Efesas 2:16 - Iatmul: God Waa Nyaangɨt

¹⁶ Kraist ndi kat tɨga kiwai krosmba kiyandɨ maa mbapma vɨlɨlɨk nɨmba awat sowat kai walɨnja vak ngɨlɨndɨ. Ndi kat tɨga kiyalaa ndi kat kwutaa kɨta mbaapmamba taagalaa God waa nyaangɨt wutnjangat ndi kat kalɨndɨ.

Efesas 2:16 Iomraidhean Croise

Pol pɨlɨwutna pas 5:10

God kat kai walɨna njɨmbla God nɨn kat kɨmbɨk kwutndɨ. Kraistna kɨta lulu nɨmba tɨnangat God nɨn kat kwunakyandɨ njɨmbla njɨmbla. Wan nɨma njɨvwa ana lɨ.

Pol pɨlɨwutna pas 6:6

Nɨna tamba la maawut Jisasagwinana mimba kaalandi. kaalanjangat walaa tamba la maawutmba ana yetɨgiyansn. Kaalanjangat walaa tamba la maawut nɨn kat ana yetɨlɨgandɨ.

Pol pɨlɨwutna pas 8:3

Lo kavle vak kat ana inaka kwulakiyandɨ. Manda kat. Lo waa nyaangɨtmba ana inaka yetɨgiyanɨn. God kwulatndɨ nɨn kat vɨga la kavle vak kat. God ndɨna nyan kat kɨpma ndai wandɨ, maa ndinyanguna mbangɨ yalaa klandɨ. Kavle vak kat kwulapmat yandɨ. Nɨnagwuinana kɨta lulu tɨga kwulapmat yandɨ. God mand akt ndɨna nyan kwindɨ. nɨna nglambi aywaa kwutndɨ maa ndɨ kat sɨvat kwindɨ. Nɨn kat lo kwiya nglambi wumba ngɨlɨndɨ. Mbambala tamba la maawupmba ana yetɨlɨganɨn. Godna waagan waa vapmba yetɨlɨganɨn.

Pol pɨlɨwutna pas 8:7

Kɨpmana nda kat yelavɨka yetɨlɨga nyan God kat kai walɨga nyana. God waa lo wutapman yetɨlɨgandɨ. Ana inaka wuka yetɨgiyandɨ. Kapma nyana.

1 Korin 10:17

Nɨn kɨtamba yisolaa bret-nao kɨta lɨmbaga kɨtamba kɨlɨganɨn. Ngi kat tɨga nɨn aywaa ndɨna kɨta mbaapma nɨmba lɨganɨn.

Galesia 2:20

Kraist diwai krosmba kiya vla wuna tamba yelavɨka yetuwa kavle maawut kiyandɨ. Wunai yelavɨka yetɨga vapmba ana yetɨlɨgowun. Kraist waa nyaangɨtmba yetɨlɨgowun. Ndɨ wuna maawupmba lɨga yetɨweya vak kat wun kat mbutɨgandɨ. Godna nyan wun kat yinda vak kat yelavɨka yetɨlɨgowun. Wun kat nɨma maawut yelavɨka lɨndɨ. Wun kat tɨga kiyandɨ.

Efesas 2:15

Judana njambia tɨga nyaangɨk kat Kraist kai waakalɨtndɨ. Juda walɨnja nɨmbo nat nɨmbo ndi kat Kraist kwutaa ndɨna kɨta mbaapmamba taagandɨ. Taagandɨ maa awat sowat kai walɨnja vak ngɨlɨndɨ.

Efesas 3:6

Tak pogwula tɨnda nyaangɨt kɨngiyandɨ. Tamba God Juda kat mɨna apma vat yilɨndɨ. Mbambala ninyangu aywaa wan apma nyaangɨt wutaa Godna mbaapmamba wuleigiyandi. Tamba Juda klanja vla klaigandi Godnanamba. God wandɨ maa Kraist Jisas ndinyangu aywaa ndi kat kwunapmak ngaga yandɨ. Juda kat mɨna ana yandɨ. Wan nyaangɨt tak pogwula tɨndɨ.

Efesas 4:4

Godna mbaapma kɨta mbaapmat. Godna waagan kɨta mɨna tɨgandɨ. God nɨn kat yagwa walaa ngɨni nɨn kat kwunatndeya vak kat kawiga lɨganɨn. Kawiga tɨna vat kɨta vakna.

Kolosi 2:14

Tak Godna lo kalɨtaa savagu ana yetɨngwuk. Wan lo kalɨkngwa vak tamba sɨga naguga pɨlɨwutndi. Wan pɨlɨwutnja nyaangɨt God kwutaa sɨlɨmbwindɨ. Wan nyaangɨt diwai krosmba God kaalandɨ. Jisasnogwinala wan nyaangɨt kɨta kɨta tamba kiyandɨ.

Kolosi 3:15

Kraist ngwutna maawupmba taaganda apma vapmba yetɨ ngwula. Wan apma vapmba yetɨngwangat wuna mbaapmat aywaa yagwa ngwula waa wandɨ God. Tɨga lɨga ngwutna maawupmba tɨgandɨ. Wan apma nyaangɨt awat sowat yigumba mbuka vɨsɨmogwiga apma vat alɨ ngwula. Godna sɨ kwusoga God waa nyaangɨt tɨga mbangu kwundi waga alɨ ngwula. God kat sɨvu kɨga mbangu kwundi waga alɨ ngwula.