Matyu 9:2 - Iatmul: God Waa Nyaangɨt

² Man taamba kɨvɨ watna nyan njambɨmba ndaa lɨndɨ maa nat nɨmba ndɨ kat walalaa kiyandi. Jisas ndɨ kat kwunakiyandɨ waa maawupmba yelavɨtnja vak kat vɨlaa Jisas wandɨ. Wuna nyan mɨn nɨma maawut ke yelavɨka. Kavle vat yiga yetɨma vak tamba sɨlɨmbwigowun waa wandɨ Jisas.

Matyu 9:2 Iomraidhean Croise

Matyu 14:27

Jisas ndi kat wandɨ. Ngwula maawut ke nɨmamba yelavɨka vakngwa. Wun Jisas wun yaa ngwuk kat vɨvat waa wandɨ.

Matyu 4:24

Yilɨnda vak kat vɨlaa wan kavana nɨmba kat mbuki mbukimba mbutɨndi. Ngi kat tɨga Siria walɨnja nɨma kɨpmamba la nɨmba aywaa wan nyaangɨt wutndi. Wutaa ndina mbangɨ mandɨp mandɨp yelogwen vɨta nɨmba kat kwutaa Jisas ta kavat kalindi. Kavle waagan tavila la nɨmbagwi kwutaa kalindi. Ava plaga kɨpmamba nda la nɨmbagwi kwutaa kalindi. Man taamba kɨvɨ wata la nɨmbagwi kwutaa kalindi. Jisas ndi kat vɨlaa aywaa kwunatndɨ.

Matyu 6:12

Nɨn nat nɨmba nɨn kat kavle vat yinja vak kat vɨlaa kwagalaɨganɨn. Mɨno yina kavle vak kat vɨlaa kwagala mɨla.

Matyu 8:10

Jisas wutaa ngɨpaliga ndalaa wandɨ. Ndɨna maawupmba yelavɨka lɨnda vak vla ana Isrelmba lɨga nɨmbana maawut yelavɨka lɨgandi. Ndi kat aywaa kwulatndɨ. Ndɨna maawut apma vat tɨgandɨ. Yelogwen kat kwa nɨmba kat kwunatuwa vak ndɨ vɨga lɨgandɨ.

Matyu 8:16

Nglaambu kavle waagan tavila la nɨmba kat kwutaa Jisas ta kavat kiyandi, ngwuk kavle waagan ndi kat kwagalalaa ay ngwula waga ndi kat kwunatndɨ. Yelogwen kat ta nɨma sakwat ndu taagwa yandi, vɨlaa ndino ndi kat kwunatndɨ.

Matyu 9:22

Sɨnyɨtɨ maa Jisas lɨmbalaguga vɨlaa wandɨ. Taagwa nyan nɨmamba ke yelavɨka. Jisas wun kat kwunakiyowun waa yelavɨtɨnya vak vɨlaa nyɨna kavle vak kat tamba kwunakowun. Nyɨn kwo apma vat tɨgiyanyɨn waa walaa

Matyu 9:5

Kavle vat yiga yetɨma vak kat sɨlɨmbwigiyowun waweyan njambɨ kwagalalaa laataa yetɨ waweyan kɨmbɨt vɨlɨlɨk nyaangɨt kɨta vatna.

Matyu 9:6

Wun Godna vak ndinyangu kat sɨmogwi lɨga nyan wun. Kavle vat yetɨnja vak kat sɨlɨmbwiweya kwondu ngilɨga wunamba. Wuna kwondu ngwuk kat sɨmogwivat wowun. Ndi kat ndɨna kwondu sɨmogwivat man taamba kɨvɨ watna nyan kat vɨlaa wandɨ. Mɨn laataa mɨna njambɨ walalaa ngay ay wandɨ.

