbẹ́rẹ́nyẹ ma, ori ma pịghị Daḅọ ma ngása imi, ori ma pịghị mịẹmam sị wamịnị o nimi.

Ibi Oku Ma Jọn Anị Gịẹ Ḅara 1:4

Ọ ḅụbie anịị duma fịnịnyẹ, anị duma ma anịị túminị́ baá ma.

Ibi Oku Ma Jọn Anị Gịẹ Ḅara 10:28

A duma gbámásó pa n pịrịm n pịghị jẹ́ éné jẹ́ éné fịị faábịgha; gbẹ́rẹ́ḅọ sọ ine nnị pughoakịbịgha i ḅarabie.

Ibi Oku Ma Jọn Anị Gịẹ Ḅara 14:6

Jizọs pagharam, <

Ibi Oku Ma Jọn Anị Gịẹ Ḅara 15:27

Ọmịnị sọ i gbolomanyẹ dugho pághámabẹm tegó ọmịnị ma ịrị na imi sughu saghị éné.

Ibi Oku Ma Jọn Anị Gịẹ Ḅara 16:28

A Daḅọ ma ḅara saghị tuminikiri ḅom; mị́sa a tuminikiri ma wáriso sị pịghịma Daḅọ ma dámámụarị.>>

Ibi Oku Ma Jọn Anị Gịẹ Ḅara 17:3

Gbámásó duma ma nyáná bẹ ḅara, anịị ịnimii, ịrị ngéré karakárá Tamuno ma, na Jizọs Krais ị fịrịmaḅọ ma nimi.

Ibi Oku Ma Jọn Anị Gịẹ Ḅara 17:5

Anịgo mị́sa Daa, kuu pa i sọma ị tórúku, wa nyáná gboloma kuu ma tuminikiri ma na saghịgha sáá.

Ibi Oku Ma Jọn Anị Gịẹ Ḅara 19:35

Pághányẹ ma arị owitụ́wọ, ori árịnyẹ dugho pághámamam, ori dugho págháma nyẹ ma pịghị karakáram. O nimim ḅẹ́ ọ karakárányẹ ma dugho dughom, o dughom sị ịrị ma sọ minini bẹ ḅara.

Ibi Oku Ma Jọn Anị Gịẹ Ḅara 21:14

Mịị tẹ́rẹ́ kárámá sáá Jizọs ọ ḅụ pa ori ọḅụduaapụ die nyẹ ọ fịị ḅụ saghị fama sáá.

Ibi Oku Ma Jọn Anị Gịẹ Ḅara 3:13

Gbẹ́rẹ́ḅọ sọ jẹ́ éné na sobie mugha, sobie saghị ḅoḅọ ma ngéré anịị Tamuno Tụ́wọ ma.

Ibi Oku Ma Jọn Anị Gịẹ Ḅara 7:29

kụ́ma ịrị o nimim, tegó a ọ ḅara saghịḅom. Ori pịghị i fịrịmam.>>

Ibi Oku Ma Jọn Anị Gịẹ Ḅara 8:38

A Daḅọ toruku a árịmaá nyẹ dugho ọ pịrịarị, ọmịnị sọ pịghị ọmịna daá bịpị náanyẹ mịẹm.>>

Fịrị Ḅara 1:22

Jọn mingi sara ḅụ akị ori iwóo sáá láa. Mịị ḅọ ma wamịnị na onyẹsẹ́ ori fịị ḅụ sághị pịrịbẹm.>>

Fịrị Ḅara 10:41

Kị́nị́mamgbagha ori ọ ḅụ pa dieapụ, kụ́ma Tamuno ọ ḅara na sẹlẹakịapụ ma, anịị wamịnị ọ nana fị pịghị ọ nana ḅuuapụ, ọ fịị ḅụ saghị fama sáá.

Fịrị Ḅara 2:32

<

Fịrị Ḅara 3:15

Ọ duma nyánáḅọ ma ḅám, kụ́ma Tamuno ọ sị saghịm fịị ḅụ, wamịnị sọ onyẹsẹ́ mịma pịrịm.

Fịrị Ḅara 5:32

Wamịnị ónyésẹ mịnanyẹ ma pịrịm wamịnị na Tọ́ntọ́ Tẹ́mẹ́, Tamuno pa ori osiapụ ma pịrịnyẹ.>>

Romapụ 8:3

Ólóghó ma ine mịẹgha nyẹ, tegó ojumẹnị ma mịẹmam sị anị mịnị kụ́rọ nyanagha Tamuno mịẹm ori ọ Tụwọ fịrịma sa, ojumẹnị suaḅọ sị o sii sịrịsii bẹ ḅara. Anị ḅara ma ọ ḅẹ́rẹ́kọsima sii pịrịm ojumẹnị ma bie.

