Pilipi 2:7 - Kuruei Voa Nawawrea 1920

⁷ Una evao’evao U erenave, kamaia aivara U evere’enave, a’a e orau a’a U kinia?-?kei’inave.

Pilipi 2:7 Iomraidhean Croise

Mataio 12:18

Na aivara eire Nai ie’eane euna, Na naumuki ane Na imunu unu kopai. Na Avaea Nai awkuakana, Voa vevea U are‐opakava?-?kana lai unuku a’a‐oro eiai.

Mataio 20:28

Orau A’a anu Mere aneakape kamaia‐awkava?-?keia’ane‐iai, a uku kamaia‐awkavai, Una rokoa awku awkuai a’a aila anu kavani eiai.

Mareko 9:12

U erau voa kuruenave, Elia pinai anena kapoi, awku uriria evere’ena ane; voa awku kikiriakeina A’a anu Mere eiai, kukunu aila U miai limakina, inaka‐awkavakeiakana ane.

Luka 22:27

Ekara a’a amua a’a keina, u ana u pei navai pa’ana: pei kamaia awkua a’a ana? U peana u pei navai pa’ana? a Nai noro awkono avao ai pei kamaia awkua a’a orau keina.

Ioane 1:14

Voa a’a anenave, enei awkono avao ai pokoinave ane, (Una evao’evao enei inamu‐oinave, Mai inu naumuki Mere enu evao’evao), la’aruku, miki ane, U evopoakei’inave.

Roma 1:3

Uku Una Mere, U ane U a’a kiniakei’inave ane, U Davida anu kiri a’a kei’inave,

Roma 15:3

Uku Keriso Una kopai a‐voronavea. Ei voa kikiriakeina U eiai. Anara voa oro kuruninave Nai upa mere oro ara’ane euna.

Roma 15:8

Na voa anu miki eire, Keriso Isaraela a’a anu aivara evere’eane euna uku Eloi inu voa anu miki U ipawkiane‐iai, uku maura‐voa anu miki awku ipawkiai, kurua maura‐voa kurueakei’inave ene eni mai‐oro eiai;

Roma 8:3

Uku a’a anu eapa Vupu liai a‐li’inavea, a Eloi li’inave. Una Mere okaivirima?-?kei’inave a’a kape laru ai, namea a’a anu kape mikirimakei’inave, epie pei orau namea eiai, namea a’a laru ai U mua‐awkanave;

2 Korinito 13:4

Voa miki kapoi i eapa mere iri keoa upa mere U avakei’inave, a i Eloi inu iva mere U eai rokona. Enei awku eapa keina, Una eapa aua‐mimakina, a i Eloi inu iva U kiripai enei rokoakana everenaiai.

2 Korinito 8:9

Ene Amua Iesu Keriso onu la’aruku noro ipali’ina, U amua kei’inave, a noro eiai U rurupu evere’enave, i Una rurupu noro amua evere’eane‐iai.

Galatia 4:4

A pani miki aneaka’ane Una Mere Eloi okaivirinave, a’e kiniakei’inave, Vupu kamaialiai U kiniakei’inave,

Pilipi 2:6

U ane U Eloi ipi’ipiakei’?-?inave, U a‐laikoranavea Una ipi’ipia Eloi kiripai U kane a’akiai limakina.

Heberu 12:2

Iesu inamu‐ekiawkama?-?kina, ene pirimaroakoa anu Orava Amua, U ane kavani U akuakana. Uku kopai eiai Una paku ai kei’inave iri keoa U lai kekepa rokoaka‐mi’inave, iri keoa anu makiri U lari‐awkanave, neko mere ai U pa’anave, iou ai U eai pa’ana, Eloi inu amua‐pakara eve miki mekai.

Heberu 13:3

Oro ane oro arekapu piriakeina noro eivirine, orau noro awku arekapu piriakeia’ane; oro awku oro mani‐kukunu rokoaka‐mimakina noro laikora‐ekine, uku noro awku kape ai rokona.

Heberu 4:15

Uku ene Omoro Amua ene eapa U aua‐miai li’ina, uku U ailiakei’inave orau enei ailiaiakeina, a U namea a‐li’inavea.