Pilipi 4:8 - Kuruei Voa Nawawrea 1920

⁸ Ika voa eire, ovaki airavaki e, miki awku kavakava, avioia awku kavakava ane, anana awku kavakava ane, urupu awku kavakava ane, vapara awku kavakava ane, uru ima awku kavakava ane; awku oro iviri miane, avioia miane, ei awku eivirine.

Pilipi 4:8 Iomraidhean Croise

Mataio 22:16

Omo aivara‐oro Herodia a’a kiripai U ai oro ekaivirinave, erau voa veve’emakei’inave, Amua a’a e, enei ipali’ina ni a’a miki keina, Eloi inu voa miki awku Ni ipawkina, a’a anu voa eiai Ni kore eria mi’ina: uku a’a anu paku e Ni a’a a‐ipinakea.

Mareko 6:20

Heroda korekei’inave Ioane eiai, uku u ipali’inave Ioane opara anana a’a kei’inave, iaa a’a ane, ou uku eiai u iawkanave; una voa u viriaka’ane u lai kukupuna kei’inave, a una voa viriai u kopaili’inave.

Luka 16:15

U erau voa kuruenave, Noro a’a oro omo opara anana evere’ena a’a anu paku ai; a Eloi nomo umu ipa‐elauna: uku kurua awku kepoia keina a’a awkono avao ai, Eloi inu paku ai kurua awku inakaliakeina.

Luka 2:25

Ierusalema ai a’a monou, nawi Simeona, uarokoanave; opara anana a’a, iaa a’a u kei’inave, Isaraela a’a anu paioka u aioiaka‐pokoinave: Avaea Iaa u upa mere kei’inave.

Luka 23:50

Sunederi a’a monou, nawi Iosepa, u ima a’a, opara anana a’a ane, kei’inave:

Ioane 7:18

A’a anu ipawkia voa una lai mere anena una avioia u vorona. A a’a Una avioia vorona U ane U okaivirinave, u a’a miki keina, namea eria u laru ai uakeina,

IVA A’A ANU IAKI 10:22

Oro erau voa kurunave, Konelio, aiai marevaki, iaa a’a, Eloi inu avioia a’a, uru ima mia a’a Isaraela kaki a’a awkono avao ai, i iaa aivara avaea Eloi mere u awkiakei’inave ei marea okaiviriai ni una marea anea’ane‐iai, u ni ane epo mere voa viriane‐iai.

IVA A’A ANU IAKI 22:12

A’a nawi Anania, vupu unu avioia a’a, uru ima a’a Isaraela a’a uriria awkono avao ai, u i‐pokoinave,

IVA A’A ANU IAKI 6:3

Ou uku eiai, ovaki airavaki e, nomo a’a mere a’a 7 ie’eine, opara anana a’a, Avaea Iaa, lai evera ane, evopoakeina, enei evere’eiane‐iai ei iaki oiviriai.

Roma 13:13

Uku lare pani inu pamea ai enei rokoamakina opara ima enei li’inamaki; eke enu avuavu opara, awpa anu mawka, pairama, eiri ane, voaki, namani ane, enei larili’inamaki.

Roma 13:3

Opara anana‐lia a’a kore keiapea kavana anu voa vevea a’a eiai, namea‐lia a’a oro kore keina. Ni umu‐ama‐li’i kore eria miai ni amua a’a eiai? Imau, opara anana‐li’ine, u kopai‐nikavakana.

Roma 14:18

A u ane u orau Keriso kamaia‐awkana, Eloi kopai?-?li’ina u eiai, U kepoina ane.

Roma 2:29

Kurua a’a u laru ai Isaraela a’a keina u Isaraela a’a miki keina; momoa‐eia miki umu momoa‐eia keina, avaea anu awku, kape enu awku peo; ei a’a kepoia voa a’a mere miapea, Eloi mere oro kepoia voa mi’ina.

1 Korinito 4:5

Ou uku eiai pani miki paku ai voa pa veve’eai, aioiaka‐pokoine anea’anea Amua anea’ane. Muru unu vauavaua voa U pamea ai mi‐aneakana, a’a anu lai omo umu laru ai vaua?-?keia’ane euna U iki ai ipekiakana: a’a kavakava orau u liane euna i Eloi mere u kepoia miakana ane.

2 Korinito 13:7

Noro namea eria liai enei Eloi nawki‐awkana; uku ene miki ipawkiapea, a uku noro anana liane‐iai, ene miki ipawkiape liane.

2 Korinito 6:8

I avioia, i makiri ane, i onailia uru, i uru ima ane: ewaea a’a orau enei a’a miki keina;

2 Korinito 8:18

Kurua aroa a’a uru ima mi’ina ekalesia uriria awkono avao ai una omoro iaki eiai nai Tito kiripai okaiviriane euna.

2 Korinito 8:21

Opara anana miai Eloi inu paku ai, a’a anu paku ai ane, enei umuli’ina.

Galatia 5:22

A Avaea anu uru eire, umu, kopai, airu, lai kekepa, lai iva‐iva, opara ima, pirimaroakoa ane,

Epeso 4:25

Ei uku eiai arauau au?-?awkane, a’a kavakava una a’a kiripai voa miki kuruai limakina: uku enei monou monou kape‐aru mikirina a’a e eiai.

