Biblia Todo Logo
Bìoball air-loidhne

- Sanasan -




Aposel 8:26 - Iatmul: God Waa Nyaangɨt

26 Wan njɨmbla Godna ensel kɨta Filip kat yalaa wandɨ. Kambangwat naangat ay mɨla. Nɨma ava yambɨ Jerusalemba laapta gesat yilaa lɨga avayambat ay mɨla. Wan kava kwo nɨndɨ kava waa wandɨ ensel.

Faic an caibideil Dèan lethbhreac




Aposel 8:26
18 Iomraidhean Croise  

Ndi wandi. Nɨna njambwi nyan wandɨ maa yanɨn. Ndɨ ndumi tambanat ta soldia kat vɨga lɨndɨ. God kat ndɨna maawupmba yelavɨka apma vat tɨlɨndɨ. Juda walɨnja nɨmba ndɨ kat walɨndi. Apma vat yetɨlɨgandɨ waa walɨndi. Godna ensel ndɨ kat wandɨ maa nɨn kat wandɨ, yanɨn. Mɨn kat vɨvat wan ngay yanɨn. Mɨnai waiga nyaangɨt wupmat yanɨn waa wandi.


Ensel walaa yɨndɨ maa Konilias ndɨna mbɨt nɨvwa kwutaa mbɨt nyan kat yagwa wandɨ. Soldia kɨta kat yagwa wandɨ, yandɨ. Wan soldia God kat ndɨna maawupmba yelavɨka lɨndɨ. Ndɨna njɨvwa Konilias kat vɨga lɨvak kat tɨndɨ.


Ndinai waa kavle nyaangɨk kat wutaa ana kai wandɨ. Wun God ana wun waa ana wandɨ. Wungi kat tɨga wan kavle nyaangɨt ngambundi maa Godna ensel Herot kat sɨndɨ. Sɨndɨ, Herotna yaat tɨgɨmbimba ngwaambɨ ngwaambɨ kɨlɨndi maa kiyandɨ.


Nak ngan Godna ensel yalaa wun kat wandɨ. God wuna nyaekna. Ndɨ kat yelavɨka lɨgowun. Ensel wandɨ wun kat. Pol ke vaaka. Romba lɨga njambwi nyan kat mbukiyamɨn. God ngwuk kat apma vat yindɨ. Mɨnogwinala lɨga nɨmba ana kiyagandi waa wandɨ ensel.


Kalambusmba taagandi mala Godna ensel yalaa kalabusna ndaamangena ndua lavwindɨ, wogwendi. Wogwendi mala ndi kat ensel wandi. Ngwut Godna ngayat ay. Apma vat kwo yetɨnjeya vak kat ndi kat ambuk ngwula waa wandɨ ensel.


Godna waagan Filip kat wandɨ. Ndɨna karis ngwaymba ay waa wandɨ.


Filip waa nyaangɨt nɨma sakwat nɨmba wutaa ndina maawutmba God waa nyan Kraist kat mbutndɨ.


Ensel ndi Godna njɨvwa kwutɨga nɨmba ndi. God ndi kat aywandɨ maa ndɨna mbbapma wuleigiya nɨmba kat ndi kat kwunatɨgandi.


Lean sinn:

Sanasan


Sanasan