Jems 2:12 - Iatmul: God Waa Nyaangɨt

^12-13 Ngwuk yelavɨk ngwula. Ngɨni yaiga nandinya God nɨn kat vɨlaa sɨga naguga tɨgiyandɨ. Yilɨna vak kat vɨlaa lɨga God yelavɨk kiyandɨ. Nat nɨmba kat miwa yiga lɨga nɨmba ndi kat miwa yiga lɨga ana ndi kat sɨgiyowun waa yelavɨk kiyandɨ God. Ngi kat tɨga nat nɨmba kat miwa ay ngwula. Wupma yilɨngwa vak yilɨngweyan God ngwula kavle vak vɨlaa lɨga ngwuk kat aa sɨgiyandɨ.

Jems 2:12 Iomraidhean Croise

Luk pɨlɨwutna 4:18

Godna waagan wun kat tavilaa mbutndɨ. Kavle vat tɨga nɨmba ndi kat apma nyaangɨt ambuk mɨla waa mbutndɨ. Ngindi, kalabusmba lɨ vla lɨga nɨmba ndi kat yiga njalap mɨla waa mbutndɨ. Vat ta nɨmba kat ndi kat kwunap mɨla waa mbutndɨ. Mbambala God nɨn kat kwunakiyandɨ waa ambup mɨla waa Godna waagan wun kat mbutndɨ waa tamba la profet pɨlɨwutndɨ waa Jisas viga kwudimba walaa

Jon pɨlɨwutna 8:32

Wun kat kwagalalapman yingweyan wunai waa nyaangɨt wuka kwutaa lɨngweyan mbambala ngwuk kat ngila la vɨga la kavle vat ngɨlɨgiyandɨ waa wandɨ Jisas.

Galesia 6:2

Awat sowat yelavɨka kwunak ngwula. Awat sowat kwunakngweyan Kraist waa nyaangɨtmba yetɨga nɨmba vla lɨgiyangwuk.

Filipai 4:8

Kwukngweya vatna ngɨnina nyaangɨt kɨngiyan ndɨ. Apma vat, savaguwanda vat, woseka walapman yinda vat, tagulo maawutno lɨga vat, nat apma vat aywaa, kan vak kat mɨna maawupmba yelavɨka yetɨngwula.

Kolosi 3:17

Kwutɨngwa njɨvwa aywaa njambwi nyan Jisasna sɨmba agwuk ngwula. Walɨngwa nyaangɨt aywaa ndɨna sɨmba waga awa ngwula. Jisasna sɨmba waga nɨna nyaek God kat sɨvu agɨ ngwula.

Jems 1:25

Kɨta nyan Godna nyaangɨt wutaa God wanda njɨvwa kwuka lɨndeyan God ndɨ kat apma vat yigiyandɨ. God waa nyaangɨt apma nyaangɨtna. Nɨma sakwat njambiya tɨga nyaangɨt ana ndɨ. Kɨta nyan wutaa kwutaa lɨndeya ndɨ kat ngilaa la kavle vat njalatndɨ maa kwo lɨgiyandɨ.

Jems 2:8

God waa angwa nyaangɨt lavu nyingamba tamba pɨlɨwutndi. Avla ngwula kwunatɨngwa vak nat nɨmba kat wupma kwunak kiyangwuk waa tamba pɨlɨwutndi. Wan nyaangɨt wutaa lɨga yetɨ ngwula. Wutaa yetɨngweyan apma vat yetɨgiyangwuk.