Pilipi 4:3 - Kuruei Voa Nawawrea 1920

³ Ni awku na paioka miki a’a e nai nanuku‐nikana ei a’ero pai’ekavai, oro ane na Iva voa iaki oro aua‐miane euna, Kelemeni ane, na iaki paioka a’a e ane, oro ane omo nawi rokoa anu buka laru ai kikiriakeina.

Pilipi 4:3 Iomraidhean Croise

Luka 10:20

A kopai pa liai uku avaea‐lipi kamaia‐nakana, a kopaili’ine uku nomo nawi kikiriakeina pani muku ai.

Roma 12:1

Ovaki airavaki e, i Eloi inu umu nai nanuku‐nakana nomo kape iki Eloi awkuai, rokoa, iaa epie pei kopai‐awkavai. Ei opara avioia opara miki noro mere keiakana.

Roma 16:12

Turapena, Turapoka ane, orere Amua anu iaki li’ina, kepeine. Perikiki ane kepoine, Amua anu iaki u iviri liane euna.

Roma 16:9

Urupani ane kepoine, u na paioka a’a Keriso onu iaki eiai, Kitaki ane na naumuki vaki.

Pilipi 1:12

Uku noro ipaliai nai umuli’ina, ovaki airavaki e, lai kukupuna nai miane euna Iva voa upurukiai oro paioka’ane euna.

Pilipi 1:16

Ei ika kaupu Keriso omoro kuruna uku oro umu‐ikana, oro ipalimakina uku Iva voa eiai apakinavai nai eu ai pokoina;

Pilipi 1:27

Noro oivirine nomo opara Keriso onu Iva voa avioiane‐iai, noroainai anea’ane, inamu‐naiane naea, nai aneape liane, nomo uru e nai viriane naea, nai ipaliane‐iai noro avaea monou oimakina, lai monou ane a’a monou orau Iva voa anu pirimaroakoa eiai noro apakina’amakina;

Pilipi 1:5

Uku nomo paioka eiai Iva voa upurukiai pinai lare mere anea’anea eai pani ai.

Pilipi 1:7

Opara anana nai orau laikoravai uku noro uriria eiai, uku na kipura piria pani ai, pani ai awku Iva voa eiai apakinavai, Iva voa anu miki ipawkiai, nai oiane; na umu ai nai na‐mi’ina, uku noro nai kiripai ei la’aruku monou aua‐mi’ina.

Pilipi 4:2

Euodia, Sunitiki ane, nai nanuku‐ekana lai monou miai, aro a’e orau Keriso ai.

Kolosi 1:7

Orau i Epapara noro ipanakiakei’inave, ene naumuki paioka a’a. U Keriso onu omoro a’a miki noro eiai,

Apokalupo 13:8

A’a uriria pani va’au ai pokoimakina oro avioiakana; oro ane omo nawi Rokoa anu buka laru ai kikiriakeiape, Mamoe Mere enu buka, U ane U epie‐pei awkuakeia’ane euna pani va’au unu ea pani mere.

Apokalupo 17:8

Lekuleku animala ni inamu‐oiane euna u ua‐rokoanave, a u eai peo, a maura pani u moawku inavakana aroa eporo mere, oava ai enavakana ane. Pani va’au unu pokoia a’a oro varuavakeiakana, oro uriria ane omo nawi Rokoa anu buka laru ai keiape pani va’au unu ea pani mere, oro lekuleku animala inamu‐oiane: uku u ua‐rokoanave, u eai peo, u aneliviai anelia.

Apokalupo 20:12

Imua a’a, amua a’a, rurupu a’a ane, nai inamu‐ei’inave amua‐pakara paku ai oimakei’inave. Buka kokoravakei’inave; buka mo ane, Rokoa anu buka, koravakei’inave, i voa buka laru ai kikiriakei’inave imua a’a voa veve’eiakei’inave orau oro opara liaka.

Apokalupo 20:15

A’a anu nawi Rokoa anu buka laru ai a‐auiakei’inavea, iau unu ururu ai u kaiakei’inave.

Apokalupo 21:27

Upu awku eria pai’iri ikiriakana, a’a kapeo ane u opara lipi li’ina, arauau voa kuruna ane, oro e omo nawi Mamoe Mere enu Rokoa anu buka laru ai kikiriakeina oro ikiriakana.

Apokalupo 3:5

Orau u ane u awkoni‐awkana a’a kape urupu u luki‐awmiakeiakana; Rokoa anu buka mere una nawi Nai paueapea kapoi, a Na Mai inu paku ai, Una aivara‐avaea anu paku ai ane, una nawi Nai iki e’eakana.