Efesas 4:18 - Iatmul: God Waa Nyaangɨt

¹⁸ Ndina maawut kulun wala tɨga nda vla tɨgandɨ. God kwiya apma maawut ana klalɨndi. Ndi klavak kat kai waa kavle savle yelavɨka tɨgandi.

Efesas 4:18 Iomraidhean Croise

Matyu 13:15

Wundi nɨmba yelavɨka lɨga maawut apma maawut ana ndɨ yelavɨka lɨnja. Ndina waan tɨvɨlaa lɨgandɨ. Ndina mɨni kwita lɨgandɨ. Mɨni vɨga waan wutnjeyan ndi vɨga wuka yelavɨkiyandɨ wan apma vak kat. Vɨga wuka maawupmba yelavɨtaa wun kat vɨvat yandi maa ndi kat kwunakiyowun waa wandɨ God waa tamba pɨlɨwutndɨ Aisaia.

Mak pɨlɨwutna 3:5

Jisas ndi kat tatna maawut sɨtnja vak kat ndi kat waleavat nɨma mɨni vɨndɨ. Kɨvɨ watna taamba la nyan kat taamba agwi wandɨ. kwindɨ maa kwunatndɨ.

Jon pɨlɨwutna 12:40

Ndɨ tamba pɨlɨwutndɨ. God wandɨ maa ndina mɨni ana vɨlɨndi. Ndina maawut ana yelavɨtɨndi. Ngi kat tɨga God ndi kat yilɨnda vat ndina mɨni ana vɨga lɨndi. Ndina maawut ana yelavɨka lɨndi. Ngi kat tɨga God ndi kat ana kwunakiyandɨ waa pɨlɨwutndɨ Aisaia.

Aposel 17:30

Tamba kɨpmamba la nɨmba God waa nyaangɨt ana wuka lɨndi. Wungi kat tɨga kavle vat yiga yetɨnja vak kat tɨga ndi kat ana sɨndɨ. Mbambala kapma vapmba lɨgandɨ. Kɨpmamba lɨga nɨmba kat aywaa wandɨ. Kavle vat yiga yetɨngwa vak kwagala waa God wandɨ.

Aposel 3:17

Yakwa nɨmba Jisas kat vatnyangwa njɨmblambla Jisas God waa nyan tɨnda vat ana vɨngwuk. Ngwula njambwi nɨmba ndino ana vɨga lɨndi. Vɨlɨgowun.

Pol pɨlɨwutna pas 1:28

God kat yelavɨpmak kat kai wanjangat God ndi kat wandɨ. Kavle maawut yetɨ waa wandɨ. Ndina kavle maawupmba kavle savle yetɨndi. Nat nyana nda klavat yelavɨka yetɨndi. Kao nambwiya ndi. Woseka waa namwiya ndi. Ndu vatnyalɨga nɨmba ndi. Yiga tagiga mbutɨndi. God kat kao yilɨndi. Nɨn inaka lɨganɨn waa yelavɨtndi. Kavle vat kwupmak kat mɨna yelavɨtndi. Nyaek nyɨme waa vak wutapman nɨmba ndi. Apma maawut yelavɨtapman ndi. Nat nɨmba kat kwunatapman nɨmba ndi. Miwa yilapman nɨmba ndi. Nyaangɨt veiga woseka waa yetɨlɨndi.

Pol pɨlɨwutna pas 11:25

Kɨta mbaapma nɨmba wupma ke yelavɨkngwa. Nɨn apma nɨmba. Juda kavle nɨmba ndi waa ke yelavɨkngwa. Ngwuk kat kɨta nyaangɨt mbukiyowun. Awuk ngwula. mbambala Isrel ndi God waa nyaangɨt ana wuka lɨgandi. Ngɨni Juda ana ndi nat nɨmba Godna yelangɨ wuleigiyaa nɨmba aywaa wuleindi maa Juda wuka lɨgiyandi.

Pol pɨlɨwutna pas 11:7

Wan nyaangɨt witaa amga, al uogouamɨm waa yelavɨkiyanɨn. Isrel aywaa God tɨga vak kat kwaka lɨndi. Aywaa ana klandi. Ndina nat nɨmba mɨna klandi. God waa nɨmba mɨna klandi. Nat nɨmba klavak kat ndina mbangɨ kɨlɨpangɨ yindɨ. Tamba kɨlɨpangɨ yinja vak kat pɨlɨwutndɨ. Wan kɨlɨpangɨ ya vat god ndi kat kwindɨ. Mɨni vɨga waan wutapman tɨnjangat kwindɨ. Kan njɨmbla wupma lɨgandi waa tamba pɨlɨwutndɨ.

