Zefania 3:2 - Iaai Bible 1901 (New Caledonia)

² E ame ca long hofuc; e ame ca kap hna ûnö; e ame ca labageju bi kö Iehova; e ame ca hakekeny bi ka Khong.

Zefania 3:2 Iomraidhean Croise

Nehemia 9:26

Ke so bi ödrin e ca ûling, ke ödrin e hna degeci u, me hna hotudrin ai ânyâm hnanyibu, me hlingâ ânyâm je perofeta tavat adre me thawʼ ödrin, he ka ohmetu ödrin köu, ke ödrin e oâ hmonyin ae gan hmâ.

Salamo 10:4

Haba at ae kong, ûnyi hnyi bi ganiny hnyimakan, ame ha, ka habe, E ame ca he ka elâm e. Ke haba hnen je hna ûnykûme hia, ka habe, E ba bi Khong.

Salamo 50:17

Anyin a u me höciâ hna ûne, Me degec hotom ai hok ta je hofuc.

Salamo 73:28

Ke haba inya, e so könya he ka hakekeny ka Khong: Oge me hia but wia Than Iehova me me hnok hna lubaduöng, Mʼ oge me he ka omanenâ ânyâm ta je huliwa hia thithö.

Salamo 78:22

Anyin adre me ca labageju ka Khong, Me gejon anyin ûhomeli.

Ta je Vejec 1:7

Haba hwakecin he ka ot kö Iehova, me wale hwân he ka wâhmakhmeto; Haba tavat ae monu me adre me hmiôdra meta me hna ûne.

Ta je Vejec 5:12

Ke u me he ka ha, ka habe, Nakaik ge hna ûne oge hmiök, Me hna unö a höciâ ge hnyekuk;

Isaia 1:5

Anyin a ieû adre me he hmetu ka kuc öbun, me tiga bihanen bala hnobun hna ûkhin fuc? Ame mok hia ban, ke sēnyin hia hnyok.

Isaia 29:13

Ke haingö Iehova, ka habe, Anyin ame hakekenyi nya tavat ang ge je hnyimödra me oganö nya ge je esongodidra, kʼ adre me oûsâkâûö mönya je hnyekudra, ke haba hnödra hna outö nya, me wale thibi hna nʼ ödra ge hna ûne hnen at:

Isaia 31:1

EKÖLÖ gadra tavat adre me he Aigupito ai, he ka hok ûhadruo, me labageju ka ta je hors; me labageju ka ta je kariota, anyin ae se hia: me labageju ka tavat tabö hors, anyin a ödra ti hwege; ke adre me ca bwela ka Kabi Isaraela, me ca elom Iehova!

Isaia 43:22

Ke so bi u je ca hawo nya, Jekob; ke u je katebu könya Isaraela.

Isaia 9:12

at Suria hnyi hnyimakodra, me at Filisiti hotudra ai; ke adre me he ka uto Isaraela ge hnyem ae memang. Ke hnyi ta je ûnyi e hia, e ame ca hwio hnyi anyin hmonyin, ke ame lau bala bi hnyamen.

Jeremia 13:25

Walang hna khenâ köu, jekhom adre tuluto köu ûnyi gak, haingö Iehova; anyin a u je hnying nya me labageju ka hnyi thoi.

Jeremia 2:30

Oge kot je lakubun ke ûnyi baû bi; adre me ca kap hna nʼ ödra; hnen anyibun hele vat hna an anyibun je perofeta, helâ me liona at ame ohia.

Jeremia 22:21

Oge fuc köu hnyi ânyâm sot, me u me ha, ka habe, Oge me ca he ka löng. Wale hwakecâm kʼ u tiga ûhnyûkong, ke u je ca löng ifucik.

Jeremia 32:33

Ke adre me hia but wia könya hotudra, me ca hnyimakodra bi: eja ke ne oge ne nʼ ödra, me vesâ kong me ûne, me adre me ca he ka löng me kap hna ûnö.

Jeremia 35:13

Walang hna ha hnö Iehova tuhan sabaoth, Khongu Isaraela, ka habe, He thö ka ha ka at Juda me tavat aten Jerusalema, ka habe, Hawa, öbun e ca he ka kap hna ûnö me löng hok hofuc? haingö Iehova.

Jeremia 35:17

anyin a wale walang hna ha hnö Iehova Khongon sabaoth, Khongu Isaraela, ka habe, Wâ bi, oge me he ka oâ ka at Juda, me aten Jerusalema, hia ta je ûnyi ae kong waleji oge ha gadra: anyin a oge hia but fuc ködra ke adre me ca löng bi: ke oge hia but hongot ködra ke adre me ca ieû bi.

Jeremia 5:3

Iehova lö, hawa, ame ca wâ ûnyi ae hnathu hnen li emâkâm? u je kuc ödra ke adre me ca vec bi; u je öaûʼ ödra, kʼ ödra höcö bi he ka kap hna nâ: adre hia but onâkâ je hnyimakodra hon veto; ödra höcö bi he ka hmetu.

Ezekiela 22:24

Nokon at lö, ha thö kâu, ka habe, U hnyei adre ca ânyâwia, ke a ca hû we hnyi bonginy hmonyin.

Ezekiela 24:13

E bi hnyi hwakecâm ae ikiki ûnyi ae ti kong: oge hia but obosoi u ke u ca bo so, anyin a wale adre me ca he hmetu ka obosoi u ûnyi hnyi hwakecâm ae ikiki, ke ne o but oge me he ka ip hom anyik hmönyin.

Zefania 1:6

ke tavat adre me hmetu unyi Iehova; ke tavat adre me ca elöm Iehova, me ca hnö e.

II. Timoteo 3:16

Haba ta je hna sihnalimen hia ûnyi ge hanon Khong, rae ûcû minya hnân he ka ûne, me hnân owisa, me hnân nâ, me hnân sihwege hnyi hwakecin ae wisa:

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai: