Jems 3:17 - Iatmul: God Waa Nyaangɨt

¹⁷ God kwiya maawut wupma ana lɨgandɨ. God kwiya maawupmba yelavɨka lɨga nɨmba kupma yilɨgandi. Apma vat mɨna yilɨgandi. Kao yilɨnja vak kat kai walɨgandi. Nat nɨmba kat yigumba apma vak yilɨgandi. Nat nɨmbana nyaangɨt wuka lɨgandi. Nat nɨmba kat miwa yiga lɨgandi. Apma njɨvwa kwut tɨgandi. Tagula maawutno tɨgandi. Mandɨp mandɨp ana yilɨgandi.

Jems 3:17 Iomraidhean Croise

Matyu 23:28

Ngwutno wupma lɨgangwuk. Nat nɨmba ngwuk kat vɨlaa ndi apma vat yetɨga nɨmba ndi walɨgandi. Ngwula maawut wupma ana lɨgandɨ. Kavle vat woseka walɨnja vak ngwula maawupmba tɨgandɨ.

Matyu 5:8

Apma tagula maawutno lɨgiya nɨmba apma vatna. Ngɨni God kat vɨgiyandi.

Matyu 5:9

Waleavak kat ndinyangu sɨvak kat kai waga wupma ke yingwa waa walɨga nɨmba ndi. God ndi kat waigandɨ. Ngwuk wuna nyangu ngwuk waa waigandɨ.

Luk pɨlɨwutna 21:15

Awat wangweya nyaangɨt wuna lak kwigiyowun. Ngwuk kat mbukweya nyaangɨt waigangwuk. Wangwuk, wutaa ngwuk kat kai walɨga nɨmba ana ngwuk kat kwulakiyandi.

Luk pɨlɨwutna 6:36

Ngwutna nyaek ya vak vla ngwuk apma vak ay ngwula nat nɨmba kat.

Jon pɨlɨwutna 1:14

Ta nyan Godna vak sɨmogwi lɨga nyan ndinyanguna mbangɨ ɨlalaa nɨnogwinala yetɨndɨ. Apma vat yetɨlɨnda vat nɨn vɨlɨnɨn. Vɨlaa walɨnɨn. God wandɨ maa ndɨ njɨvwa klalaa yandɨ. Ndɨ Godna nyana waa walɨnɨn. Ndɨ apma vat mɨna yiga yetɨga nyana.

Jon pɨlɨwutna 1:47

Nataniel yalɨndɨ mala Jisas ndɨ kat vɨlaa nat nɨmba kat walɨndɨ. Kan yalɨga nyan kat avɨ ngwula. Ndɨ apma maawutno la Juda ndɨ. Kɨta vat ndɨ ana pagwulɨgandɨ waa wandɨ Jisas.

Aposel 11:24

Banabas apma nyana. Godna waagan ndɨ kat nɨmamba tavɨlɨndɨ. God waa nyaangɨt nɨmamba kwutaa lɨndɨ. Ndɨnai waa nyaangɨt wutaa nɨma sakwat nɨmba njambwi nyana mbaapma wuleindi.

Aposel 9:36

Jopa walɨnja ngepmamba Jisasna yelangɨmba lɨga taagwa kɨta lɨlɨ. Lɨla sɨ Tabita. Grikna kwundimba lɨ kat Dokas walɨndi. Lɨ apma njɨvwa nɨma sakwat kwutɨlɨ. Sanya lapman nɨmba kat lɨla sanya klalaa kwilɨlɨ.

Pol pɨlɨwutna pas 12:18

Nat nɨmba kat ke yiga waleaga. Yigumba ngwaama nyan vla lɨvat wawun waa awa.

Pol pɨlɨwutna pas 12:9

Nat nɨmba kat woseka waa ke woviyaguga lɨga. Woseka walapman nɨmamba woviyaguga alɨ. Kavle vak kat kai awa. Apma vat mɨna kwutaa alɨ.

Pol pɨlɨwutna pas 15:14

Yakwa nɨmba ngwuk apma nɨmba ngwuk. Savagu maawut tɨga nɨmba ngwuk. Ngambuwa nyaangɨt tak tamba wuka lɨngwuk. Wuka lɨga awat sowat sɨmogwingwuk.

1 Korin 12:8

Apma maawutno lɨga nat nɨmba kat mbutdeya vat Godna waagan nat nyan kat kwilɨgandɨ. Godna vat nat nɨmba kat sɨmogwindeya vak kat Godna waagan nat nyan kat kwilɨgandɨ.

