Aposel 26:11 - Iatmul: God Waa Nyaangɨt

¹¹ Nɨma sakwat njambɨ wowun maa Juda yisolaa tɨla ngaymba ndi kat viyandi. Ndi kat wowun. Wan mbaapma kwagala. Kavle vatna waa wowun. Ndi kat nɨma vat nyigi maawut yelavɨka tɨwun. Ngepma ngepma yiga ndi kat kavle vat yiwun.

Aposel 26:11 Iomraidhean Croise

Matyu 10:17

Ngwuk yigumba vɨga lɨgiyangwuk. Nat nɨmba ngwuk kat kwutaa kotngwangat kaligiyandi. Juda ngaangɨt ngambulɨnja ngay ngwuk kat kwutaa kalilaa viyaigandi.

Mak pɨlɨwutna 13:9

Ngwuk yigumba vɨga alɨmba ngwuk. Wan apma nyaangɨt ngambungweyangat ngwuk kak kwutaa kaligiyandi. nyaangɨt ngambulɨnja ngaymba ngwuk kak viyaigandi. njambwi nɨmbagwi nɨma nɨmba kat wun kat tɨga laataa kwukwa njɨvwa kat ndi kat mbukiyaangwuk.

Mak pɨlɨwutna 3:28

Ndɨ kat tak wandi. Waagan mɨn kat tavilɨgandɨ. Wungi kat tɨga wupma wandɨ. ngwuk kak wowun. ndinyangu kavle ya vak kat God alɨpsɨga lɨmbwigiyandɨ. Kɨta nyan God kat kavle nyangɨt wandeyan God wan kavle vak kat alɨpsɨga lɨmbwigiyandɨ. Kɨta nyan Godna waagan kat kavle nyaangɨt ngambundeyan God ana alɨpsɨga lɨmbwigiyandɨ waa wandɨ Jisas.

Luk pɨlɨwutna 15:17

Tɨga lɨga ndɨna maawupmba yelavɨtndɨ. Wun manda kat kumba kavle vat yetɨgowun. Wuna nyaekna njɨvwa kwutɨga nɨmba ndi kɨgɨnda nɨma sakwat tɨgandɨ. Wun kɨgɨnda tapman tɨga kiya mɨna lɨgowun.

Luk pɨlɨwutna 21:12

Wan wawa vak yalapman tɨndɨ, tat ngwuk kat kwutaa viyaigandi. Ngwuk kat kavle vat yigiyandi. Ngwuk kat kotmak yisolaa lɨnja ngay kaligyandi. Ngwuk kat kalabusmba taagagiyandi. Wuna njɨvwa kwukngwuk maa ngwuk kat kwutaa kotmak njambwi nɨmba kat kaligiyandi.

Luk pɨlɨwutna 6:11

Ferisi ndɨ kat vɨlaa walaa lɨndi. Jisas kat anda vapmba kavle yigiyanɨn waa awat sowat ngmambuga lɨndi.

Aposel 13:45

Nɨma sakwat nɨmba Pol kat yɨndi. Nat Juda yinjangat vɨlaa yelavɨtndi. Wan nɨmba tat nɨnagwinala lɨndi. mbambala Polna kwupmba yigandi. Kavle vatna yinja wa yelavɨtndi. Wan vak yelavɨtaa Pola waa nyaangɨk kat kai wandi. Ndɨ kat njɨka wandi.

Aposel 18:6

Nat ndu Pol waa nyaangɨt kat kai walaa kavle nyaangɨt ngambulɨndi. Man su lɨgiyataa viyalɨmba vla mbangɨmba la waavwi wupma kwataa mbaw vɨvlɨmbɨt tɨpmwi sɨpana. Wuna vat ana ndɨ. Ngɨni ngwuk Juda ngwuk kat wan apma nyaangɨt ana mbukiywoun. Ngwuk kat kwagalalaa Juda ana ndi nat nɨmba kat yiga mbukiyowun wandɨ Pol.

Aposel 22:19

Wun ndɨna kwundi kat awat wowun. Njamwi nyan. Tat yisola lɨnja ngay wuleilaa mɨn kat yelavɨtɨga nɨmba kat kwutaa kalilaa ndi kat viyowun. Mɨna nyaangɨt mbutɨga nyan Stiven ndi kat vatnyanja njɨmbla ndɨ kat vatnyala nɨmbana waavwi vɨga lɨwun. Wun yelavɨkwun. Wan kavle nyan kat apma vat yilɨgandi waa yelavɨkwun. Wan vak yiwa vak kat aywaa wutndi. Tat ndinogwinala yetɨwun. Waweya nyaangɨk kat kai ana waigandi.

Aposel 22:5

God kat kwunatɨga njambwi nɨmbagwi ndɨna mbaapma nɨmba wawa vak ndi wuka lɨndi. Woseka ana wowun. Damaskas walɨnja ngepmamba lɨga Juda kat ndi pas pɨlɨwuta wun kat kwindi. Wan pas kwutaa yiwun. Jisasna mbaapma nɨmba kat kwutaa ngilaa Jerusalemat kalivat yiwun. Ndi kat nɨma vat yivat yiwun.

Aposel 9:1

Jisasna mbaapma nɨmba kat vatnyagiyowun waa yelavɨtndɨ Sol. Yelavɨtaa God kat kwunatɨga njambwi nyan kat yindɨ.

Jems 2:7

Ndi sanyo lɨga nɨmba Godna sɨ kwutaa viyesanda lɨgandi. Ndɨ kavle nyan ana ndɨ. Ndɨna sɨ manda kat kwutaa viyesanda lɨgandi. Ndɨ God ngwuk kat apma vat yindɨ. Ngwuk kat kwutaa ndɨna mbaapmamba taagandɨ.

2 Pita 2:16

Belam kavle vat yilɨndɨ, vɨlaa ndɨna donki kwunimba ndɨ kat kai walaa kavle vat yivat yindeya yambɨ ndɨ kat tɨvɨndɨ.