Zefania 1:3 - Iaai Bible 1901 (New Caledonia)

³ Oge me he ka ohia tavat ke omeno; oge me he ka ohia omeno ame gâ ethö, ke ta je wâ eû hnyi köiö, ke ta je ûnyi ame öhaûâ, ke tavat minya ae kong; me oge me he ka subâ degecâ at ûnyi hnyi hon kânâ haingö Iehova.

Zefania 1:3 Iomraidhean Croise

Genese 6:7

Ke Iehova ame ha, ka habe, Oge me he ka ohia at waleji oge hia but op, ûnyi hnyi kânâ; wale at, me menoiny hnyot, me ûnyi ame iyâû, me meno ame gâ ethö; anyin a khenyi but hnyekuk ge hnök hna up ödra.

Isaia 27:9

Anyin a wale adre me he ka hneû degecâ hulo anyi Jekob, ke walang wan hia hnyi hna ohia anyin hulo; e ka ânyâ je vetoiny hia taben hut, me me helâ me veten inyâ veto adre me oamamâ, me me ca he hmetu ka tot je Aseira, me je hna theati seûno.

Isaia 6:11

Me oge me ha, ka habe, Than lö, ke ne o but kehö î Ke haingen, ka habe, Ke ne o but ame ba but wan je taun, ke ba at ame labā, ke ba but at hnyi je uma; ke ba but wan hnyei,

Isaia 6:12

ke Iehova ame hom but sâkâû ai tavat, ke e gau hmâ hna hna degecâ hnyei.

Jeremia 12:4

Ame he hnyei he ka tenge ke ne o but kehö, me meleca je ûöiny hnyot hia ae ometu? can hulo anyin tavat adre me labā e, adre hia but ohia je meno a vak can, me ta je meno ame gâ; anyin a haingodra, ka habe, E ame ca be ka wâ obiny köta.

Jeremia 50:3

Anyin ame o ke hnyei ûcon ûnyi hnyi hwadro, ame he ka öba wan iny hnyei, e ba at ame he ka labā e: adre kec ut, e hiʼ ödra, wale at me meno.

Jeremia 7:20

Anyin a wale, walang hna ha hnen Than Iehova, ka habe, Wâ bi, ame he ka hingölö, but anyik hmonyin me anyik wathethot hon dok ang; hnyi hon at me hon meno, me hon je ûöiny hnyot, me hon wan kânâ; ke ame he ka ubâhlâ, kʼ ame ca he bi ka mok.

Jeremia 9:10

Oge me he ka tenge thungaû can ta je bucen, me khumöng tenge can ta je dok a je sajilat hnyi hnyebuba, anyin adre thong degecâ thö, me me ca vheno hnen at; ke ca khana tavat he ka long hwan je meno; ame tha hia but je meno ame gâ ethö me je menoiny hnyok

Ezekiela 44:12

Anyin ödrin e huliwa kodra hnyi hnyimakan je khongudrin, me othôâ lap anyi Isaraela; anyin a wale, oge hia but hai goranyai hnyamok ûcûdrin, haingen Than Iehova, ke ame he bi ka takû ödra anyidra hulo.

Ezekiela 7:19

Adre me he ka khûâ eû hnyi gethen anyidra sileva, ke ame he ka helâ me ûnyi ae ikiki anyidra gol: e ca khana anyidra sileva me gol he ka omeli ödra hnyi bonginy hmonyin anyi Iehova; ame ca he ka sekudra, me öunöngötâ je hnyekudra; anyin a wale hulo at ame ohaûʼ ödra.

Hosea 14:3

Ame ca he Asuria ka omeli ohmun; ohmun e ca he ka tabâ je hors: ke ohmun e ca he hmetu bi ka ha ke je huliwa anyin je hnyamöhmun, ka habe, Obun je konguhmun: anyin ame wâ unyâm betenge ge tavat a mokcu kamödra.

Hosea 14:8

Ame he Eferaima ka ha, ka habe, Hnân eû hmetu könya je idola? oge hia but thu kâu ke oge me he ka wâ e: iny helâ me köp ae hât; adre me he ka wâ gak wan gam.

Hosea 4:3

Anyin a wale ame he hnyei ka tenge, kē sēnyin hia but tavat adre me labâ e, tha ödra me je menoiny hnyot, me je meno ame gâ ethö; eke adre me he minya ka hom but je wâ eû hnyi köiö.

Zakaria 13:2

Ke hnyi bong eling haingö Iehova tuhan sabaoth, me oge me he ka ohia ta je ien je idola hnyi hnyei, mʼ adre me ca he hmetu ka ûnykûme ködrin: ke haba khaca oge me he ka obâ ta je perofeta me ta je hanu ae ikiki hnyi hnyei.

Mataio 13:41

Ame he Nokon at ka kunâ anyin ta je angela, mʼ ödrin e he ka ûkhöûnâ ûnyi hnyi dokhon dökhu ta je ûnyi hia adre me bi jöniny, ke tavat adre me ânyâ hulö,

Mataio 23:39

Anyin a inya oge me ha köbun, ka habe, Öbun e ca he hmetu ka ö nya, ke ne o but ûen öbun e he ka ha hnyin, ka habe, Hnen hnahic at ame o but hnyi ien Than.

Hna Omanenâ 2:14

Ke e hu gak ke ta je ûnyi gam, anyin ae hu but unyâm keihen tavat adre me kât hna ûne anyi Balaama, waleji at ame nâ kö Balaka he ka ip ûnyi hnân othoâ hnyi hnyimakan Isaraela, waleji he ka an ta je ûnyi adre hudo ka ta je hnatheat, me he ka bi ûnyi monu.