2 Korin 10:1

Wan maawupmba yelavɨtɨngwas kavle vat kwagala ngwula waa wagalalɨgowun. Nɨna njambwi nyan Kraist ndɨna mbaapmamba la nɨmba kat ana nɨma vat yilindɨ. Ndi kat yilɨnda vak vla ngwuk kat ngi vat wowun. Ngi kat tɨga wan kavle vak kwagala ngwula waa wagalalɨgowun. Tak ngwutnaila kavamba lɨga ngwuk kat nɨma vat ana yilɨwun. Mbambala sɨvla kavamba lɨga wan pɨlɨwukwa pasmba nɨma vat yigiyowun ngwuk kat.

2 Korin 6:6

Apma maawut mɨna yelavɨka Godna njɨvwa kwutɨganɨn. God waa nyaangɨt wuka vɨga lɨganɨn. Nɨna maawut tagula maawutno lɨganɨn. Nat nɨmba kat nɨma vat yelavɨka ndi kat kwunatɨganɨn. Godna waagan waiga vapmba wan njɨvwa kwutɨganɨn.

2 Korin 7:11

Ngwutno wungivat. God ngwuk kat nɨma vak kwindɨ maa ngwuk nɨma maawut yelavɨka lɨga kavle vak kwagalalaa apma vat yetɨngwuk. Wan kavle vat kwiyatapman kwagalangwuk. Nɨn kavle vat yilɨnɨn waa walɨngwuk. Wan kavle vak kat kai wangwuk. God kavle vak yilɨna vak kat sɨlandɨ waa vaka lɨngwuk. Nɨma njɨvwa kwuka wan vak yaagingwuk. Kavle vat yila nɨmba ndi kat kai wangwuk. Wan kavle vat yingwa vat aywaa kwunakngwuk, ngɨlɨndɨ.

2 Korin 9:10

God ndinyangu kat kɨgɨnda nat kandi nda kwilɨgandɨ. Ngwut nat nɨmba kat kwunapmak kwingweya vat God wandɨ maa wan vat nɨma yigiyandɨ. Ngi kat tɨga nɨma sakwat nɨmba kwunakiyangwuk.

Efesas 5:9

Kemba kavamba tɨga vla apma vat yetɨga nɨmba ndi kavle vat kwagalalaa apma vat mɨna yetɨga woseka ana walɨgandi.

Filipai 1:11

Jisas Kraist ngwuk kat kwiya apma vapba yetɨgiyangwuk. Wan apma vak nat nyanamba ana klaigangwuk. Nat nɨmba yetɨlingwa vak vɨlagalaga Godna sɨ kwutaa katsoga apma nyan mɨn waa waigandi.

Filipai 4:8

Kwukngweya vatna ngɨnina nyaangɨt kɨngiyan ndɨ. Apma vat, savaguwanda vat, woseka walapman yinda vat, tagulo maawutno lɨga vat, nat apma vat aywaa, kan vak kat mɨna maawupmba yelavɨka yetɨngwula.

Kolosi 1:10

Wan apma vat klalaa njambwi nyan waa nyaangɨpmba yetɨgiyangwuk. Kwutɨngweya njɨvwa kat vɨlaa njambwi nyan woviyaguga lɨgiyandɨ. Aywaa kwovak apma njɨvwa kwuka yetɨgiyangwuk. Ngwutna maawut Godnat savaguyelavɨka lɨnda vat nɨman yigiyandɨ.

1 Tesalonaika 2:7

Tamba ngwutnonala lɨnan apma lagwa mat nyangukat vɨga kwunaka lɨlat takwa vla ngwuk kat yigumba vɨga lɨnɨn.

1 Timoti 5:21

Wan nyaangɨt nɨn kat wawa nyaangɨtna mɨn yiga ndi kat aywa mbukiyamɨn. Sɨmblan ke mbuka. Ndi kat aywaa kɨta vat tɨndi, ambuk. Yiliya vat God, Kraist Jisas, Godna apma ensel mɨn kat aywaa wan yiliya vat vɨlɨgandi. Wungi kat tɨga wawa nyaangɨtmba ambup mɨla.

2 Timoti 2:24

Njambwi nyana njɨvwa kwutɨga nyan waliaga viyavak kat mɨn mɨna maawupmba ana yelavɨka lɨgiyamɨn. Mɨn kwo yetɨgiyamɨn. Mɨn apma vat mɨna nɨma sakwat nɨmba kat kwunaka yetɨ. Ndi kat wan apma nyaangɨt vɨsɨmogwiga yetɨlɨgiyamɨn. Wan kavle vat yetɨnjeya vak kat mɨna maawupmba wana ndi kat kɨmbut ygia yelavɨtɨmeya.

Taitas 1:15

Kɨta nyan ndɨna maawupmba Godna apma vak kat yelavɨka lɨndeyan wan kɨpmana nda ndɨna maawuk kat nglambi ana kwukiyandɨ. Ndɨna maawupmba Godna apma vak kat yelavɨtapman tɨga kɨpmana nda kat mɨna yelavɨka lɨndeyan wan kɨpmana nda ndɨna maawuk kat nglambi kwukiyandɨ. Kɨpmana nda ndɨna maawuk kat gwandɨndɨ maa ndɨna maawut kavle sɨka lɨgandɨ. Tɨndangat tɨga ndɨna maawut nglambio lɨgandɨ.

