Zefania 3:5 - Iaai Bible 1901 (New Caledonia)

⁵ At ae wisa Iehova hnyi wanben e; e ame ca he ka ânyâ hulö; e ame oâ hna owisa ka hnyi melam hnyi je hnyomakatu, e ame ca haû bi; ke haba at ae ca wisa bi, me ca khana bi hmehma.

Zefania 3:5 Iomraidhean Croise

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

Je tenge anyi Jeremi 3:23

Kʼ ame teb ûnyi hnyi je hnyomakatu; e gan hmâ ânyâm hnathu.

Salamo 145:17

E wisa Iehova hnyi deny ta je gethen hia, Kʼ ame betenge hnyi anyin ta je huliwa hia.

Zefania 3:15

A hia but Iehova hom hna owisa gam, e ame hia but ohia iwahnaihmiony möu: e bi hnyi wanbâm Iehova Tuhan Isaraela: u me ca he hmetu ka outen ûnyi ae kong.

Isaia 28:19

Hnyi je ûen e ame he ka o, me ame he ka hum öbun; anyin a e ame he ka o hnyi je hnyomakatu, me lany me lit: ke e thibi ot he ka wâhmakhmeto ûthumetu.

Zefania 3:17

E bi hnyi wanbâm Iehova Khongom, at ae hwege, kʼ ame he bi ka omelö: e ame he ka senyin köu ke hobâ, e ame he ka laba wia hnyi anyin betenge, e ame he ka senyin gam ge khumöng.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Deuteronomi 23:14

anyin a Iehova Khongom ame he hnyi wanben hnâm hna hunuma, he ka omeli u, me hna je iwahnaihmiony mou hnyi hnyimâkâm; anyin a wale ame he ka kap bi hnâm hna hunuma: me me ca he ka wâ unyâm ke ûnyi ae kong, me me hna degeci u.

I. Peteru 1:17

Ke öbun e ne hawâ Kamen, wale at ame ca wâhmakhmetoâ tavat, me at ame ve hnö tavat helâ me huliwa anyin ke at me ke at, awe, ot ju hnyi ûen öbun e tiga laba atkanyaua:

Roma 3:26

mʼ adre me omanenâ hnyi ûen ang hwakecin ae wisa: me me ka wisa bi, kʼ ame he minya ka haiwisa at ame labageju kö Iesu.

Zakaria 2:5

Anyin a haba inya, me oge me he ka helâ me hak meic igigilo e, haingö Iehova, anyin a haba inya, me hnân hmanenang hnyi wanben e.

Salamo 37:6

Me e ame he ka oâ hwakecâm ae wisa hela me melam, Ke je hna owisa u helâ me jebigö.

Jobu 34:10

Anyin a wale, ling nya ju, öbun tavat wâhmakhmeto: E so e ûsâkâûö hulo me Khong; Ke hwakecin ae kong me Ataekhanahia.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

Luka 12:2

Anyin ae ba ûnyi adre me ikhâlâ ame ca he bi ka manen: ke ba ûnyi ae iyong adre me ca he ka wâ.

Zefania 2:1

HNYEI ame ca hmehma lö, ûkhacaköu thʼ öbun, eke, ûkhacaköu thö;

Habakuka 1:3

Anyin a ieû u je omanenâ kônya hulö, me wâ hwakecin ae hwali? ânyin a e hnyi hnyimakök hna söh me ûokonguny: ke e hu hna ivinö, ke adre me oâ iwatreta.

Mika 7:9

Oge me be ka hok hnyokâ hmonyin anyi Iehova, anyin oge hia but monu kâu; ke ne o but e ame he ka ivino hobi könya, me owisa hobi könya: e ame he ka su nya ka hnyi melam, ke oge me he ka wâ hwakecin ae wisa gan.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Ezekiela 48:35

Ke haba je hlowe igigilo me eitin thauzan: ke hwân hnyi bong eling haba ien taun, me, Iehova bi eling.

Jeremia 21:12

Lap anyi Davita lö, walang hna ha hnö Iehova, ka habe, Ânyâ thö ûnyi ae wisa hnyi hnyomakatu, ke omelo thö at adre söh ûnyi hnyi hnyamen at ûöveci, wâ e nye gâ but anyik hmonyin helâ me meic ame ubâhlâ, ke ba at ama ume, can ûkongon anyibun ta je huliwa.

Jeremia 8:12

Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Jeremia 6:15

Hawa, ödra hmehma can ta je ûnyi ae ikiki adre me ânyâ? e ba, ke ba ong hmehma gadra, ke ca khanʼ ödra hmehma: anyin a wale adre me he ka tha ta me tavat adre me ta: hnyi ûen oge me he ka senʼ ödra adre me he ka haû, haingö Iehova.

Jeremia 3:3

Anyin a wale adre behânâ je uth we, ke ba but we a biliny; ke hu gam bariny momo hnyi gethen, u je ca hmehma bi

Isaia 50:4

Haba Than Iehova ame hia but ham könya bohmen at ûne, me me khanö nya he ka sihwegiâ at ae sēnyin ge hofuc: e ame ûöhmak hnyi je hnyomakatu, e ame ohmâkâ hnyikönyök he ka löng helâ me tavat ûne.

Isaia 45:21

Haimemenâ thö, ke hakekenyâ thö; eke, e so adre me tha ûhnenamö: ia omanenâ e hwân kâû adrem? ia haimemenâ e hwân kâû ehac? hawa, ca hnok Iehova? ke ba ju ke Khong, ke hake inya ke; Khong ae wisa me at ûhomeli; ke ba ju ke at, ke inya thibi.

Isaia 33:2

Iehova lö, betenge ju gahmun; öhmun e hia but halubahingâm: e so u ma bi hnyamödra hnyi je hnyomakatu, ke melihmun minya hnyi ûen vec.

Jobu 8:3

Hawa, ame he Khong ka onua hna owisa? Ke ame he Ataekhanahia ka önua wisâ?

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Jobu 7:18

Me u me he ka wâ e hnyi je hnyomakatu, Me labö cubec e hnyi je ong ûen hia?

Salamo 92:15

He ka omanenâ a e wisa Iehova; E thibi kicik, ke ba balua hwali gan.

Ezekiela 18:25

Ke so bi, öbun e ha, ka habe, E ca ûcû hna ânyâ hnen Than. Lap anyi Isaraela lö, long ju walang ang: Hawa e ca ûcû hwakecik? hawa e ca hwali bi hwakecibun?

Hosea 14:9

Ie at ae metâ, me me wâ ûnykûme ta je ûnyi eling? ie at ame wâ wia me me wâhmakhmeto ta je ûnyi e? anyin ae wisa je gethen de Iehova, ke ame he at ae wisa ka vheno; ke ame he tavat hanyâûâ ka ta hnyin.

Zefania 3:13

Ke ame ca he je kolon! hnyi Isaraela ka ânyâ hulö me ha thoi; kʼ adre me ca he ka wâ hnyi je hnyimödra bohmen ae iyawö; anyin adre me he ka han me mokut, ke ba at ame he ka ooti ödra.

Hosea 6:5

Anyin a wale, oge hia but kucʼ ödra a deny je perofeta; oge hia but hlingʼ ödra ge je ifucin hnyimök: ke ame he but je hna owisa gam helâ me melam.