Mak pɨlɨwutna 1:32

Nandinya ngɨlɨndɨ nya yiga ndaindɨ maa yelogwenga ta nɨmbagwi waagan tavila la nɨmba kat ndɨ kat kiyandi.

Mak pɨlɨwutna 10:49

Walelɨndɨ mala Jisas wuka yiga tolalɨga wandɨ. Ndɨ kat yagwa awa wandɨ. Wandɨ, mɨni kiyaa nyan kat ndɨ kat ke yelavɨka mɨn kat yagwa walɨgandɨ waa wandi. Laataa yagwa wandi.

Mak pɨlɨwutna 5:34

Jisas lɨ kat wandɨ. Tagwa nyan nyɨna mbangɨ wiyo waavi laaganda vapmba nyɨna yelogwen ngɨlɨndɨ waa wandɨ. Apma vat ay. kwo lɨgiyanyɨn waa wandɨ.

Mak pɨlɨwutna 6:50

Vɨlaa vaaka yindi. Ke vaaka wun Jisas wun waa wandɨ.

Jon pɨlɨwutna 16:33

Apma vat yelavɨka lɨmbangwuk waa wan nyaangɨt ngwuk kat mbutɨwun. Kɨpmamba lɨga nɨmba ngwuk kat nɨma vat yigiyandi. Ngwuk wata yelavɨka lɨngweya. Ndi kat tamba kwulakwun waa wandɨ Jisas. Walaa God kat wandɨ.

Jon pɨlɨwutna 2:25

Ndinyanguna maawupmba la vak kat nat nyan kat ana wagalalɨndɨ. Ndɨ ndinyanguna maawupmba la vak kat aywaa vɨga lɨndɨ.

Jon pɨlɨwutna 21:5

Jisas ndi kat wandɨ. Nyangu kami kwukngwuk? Waa wandɨ maa wandi. Kami kat kwatevilaa lɨganɨn waa wandi.

Aposel 14:9

Wan nyan Pol mbuta nyaangɨt wutɨndɨ. Pol waa nyaangɨt wutaa ndɨna mbangɨ wiyo waavi taagandangat Pol vɨndɨ. God wan nyan kat alɨpsɨga kwunakiyandɨ waa Pol vɨndɨ. Wungi kat tɨga ndɨ kat vɨlaa nɨma kwundimba wandɨ. Laataa man vei wandɨ. Pol wandɨ mala kwiyatapman laatsaa man veiga yi yalɨndi.

Aposel 23:11

Ngan njambwi nyan Jisas Polna ngaymba laataa lɨga ndɨ kat wandɨ. Ke vapma. Wun kat Jerusalemba lɨga nɨmba kat mbupmɨn. Wun kat Romba lɨga nɨmba kat mbukiyamɨn waa wandɨ.

Pol pɨlɨwutna pas 5:11

Wan nyaangɨt ana ngɨlɨndɨ kwo lɨgandɨ. Nɨna njambwi nyan Jisas Kraist ngaga yalaa kwutnda njɨvwamba God nɨn kat kɨmbɨk kwutndɨ. kwutndangat nɨna maawut woviyaguga lɨganɨn.

Jems 2:18

Nat nyan laataa wandɨ. Mɨn walɨgamɨn. God kat maawupmba mɨna yelavɨka lɨgowun waa walɨgamɨn. Maawupmba yelavɨtɨma vak wuna mɨnimba ana vɨga lɨgowun. Anda vapmba vɨgiyowu. Wun apma njɨvwa kwutɨgowun. Kwutuwa apma njɨvwa vɨlaa God kat maawupmba yelavɨka tuwa vak vɨgiyamɨn vak nɨma vak ana ndɨ. God kɨta lɨgandɨ waa maawupmba yelavɨka tɨngwa vat apma vatna. Setena mbaapmamba nɨmba ndino wupma maawupmba yelavɨka tɨgandi. Yelavɨka lɨga God kat vaaka lɨga ndina ava pla lɨgandɨ.