Numera 9:18 - Iaai Bible 1901 (New Caledonia)

¹⁸ Haba lakon Isaraela adre me he hnyi ûen Iehova ame hûna, kʼ adre me hunuma hnyi ûen e ame hûna: haba hnyi ta je bong hia wale ûlâ ame laba hon uma mano, me adre me laba.

Numera 9:18 Iomraidhean Croise

Esodo 17:1

KE haba ûkhaeaköu hia anyin lakon Isaraela, adre me he ûhedra hnyi hnyebuba Sina, hoton je ûhedra, helâ me hna hûna hnö Iehova, me hunuma hnyi Refidima: ke ba köiö belen tavat.

Numera 10:13

Ke adre me bân ka he ûnyi hnyi musi anyi Iehova, a deny Mose.

Numera 9:16

Kʼ ame helâe bala: haba ûlâ ame tube e hnyi lany, ke helâ me meic hnyi lit.

Numera 9:19

Ke ame ne laba ûlâ hon uma mano hnyi je bong ae se, me haba lakon Isaraela adre me tuö hna otilâ hnö Iehova, kʼ adre me ca he bi.

Numera 9:20

Ke haba hnyi ke je ûen, me ame laba ûlâ hon uma mano hnyi je bong ae wakhalet; me ödra adre me hunuma bala hoton hna hûna hnö Iehova, ke adre me he hoton hna hûna hnö Iehova.

I. Korinito 10:1

HNYAT me lakeiny lö, e ca wek e me ca khanʼ öbun a ga mwi hia laka-möta hnyi hmelen ûlâ, ke adre me gethen hia hnyi köiö;

II. Ioane 1:6

Ke walang ibetengiö, ka habe, ate me he ka hnu hoton anyin ta je hnanyibu. Walang hnanyibu öbun e löng ûnyi hnyi can, mʼ öbun e he ka vheno e.