1 Korin 1:21

God ndɨna maawupmba yelavɨtaa ndinyangu kat kavle maawut yelavɨpmbandi walaa kwutndɨ. Ndinyangu ndinai yelavɨka yetɨgiyaa vapmba God kat ana vɨgiyandi. Ndinyangu God kat nat vapmba vɨgiyandi. God ndina kavle maawuk kat kwunatndɨ ma nat nɨmba kat mbutɨna apma nyaangɨt wutaa ndina maawupmba yelavɨka kwutaa lɨnjeyan God ndi kat kwunakiyandɨ. Wan mbutɨna nyaangɨt nat nɨmba wutaa tungwengwan yiga wlanɨja nyaangɨtna waa walɨgandi.

1 Korin 2:8

Wan nbambala lɨga kɨpmana njambwi nɨmba wan nambuo lɨga nyaangɨt ana wuka lɨndi. Wuke yinjan apma njambwi nyan Kraist kat ana vatnyagendi. Ana diwai krosmba ndɨ kat kaalagendi.

2 Korin 3:14

Lona nyaangɨt wuka yigumba maawut ana sɨka lɨndi. mbambala ndɨno wupma. Kraist ndi kat maawut kwigendan wan lona nyaangɨt wuka ndɨna angwa vak kat yelavɨka lɨgendi.

2 Korin 4:4

Wan kɨpmana njambwi nyan Seten ndi kat kavle maawut kwindɨ maa ana yelavɨka lɨgandi. Wan kɨpmana njambwi nyan Kraist yeta vakvɨvak kat ndi kat kai wandɨ. Krasitna apma nyaangɨt mbutɨna nyaangɨt wupmak kat ndi kat kai wandɨ. Kraist God ta vak vla tɨgandɨ.

Galesia 4:8

Tamba ngwuk Godna mɨndama vɨga ndɨna sɨ ana wuka lɨngwuk. Kɨpmana vapmba yetɨngwuk.

Efesas 2:1

Tamba ngwuk Juda ana ngwuk aywaa God kat kai waa kavle savle yiga yetɨngwuk. Ngwuk kiya nɨmba vla yetɨngwuk.

Efesas 2:12

Tamba Kraistna nyaangɨt ana wuka tɨngwuk. Tamba Godna nɨmba vla ana tɨngwuk. Ngwuk nɨmɨngi vla tɨngwuk. God Juda kat kwinda vak ngwuk ana klalɨngwuk. Ndi kat mbuta nyaangɨt ana wuka lɨngwuk. Ngwuk Godna nyaangɨt wutapman tɨga kwo yetɨngwuk. God nɨn kat ngɨni apma vat yigiyandɨ waa ana yelavɨka yetɨngwuk.

Kolosi 1:21

Tamba God kat sɨvlamba lɨ la nɨmba ngwuk. Ngwuk kavle vak yiga yetɨlɨngwuk. Ngwuk kavle maawut yelavɨka lɨngwuk. Ngi kat tɨga ngwuk Godna nɨmɨngi vla lɨngwuk.

1 Tesalonaika 4:5

Kwo yetɨga nɨmba god kat vɨlapman nɨmba sɨmblan taagwa klalɨgandi. Nat nɨmba kat ana yelavɨtɨgandi. Ndina maawupmba mɨna yelavɨtaa klalɨgandi.

Hibru 5:2

Kɨta nyan Hetprisna njɨvwa kwupmat wandeyan nɨmamba miwa yilɨga nyanat tɨgiyandɨ. God waa nyaangɨt kat kwagalalaa kavle vat yiga yetɨlɨga nɨmba kat ndɨ miwa yigiyandɨ. Wuno nɨmamba miwa yigiyandɨ.

Hibru 9:7

Vɨlɨlɨk wan rum ana wuleilɨndi. Ndina njambwi nyan Hetpris mɨna naambi kɨta kɨta mɨna kapma wuleilɨndɨ. Yelogwen awmba salɨka kwuta wuleilɨndɨ. Kavle yilɨnda vak kat Godna nyingi maawut kwunapmat wan yelogwen samat salatndɨ. Kwunantaa ndinyangu kavle vat yilɨnja vak kat Godna nyingi maawut kwunapmat nat samat salatndɨ.

Jems 4:4

Ngwuk God kat kwagalalaa mandɨp mandɨp yelavɨka lɨgangwuk. Kɨpmana nda kat klavak yelavɨka lɨngwa vak kat God kai walɨgandɨ. Kɨpmana nda kat mɨna klavak yelavɨka tɨngweyan Godna maama nɨmba vla tɨgiyangwuk.

1 Pita 1:14

Godna kwundi wuka yigumba alɨ ngwula. Tamba Godna nyaangɨt wutapman yetɨngwa vapmba mbambala wupma ke yetɨngwa.

1 Jon 2:11

Kɨta nyan ndɨna kɨta mbaapma nyan kat kai walɨndeyan ndɨ kavle maawut yelavɨka yetɨlɨga nyana. Apma vat yindeya yambɨ kai. Mɨni kiya la yetɨlɨga nyan vla lɨgandɨ. Apma vat yiga yetɨndeya yambɨ kat ana vɨlɨgandɨ.