Epeso 5:9

(Uku pamea anu uru opara ima, opara anana, opara miki, kavakava ai inamu‐oiakeina;)

Epeso 6:14

Iviri oine, voa miki inu awre nomo muri ai pirine, opara anana ukari oiviriai ke ai eokane;

Pilipi 3:1

Ei ika voa uakeina, na ovaki airavaki e, Amua ai kopaili’ine. Ei voa moawku kikirinaiai na lai kukunu?-?a‐awkanakea, a uku noro eiai ei voa iawka voa keina.

Kolosi 4:5

Pani va’au unu a’a paku ai lai evera rokone, ima pani opara ima liai noro epua a’akine.

1 Tesalonia 4:12

Noro opara ima rokoane‐iai nomo kaupu iki ai pokoia a’a anu paku ai, uku noro oea‐rokonavaia a’a e mere.

1 Timoteo 2:2

Amua a’a eiai, mai‐oro uriria eiai ane, uku lai iva’iva, airu ane, opara iaa, anana ane, enei rokoane‐iai.

1 Timoteo 3:11

Orau awku uku diakono a’e, oro lai kevere?-?kevere a’e enu uru miai limakina, omoro nouia a’e peo, uku opara kavakava oro lai kekepa a’ero, miki‐rokoa a’ero ane.

1 Timoteo 3:4

Una marea a’a u ima amua‐ekana, una ukua mere kamaia miki euniakeina.

1 Timoteo 4:12

Uku ni roropaea a’a ni pa evere’eai a’a inaka‐nika?-?vai; uku ni voa, opara ane, umu ane, avaea ane, pirimaroakoa ane, lai urupu ane, ni aipo rokone ni Ekalesia kaupu avai ipinimiane?-?iai.

1 Timoteo 5:10

Uru ima u upurukiakeina una ima opara eiai, ukua mere u eiviriane euna, kikoro a’a u kamaia‐ekava’ane euna, iaa a’a anu are u ere kikiane euna, oea‐rokoa a’a u pai’ekava’ane euna, opara ima kavakava u liane euna.

1 Timoteo 5:2

Airamere a’ero mei orau ni nanuku‐ekane, a’ero kokoro aro a’ero orau voa urupu ni nanuku‐ekane.

Tito 1:8

Kikoro a’a u kamaiaekavai limakina, opara ima u umuliai limakina, lai iva’iva a’a, opara anana a’a, iaa a’a, lai ipi’ipia a’a;

Tito 2:14

U ane Una nane U awkunave enei eiai, namea uriria mere U inaea‐akava’ane‐iai, U a’a urupu‐eianeiai Una nane eiai, oro ane opara ima liai oro iviri keia’ane‐iai.

Tito 2:2

Umu a’a nanuku‐ekane lai ipi’ipiai, lai avioia, lai iva ane, miai, omo pirimaroakoa, omo umu ane, omo lai kekepa ane, iviri liai.

Tito 2:7

Opara anana anu aipo orau ni opara ni ipawkine: ni ipawkia voa ewaea eria, ipawkia voa miki ipawkiakeia’ane‐iai,

Tito 3:14

Ene a’a ane ipali’inameki aipo ima ipawkiai, iaki li’inameki ane omo kape enu pei eiai, oro avu’avu opara rokonavaia.

Heberu 11:2

I pirimaroakoa eni mai‐oro uru ima mi’inave.

Heberu 13:18

Enei eiai nawki‐awkane: uku enei ipali’ina enei lai parea mi’ina, uku opara kavakava eiai anana rokoai enei umuli’ina.

Iakobo 1:27

Iaa iaki ane urupu keina, upu eria ane, ene Eloi Mai inu paku ai eire, rurupu ukua‐mere, a’ero kepea ane, eiviriai omo kukupuna pani ai, una nane ane pani va’au unu upu opara mere oiviriai.

Iakobo 3:17

Lai evera pani muku mere u pinai urupu keina, airu ane, kekepa ane, manipu peo, umu, uru ima ane, u evopoakeina, voa e e peo, u naumuki opara eria mi’ina.

1 Petero 1:22

Uku voa miki noro kamaialiane euna nomo imunu noro urupu‐eiane euna aroa a’a umu‐ekavai, umu miki noro umu‐nakavai limakina.

1 Petero 2:12

Lai unuku a’a awkono avao ai noro opara anana li’ine, nomo opara anana oro inamu‐oiane‐iai, kavani inu lare ai oro Eloi avioiane‐iai, oro ane oro eai kuruna noro opara lipilia a’a keina.

1 Petero 4:8

Awku uriria paku ai noro umu‐nakane, uku umu namea aila paueina.

2 Petero 3:1

Ei revareva nai eai kikirinaimakina, naumuki e, na revareva rere vaki eire. Revareva orere laru ai nomo parea lai laru ai voa varomo evoiai nai ipia‐miane euna,

1 Ioane 3:18

Mere e, umu unu voa e, ane‐epo onu voa ane, enei pa kuruai, umu unu eve?-?pawki, umu miki, enei ipeki?-?namaki.

1 Ioane 3:3

A’a kavakava ane ei araea’araea u mi’ina U ai, u urupu‐ena u urupu keia’ane‐iai orau U urupu keina.

1 Ioane 4:1

Naumuki e, avaea kavakava pa pirimaroakoai, avaea ipia‐emi’ine oro Eloi mere naea; uku arauau laikorava a’a aila pani va’au ai eleane euna.