Galesiaapụ 4:4

Kụ́ma karakárá sáá ma ḅo láa sa, Tamuno ọ Tụwọ fịrịmaḅom, ọ́rụ́ḅọ o yiim, Juuapụ ólóghó ḅara ḅụ ọ sẹ́nị págháḅom.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

2 Timoti 1:10

Kụ́ma mị́sa nnị anị diepágháma wa pịrịmam wámịna Dụaḅọ́rọ́maḅọ Krais Jizọs ḅoo ḅụ ḅọ́rọ́. O fịị kụrọ ma kunemamam sị ibi oku ma ḅụ ḅọ́rọ́ duma gbámásó diepághámamam.

Taitọs 1:2

mịị karakárá ma ḅụ ḅọ́rọ́ túminị́ tọ́rụ́ dighinyẹ nyánam gbámásó duma nyáná ḅụ, Tamuno ine epeletibịghaḅọ ma mị duma minini wa pịrịm tuminikiri na saghịgha sa,

1 Pita 5:1

Irị ịḅụ gbọrụ sẹnịḅọ, ọmịna bie fịnị sọsị sẹ́nịapụ ma tẹ́ghẹ̄m. Ḅẹ́ ịrị a tọ́rụ́ na Krais tọ́rụ́siarị ma arịm, a pịghị diekiri nyánábẹm ori ipine ma ḅụ, anị ḅụ diepágháma bẹnyẹ.

1 Jọn 1:1

Súghú saghị sa fịnịnyẹ ma, wa pịghị namaa nyẹ ma, wa pịghị wamịna tọ́rụ́ pa arịmáa nyẹ ma, wa tọ́rụ́ pa dighim pịghị ḅara pa anị lama, mịma anịị duma ẹ́gẹ́rẹ́ ma wa gịẹ pa ọ fịrịma nyẹ.

1 Jọn 2:25

Mịma anị Krais minininyẹ ḅẹ́ ọ pa wa pịrịbẹm duma gbámásó.

1 Jọn 3:5

O nimim ḅẹ́ Krais ḅom sị ọ sii dighi si bẹ ḅara, kụ́ma ọ ḅụ sii ofori.

1 Jọn 3:8

Sámámgba ḅụ fịnị sị siiamịẹnyẹ mịẹarịḅọ gonyẹ́ gonyẹ́ fịnị ẹ́kpẹ́dua pịrịm, tegó ẹ́kpẹ́dua ma Sughu saghị sa éné éné siinyẹ mịẹarị. Mịma go anịị Tamuno Tụwọ ma go ḅo nyẹ sị ori ẹ́kpẹ́dua ma fịrị mamgba sima bẹ ḅara.

1 Jọn 4:14

Wa pịghị árịmam, pịghị dugho págháma ḅẹ́ Daḅọ ma ọ Tụwọ fịrịmamam ḅẹ́ o ḅo tuminikiri Dụaḅọ́rọ́maḅọ sọ.

1 Jọn 4:2

Mịị anịị ị Tamuno Tẹ́mẹ́ ma lighilighiḅo bẹ ḅara: dugho tẹ́mẹ́ gonyẹ́ gonyẹ́ ḅẹ́ Jizọs Krais ojumẹnị sua sị tuminikiri ḅomam, anị tẹ́mẹ́ ma Tamuno ḅara saghịḅom.

1 Jọn 5:11

Dugho págháma nyẹ ma anịị: ḅẹ́ Tamuno gbámásó duma pa wa pịrịmam, mịị duma ma ọ Tụwọ bie anịị anị pịghị fịnịnyẹ.

1 Jọn 5:13

A mịị diri ma gịẹ ọ pịrịarị, ọ mịnị Tamuno Tụwọ ma ẹ́rẹ́ ḅụ mininiapụ ḅẹ́, ọ nimi bẹ ḅará ḅẹ́ ọ gbámásó duma nyánam.

1 Jọn 5:20

Wa pịghị nimim ḅẹ́ Tamuno Tụwọ ma ḅomam sị akanyaḅo pa wa pịrịmam, si wa karakárá Tamuno ma nimi, wa karakárá Tamuno ma na gbẹ́rẹ́ḅụ ḅụ imii ọ Tụwọ Jizọs Krais ma na gbẹ́rẹ́ḅụ ḅụ imi. Mịị karakárá Tamuno ma, mịị pịghị duma gbámásó.