Efesas 4:6 - Iatmul: God Waa Nyaangɨt

⁶ God ndɨ kɨta tɨgandɨ. Ndinyangu aywaa ndina nyaekna. Ndinyangu aywaa ndina njambwi nyana. Nɨno aywaa ndɨna kwundi wuka yetɨlɨganɨn. Nɨno aywaa nɨna maawupmba yetɨlɨgandɨ God.

Efesas 4:6 Iomraidhean Croise

Matyu 6:13

Kavle vat nɨn kat yaa kwutandɨ. Wamɨn maa ana nɨn kat yaa kwukiyandɨ. Seten nɨn kat kwutaa lɨlɨndɨ. Wamɨn maa ndɨ ana nɨn kat kwutaa lɨgiyandɨ waa God kat wagala ngwula.

Matyu 6:9

God kat ngambuga wagalangweya njɨmbla kupma ngambungwula waa wandɨ Jisas. Nɨna nyaek nyinangwupmba lɨgamɨn. Mɨna sɨ waga kwutaa katsonjeyan apma vatna. Mɨn nɨma nyan mɨn.

Jon pɨlɨwutna 14:23

Jisas ndɨ kat wandɨ. Kɨta nyan wun kat woviyaguga lɨndeyan wunai waa nyaangɨpmba yetɨgiyandɨ. Wan nyan kat wuna nyaek woviyaguga lɨgiyandɨ. Wunagwio wuna nyaekno yalaa ndɨna maawupmba tɨgiyali. Kwo lɨga nɨmba ana vɨgiyandi.

Jon pɨlɨwutna 17:26

Mɨna vat ndi kat tamba vɨsɨmogwiwun. Vɨsɨmogwiluwa vat ana ngɨlɨndɨ. Nat njambɨ vɨsɨmogwigiyowun. Wun kat woviyaguga lɨma vla ndino ndi kat woviyaguga lɨma vak vɨmbandi walaa mɨn kat wagalalɨgowun. Wun ndina maawupmba tɨmbawun walaa mɨn kat wagalalɨgowun waa wagalandɨ Jisas.

Jon pɨlɨwutna 20:17

Walɨ maa Jisas lɨ kat wandɨ. Wun kat ke kwuka. Wuna nyaek kat vɨvak wata ana wokewun. Wuna mbaapmamba lɨga nɨmba kat yiga ambuk. Wun nyaek vɨvak wokevat tɨgowun. Ndɨ ngwutna nyaek nɨmbun. Wuna njambwi nyan kat vɨvak wokevat tɨgowun. Ndɨ ngwutna njambwi nyan nɨmbun waa ndi kat abuk nyɨla waa wandɨ Jisas.

Pol pɨlɨwutna pas 11:36

God ksɨpmana nda aywaa kwutndɨ. God wandeyan laataa kwo lɨgiyandi. God wandeyan kiyaigandi. Wan nda aywaa ndɨna nda. Ndɨ nɨma nyana. Ndɨni sɨ katsoga kwunapmak tɨganɨn. Apma vatna.

1 Korin 12:6

Nat nɨmba kat kwunapmak mandɨt mandɨt njɨvwa kwutɨganɨn. Kwutɨna njɨvwa kat ava kwiya nyan kɨta lɨgandɨ. God.

1 Korin 8:6

Wundi nɨmba kat nɨn ana yelavɨka lɨganɨn. Nɨn nɨna nɨma nyan kɨta lɨgandɨ. God. Ndɨ nɨna nyaekna. Ndɨ aywaa kwanda kwanda kwuka ndinyangu nɨn kat kwutndɨ. Ndɨ kat mɨna yelavɨka yetɨlɨganɨn. Nɨna njambwi nyan kɨta. Jisas Kraist. God wandɨ maa kwanda kwanda aywaa kwutndɨ. Nɨn kat kwunatndɨ, nɨn kwo lɨganɨn.

2 Korin 6:16

Godna nɨmba mimba kwutnja waagan kaik kat ana kwunakiyandi. Ana nglaatndɨ. Nɨn Godna mbaapmamba lɨga nɨmba God vla lɨganɨn. Nɨna maawupmba yetɨlɨgandɨ. Tak God wandɨ maa wanda nyaangɨt pɨlɨwutndi. Ndi wuna ngay vla lɨgiyandi. Ndina maawupmba yetɨgiyowun. Wun ndina njambwi nyanat tɨgiyowun. Ndi wuna nyanguat tɨgiyandi waa wandɨ God waa tamba pɨlɨwutndi.

Efesas 1:21

Ndaa lɨga njambwi nyan tɨga nat nɨmba kat yɨga lɨgandɨ. Nyinangwupmba lɨga njambwi lɨga nɨma nɨmba kat vɨga lɨgandɨ. Kan kɨpmamba lɨga njambwi nɨmba ndina nɨma nyana. Ngɨni tɨgiyaa njambwi nɨmba ndina nɨma nyanat tɨgiyandɨ.

Efesas 2:22

Ngwutno Kraistna mbaapmamba wuleilaa kan ngayna mbaw vla tɨgiyangwuk. Nat nɨma sakwat mbaw vla tɨga nɨmbonana tɨgiyangwuk. Kan ngay Godna waagan yetɨga ngaya.

Efesas 3:17

Kraist kat ngwula maawupmba yelavɨkngwangat wowun. Kraist ngwuk kat nɨma maawut yelavɨka tɨnda vak kat yelavɨkngweyan ngwut nɨma njingwut tɨga mi vla tɨgiyangwuk. Ana kavle yigiyangwuk.

Efesas 6:23

Nɨna nyaek God nɨna njambwi nyan Jisas Kraistno ngwuk kat apma maawut kwimbangat wowun. God kat yelavɨka lɨga nɨna mbaapma nɨmba kat nɨma maawut yelavɨka lɨngwa vat ngwuk kat kwimbangat wowun.

1 Jon 3:24

Wan nyaangɨtmba yetɨneyan Godnogwinala kɨta vat yetɨgiyanɨn. Wan nyaangɨtmba yetɨneyan nɨn kat kwinda waagan nɨna maawupmba lɨgiyandɨ. Godna waagan nɨna maawupmba lɨndeyan Godnogwinala kɨta vat yetɨna vak vɨlɨganɨn.