Zefania 1:5 - Iaai Bible 1901 (New Caledonia)

⁵ ke tavat adre me hic hon ban je uma ka ta je ûnyi hnyi drany, ke tavat adre me khemanyin ko Iehova, kʼ adre me khemanyin ge anyidrin than;

Zefania 1:5 Iomraidhean Croise

I. Je Than 11:33

can ödrin e digic nya, me khudrung kö Aseira khong momo anyin at Zidona, me Kemosa khongon at Moaba, me Milekoma khongon laku Amona; ke ödrin e ca vheno dek je gethen, he ka ânyâ wisa hnyi hnyimakök, me tuö anyik je hnanyibu helâ me Davita a kamen.

I. Je Than 11:5

Anyin a Solomona ame hnu hotu Aseira khong momo anyin at Zidona, me Milekoma ae ikiki anyin at Amona.

I. Je Than 18:21

Ke haba Elia ame hakekeny ka tavat hia, me ha, ka habe, Ke ne o but kehö öbun e he ka lolo hnyi li hna ûnykûme a lo? Ame ne Khong Iehova, awe hnu thö e: ke ame ne Baala, awe hnu e bi. Ke ame ca thu kâu tavat ge hofuc a khaca.

II. Je Than 17:32

Me ödrin e outö Iehova, me otilâ hobi ködrin ke ûnyi gadrin, hnyat bihut hnyi je dok ae görany, a hnyat ödrin e bi hut hobi ködrin hnyi je uma umen je dok ae görany.

II. Je Than 17:33

Ödrin e outö Iehova me bi athnyabainy je khongudrin, hoton hwakecin je hnyei adre hia but hum ödrin ûnyi hnyin.

II. Je Than 17:41

Ke haba je hnyei eling ödrin e outö Iehova, me bi athnyaba ka anyidrin je hnatheat; helâe minya lakudrin, me lakon lakudrin, ödrin e ânyâ helâ me hna ânyâ hnen lakamödrin ke ne o but hnyi bong ang.

II. Je Than 23:12

Ke haba je taben hut walethö hnyi hon ban hnyeule Ahaza, a ânyâ ge je than Juda, me je taben hut a ânyâ Manase hnyi li hnyeuleny uma umo Iehova, me haba than ame kia but, me hagutâ hnyikânâi ûheny e, me khûâ dron ka hnyi wagewe Kederon.

Isaia 22:1

HOK honen hnyigöulen bucen adre me omanenâ hnyin. Ieû gam walang ang a u je tha ölö ka hnyi hon je ban uma me je âtâm hia?

Isaia 44:5

Ame he ke at ka ha ka habe, Inya atö Iehova; ke ame he ke at ka hwenyi ien bi hoton iö Jekob; ke ame he ke at ka sihnalimen ge hnyamen hobi kö Iehova, me hwenyi ien hoton iö Isaraela.

Isaia 45:23

Oge hia but khemanyin gak bi, ame he but hofuc ûnyi hnyi hnyimök hnyi wisa, ke ame ca he bi ka hmetu a gʼ adre me he hia ka cibouca könya, ke ame he ta je hnyem hia thithö ka khemanyin gak.

Isaia 48:1

LAP anyi Jekob lö, long ju ang, öbun tavat adre hwenyi iödra hoton iö Isaraela, a tavat adre me o but ûnyi hnyi je köien Juda; a tavat adre me khemanyin hnyi iö Iehova, me ha ge Khongon Isaraela, ke ca hnathu bi me wisa.

Jeremia 12:16

Ke ödra ka he ka ti nâ je gethen deny lakeik, me khemanyin hnyi iök, ka habe, Kia inya Iehova; helâji me hnödra hna nâ lakeik he ka khemanyin ga Baala; awe, adre me he ka up ödra goranyai wanben ik hnyei.

Jeremia 19:13

ke haba ta je uma hnyi Jerusalema, me ta je uma umen je than Juda, a je uma adre oikikiâ, ame he ka helâ me Tofet, wale je uma hia thithö waleji adre me leû utö ae bo so ka hnyi hon ka ta je ûnyi hia hnyi drany, me hingâlâ hudiny ic ka ke je khong.

