Matyu 11:3 - Iatmul: God Waa Nyaangɨt

³ Wandɨ maa yiga Jisas kat wagalandi. Nɨn kat ambuk. Tat Jon njɨvɨa kwuka lɨga wandɨ. Kɨta nyan wuna kwupmba yaigandɨ wandɨ. Mɨn kat wandɨ? E? Kanda kat wandɨ waa wagalandi.

Matyu 11:3 Iomraidhean Croise

Matyu 11:10

Tamba God waa nyaangɨt pɨlwuta nɨmba ndi Jon kat pɨlɨwutndi. God wandɨ. Kan nyan wuna nyaangɨt mbutɨga nyana. Ndɨ tatak yiga mbukiyandɨ. Ngɨni yimeya yambɨ kwukiyandɨ waa God wandɨ ndɨna nyan kat waa tamba la nɨmba pɨlɨwutndi.

Matyu 11:4

Jisas ndi kat kat wandɨ. Kwutuwa njɨvwa vɨga wukngwa vak lungwamataa yiga Jon kat ambuk.

Matyu 21:5

Tamba la profet kupma pɨlɨwutndɨ. Jerusalemba lɨga nɨmba kat yiga ambuk ngwula. Ngwula king kɨngi tamba yalɨga. Ndɨna sɨ avla ana kwutaa katsogiyandɨ. Nyan donkina mbunimba ndaa lɨga yalɨgandɨ waa yiga ambuk ngwula waa tamba la profet pɨlɨwutndɨ.

Matyu 21:9

Ndɨna kwupmba la nɨmba, ndɨna mɨndama sambɨmba la nɨmba, nɨma kwundimba kiselaa walɨndi. Devitna yelangɨ nyan nɨn kat vɨvat yandan apma vat yandɨ. God wandɨ maa yandɨ. Wan apma vatna yanda. God nɨn kat apma vat kwiga kwunatɨgandɨ waa kɨselaa walɨndi.

Mak pɨlɨwutna 11:9

Tata yilɨga nɨmbagwi kwupmba yilɨga nɨmbo kɨselaga wandi. Wovun nglei yamɨn. God yaiya vatna wugɨn yaa nyan mɨn kat nɨma tɨmangat wanɨn waa kɨselandi.

Luk pɨlɨwutna 19:38

Kupma walɨndi. God wandɨ maa Jisas nɨna kingat tɨvat yandɨ. Apma vatna. Nyɨnangwupmba lɨga njambwi nyan nɨn kat apma vat yindɨ. Ndɨna sɨ kwutaa katsolɨganɨn waa walɨndi.

Jon pɨlɨwutna 11:27

Wagalandɨ maa Mata ndɨ kat walɨ. Njambwi nyan. Mɨn Kraist mɨn. Mɨn kat vɨga lɨgowun. Mɨn Godna nyan mɨn. Mɨn God kwiya nyan mɨn. Kawiga lɨna nyan mɨn. Tamba vɨga lɨgowun waa walɨ.

Jon pɨlɨwutna 12:13

tɨpma ngla kalɨka kwutaa ndɨ kat vɨvat yandi. Ndɨ kat vɨlaa wandi. Wovun yamɨn. Mɨn nɨn Isrel walɨna nɨmbana king mɨn. God wandɨ maa yamɨn. Mɨn apma njambwi nyan mɨn waa nɨma kwundimba walega walɨndi.

Jon pɨlɨwutna 16:14

Wuna sɨ kwutaa katsogiyandɨ. Wunamba wutnda nyaangɨt yiga ngɨni ngwutnamba mbutndɨ maa wutaa yelavɨka lɨgiyangwuk.

Jon pɨlɨwutna 4:21

Walɨ maa Jisas lɨ kat wandɨ. Nyɨn taagwa awut nyɨla. Wanya nda nɨma nda angwa nda ana ndɨ. Ngɨni kava kava God kat kwunatnjeya kava kai. Wan wanya nduwimba ana kwunakiyangwuk. Jerusalemba ana kwunakiyandi. Kava kavamba lɨga God kat maawupmba yelavɨka lɨgiyanguwk.

Jon pɨlɨwutna 6:14

Nao kɨlaa kwo lɨga Jisas kwukna njɨvwa kat va nɨmba yelavɨka ngambundi. God nɨn kat kwiya profet, kawiga lɨna nyan kɨngiyan waa yelavɨka ngambulɨndi.

Jon pɨlɨwutna 7:31

Nat nɨmba ndɨ kat vɨlaa ndɨ Kraistna. Ndɨ God wandɨ maa yaa nyana waa yelavɨtaa wandi. Ngɨni nat nyan yalaa kwutɨnda nɨma njɨvwa kat ana kwulakiyandɨ. Ngi kat tɨga wan nyan God kwiya nyana waa wandi.

Hibru 10:37

Tamba God wandɨ maa pɨlɨwutndi. Nɨn kat kwunatndeya njɨmbla sɨvla ana ndɨ. Nɨna njambwi nyan ya mɨna lɨgandɨ. Ana sɨvla kawiga lɨgiyandɨ.