Taitas 3:2

Nat nɨmba kat ndi kat kavle nyaangɨt ke ngambungweya waga ndi kat awamba mɨn. Kwundimba ke nɨmamba walea kwundimba walinja waga awamba mɨn ndi kat. Apma maawut sɨka nat nɨmba kat aywaa kwunapmba ngwuk waga ndi kat awamba.

Hibru 12:11

Nɨn kat kwunapmak viyalɨnja njɨmbla ana solat sɨlɨnɨn. Nɨna mbangɨ kɨlɨpangɨ yindɨ, nɨn kwo lɨlɨlnɨn. Nyaek viyala vak kat yelavɨtaa ngɨni apma vapmba yetɨgiyanɨn. Tagula maawutno lɨgiyanɨn.

Hibru 12:14

Nat nɨmba kat apma vat yiga yetɨ ngwula. Ndi kat ke waleaga. Wan apma vapmba yetɨlapman yigiyaa nɨmba njambwi nyan kat ana vɨgiyandi.

Jems 1:17

Nɨna nyinangwupmba lɨga nyaek nɨn kat apma vak mɨna yilɨgandɨ. Kavle vak kai. Ndɨ njɨmbla njɨmbla tɨlɨga ya vɨtɨga lam vla lɨgandɨ. Nyinangwupmba lɨlɨga singwut kuntndan ndi kat kwulataa angwa ya vla vɨtɨgandɨ. Ndɨ mandɨp nɨn kat ana vilɨgandɨ. Apma vat mɨna vilɨgandɨ.

Jems 1:5

Ngwula nat nyan apma maawut yelavɨk tapman tɨndeyan God kat wagala kiyadɨ. Wagalandɨ maa God ndɨ kat apma maawut kwigiyandi. God ndinyangu kat nɨma sakwat apma nda kwilɨgandɨ. Wun kat manda kat wagalamɨn waa ana waigandɨ God. Kwo kwigiyandɨ. Tamba wagala lɨndɨ, wuka lɨgandɨ.

Jems 2:4

Mbɨk kat wupma wangweyan kavle vatna. Mbɨla mbangɨ mɨna vɨlaa nat nyan apma nyana nat nyan kavle nyana waa yelavɨka wana tɨngweyan.

Jems 3:15

Kan kavle maawut God kwiyan ana ndɨ. Kan kɨpmana maawutna. Kan kavle maawut Godna vak kat ana yelavɨkandɨ. Setena vak kat mɨna yelavɨka tɨgandɨ.

Jems 4:8

Godna gwaymba yaa ndɨna nyaangɨt wuka tɨngweyan ngwuk kat ngwaymba yaa kwunak kiyandɨ. Kwutɨngwa kavle njɨvwa kwagala ngwula. Yelavɨtɨngwa kavle maawut kwagala ngwula. Maawut vɨlɨlɨk yelavɨtɨngwa vak kwagala ngwula.

1 Pita 1:22

Wan apma nyaangɨt wuka lɨga apma maawut klalaa apma vapmba yelavɨka yetɨlɨgangwuk. Yetɨga lɨga ngwula kɨta mbaapma nɨmba kat nɨma maawut ndi kat yelavɨka yetɨ ngwula. Ndi kat nɨma maawut yelavɨka tɨganɨn waa woseka ke wangwa. Ndi kat yelavɨka yetɨ ngwula.

1 Pita 2:1

Ngwuk kavle vak kwagala ngwula. Woseka ke wangwa. Mandɨp mandɨp nyaangɨt ngambunja vak ke kwukngwa. Nɨma sakwat kwanda kwanda lɨga nyan kat kai wanja vak ngwuk ke kwukngwa. Njɨka walɨnja vak ngwuk ke kwukngwa.

1 Pita 2:18

Ngwuk njɨvwa kwutɨga nɨmba ngwula njambwi nyan ngwuk kat vɨga lɨga nyana kwundi awuk ngwula. Ndɨ kat kai waa ke wangwa. Apma vat tɨga nyana kwundi kavle vat tɨga nyana kwundio ndɨno awuk ngwula.

1 Jon 3:18

Mat nyangu, nat nɨmba kat kwunapmak kat kwundimba kwo mbak walanɨn. Ndi kat kwunak kiyanɨn.

1 Jon 3:3

Wan yaiga vak kat maawumba yelavɨka yetɨneyan apma maawut yelavɨka lɨgiyanɨn. Kraist yelavɨka lɨga vla yelavɨka lɨganɨn.