Jeremia 32:29

ke ame he ka o at Kaledaia tavat adre me vat me taun ang, me thong taun ang ge meic me me hlâ, tha e me je uma wale adre me leû utö ae bo so hon kö Baala, me hingâlâ hudiny ic ka ke je khong, me adre me ohmönyini nya.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Jeremia 49:1

GE je laku Amona. Walang hna ha hnö Iehova, ka habe, Hawa, e ba laku Isaraela? ke ba at he ka hwöhwa-ban? ke anyin a ieû ame hwöhwabö Gada hnö Malekama, ke ta je aten adre me labā je tauniny?

Jeremia 5:2

Ke adre me ne he ka ha, ka habe, Kia inya Iehova; e hnathu, adre me khemanyin thoi.

Jeremia 5:7

Oge me he ka kâmâu he ka hnö u? haba je lakom adre hia but hna degeci nya, adre me khemanyin ge tavat a ca je khong bi: hnyi ûen oge me ha öʼdra sekuni ödra, adre me bi ûnyi monu, me ûkhacaköuâ je deö at hnyi je uma umen momo hnyi gethen.

Jeremia 7:10

me o me tot hnyi hnyimakök hnyi uma eang, waleji adre ip hon e iök me ha, ka habe, Adre hnʼ ohmun; mʼ öbun e he ka anyi ta je ûnyi hia eling ae ikiki?

Jeremia 7:9

Hawa, öbun e he ka venöu, me ûhlingö, me bi ûnyi monu me khemanyin thoi, me leû utö ae bo so kö Baala, me hnu hoton ke je khong, wale ae ca khanʼ öbun,

Jeremia 8:2

ke adre me he ka ve ip ödra hnyi hnyimakan seûno me tehi, me je dö hia hnyi drany, waleji adre me hnyok kâu, me bi athnyaba kâu, me hnu hoton, me elâm, me khudrung kâu: adre me ca he ka ûkhacaköu me konim ödra; adre me he ka hnân tatet hnyi kânâ.

Hosea 10:2

Ame kia but je hnyekudra; ke walang adre me he ka owisa anyidra hulo; e ame he ka thö degecâ anyidra je taben hut, me okongoâ anyidra je veto ame tot.

Hosea 4:15

Isaraela lö, eja ke ne u je ne bi ûnyi monu, ke so u Juda ame ca he bi ka monu; ke ca he öbun Gilegala ai, ke ca he Beth-aven ai, ke ca khemanyin bi, ka habe, Kia inya Iehova.

Amosa 5:26

Eke, öbun e hia but hom tilâ Sikutha a tuhöbun me Kiuna anyibun je hnatheat, okhûiny khongubun khong, waleji öbun e ka ânyâ hobi köbun.

Mataio 6:24

E ba at ae khana be ka athnyabainy li tuhan a lo: anyin a e ame he ka hûkötiâ khaca me weny khaca; kʼ ame ne be ka kece ka khaca me hociâ khaca. E ca khanʼ öbun he ka bi athnyabainy Khong me mamona.

Ta je huliwa 10:9

Nyi, tiga ödrin eû hnyi gethen, ödrin hakekeny jut ka hnyi taun, haba Peteru ame ölö thö ka hnyi hon uma he ka hic [hnyi awa a siksiny:

Roma 14:11

Anyin adre hia but sihnalimen, ke habe, Haingen Than, ka habe, Kia inya inya, a gʼ adre me he hia ka ciboucâ könya Kʼ ame he ta je bohmen hia ka ve ogânâ Khong.

Deuteronomi 10:20

U me he ka outö Iehova Khongom; u me be ka bi athnyabainy, me kece kâu, me khemanyin hnyi ien.

Deuteronomi 4:19

ke wâ u nye bwele thö hnyi drany ai, ke u je wâ seûno, me tehi, me je okhû, a je ûnyi ae se hia hnyi drany, kʼ adre me hum u he ka khudrung me bi athnyabainy ta je ûnyi e, waleji Iehova ame ip hobi kâu ta je hnyei hia eang hmeledrany.

Josua 23:7

mʼ öbun e ca he bi ka laba unyin je hnyei eling, wale je kolon unyibun, me ca ha ien anyidrin je khong, me khemanyinâ, me huliwa ködrin, me khudrung ködrin: