Aposel 23:10 - Iatmul: God Waa Nyaangɨt

¹⁰ Nɨma vat ngumbuga waleandi. Romba lɨga yaa njambwi nyan Pol kat kavle vat yigiyandi waa vaatɨndɨ. ndɨna soldia kat wandɨ. Ngwuk ndina nɨndɨmba ndailaa Pol kat kwutaa ngwula ngayat kali waa wandɨ.

Aposel 23:10 Iomraidhean Croise

Aposel 21:37

Pol kat soldiana ngay kali mɨna lɨndi. Pol njambwi nyan kat wandɨ. Mɨn kat mbupmat yigowun. Wutaa njaambwi nyan ndɨ kat wandɨ. Wukowun. Wun kat wowun Grik walɨnja nɨmbana kwundimba wamɨn. Mɨn Isipmba ya kavle nyan ana mɨn. Tat wan nyan soldia 4,000 kwutaa gavman kat sɨvat tɨndɨ. Mbambala ndinogwio ndɨna soldia kwo kavamba yetɨlɨgandi waa wandɨ.

Aposel 22:24

Romba lɨga yaa njambwi nyan soldia kat wandɨ. Pol kat kwutaa ngwutna ngayat agiyamba ngwuk. Ndɨ kat viyaga Judana nɨma vat yilɨnja vatna angwa ndɨ kat wagala waa wandɨ.

Aposel 23:16

Polna laawa ndina nyaangɨt wutaa soldiana ngay wuleilaa Pol kat mbutndɨ.

Aposel 23:27

Wan nyan Polndɨ kat Juda kwutaa vatnyavat wandi. Pol Romba la nyanat tɨnda kat wutaa ndɨnai lɨga vat tɨvat yiwun.

Aposel 23:28

Ndina nyaangɨtna angwa kwundi wupma Pol kat kwutaa ndina njambwi nɨmba la kavat kaliwun.

Aposel 23:32

Nat nandinya mamba veilɨga soldia ndi kat kwagalalaa lungwamataa soldiana ngayat yindi. Hosna mbunimba wataa yalɨga soldia Pol kat kwutaa Sisariat kalindi. Vɨga la nyan wan pas vɨlaa Pol kat wagalandɨ. Mɨna angwa ngepma anda nɨma kɨpmamba lɨgandɨ waa wagalandɨ. Pol wandɨ silisia walɨnja nɨma kɨpmamba lɨgandɨ.

2 Korin 11:26

Nɨma sakwat sɨvla ava yambɨ yilɨwun. Nmɨa sakwat njambɨ ngu kɨga kiyavat yiwun. Nat nɨmbana nɨmbundawi sɨkwutɨga nɨmba wun kat vatnyavat tɨndi. Ndi Juda wun kat vatnyvat tɨndi. Juda ana ndi nat nɨmba wunkat vatnyavat tɨndi. Ngepma ngepmamba wun kat vatnyavat tɨndi. Kwapɨmba wun kat vatnyavat tɨndi. Mɨna kɨta mbaapma nɨmba nɨn waa woseka wala nɨmba wun kat vatnyavat tɨndi.

Jems 1:19

Wuna mbaapma nɨmba, ngwuk kat nɨma vak yelavɨka lɨgowun. Kɨta nda kat vɨngwangat wawun. Awuk ngwula. Nat nɨmbana nyaangɨt awuk ngwula. Ndi kat wata wangweya. Kwo nda lɨga awuk ngwula. Kwo ndi kat ke walea lɨngweya.

Jems 3:14

Ngwutna nat nɨmba kat tɨpmwi kwula yiga lɨgandi. Nat nɨmba kat kwulapmak yelavɨka lɨgandi. Wan vak ana nglaatndɨ. Wan vapmba yelavɨka lɨngweyan apma maawut sɨka tɨganɨn waa ke wangwa. Apma maawut ana sɨka lɨgangwuk.