Numera 9:13 - Iaai Bible 1901 (New Caledonia)

¹³ Ke haba at ae bo so, kʼ ame ca hnyi he but, kʼ ame ca hnyi hanen paseka, me adre me he ka subâ degecâ at eling ûnyi hnyi iny hnyei: anyin a e ame ca hom hut kö Iehova hnyi ûen adre thu, kʼ ame he ka takoû at eling hnen anyin hulö.

Numera 9:13 Iomraidhean Croise

Genese 17:14

Ke adre me he ka subâ degecâ ûnyi hnyi iny hnyei at adre me ca peritomonâ unen unyin; e ame hanyâûâ anyik ûhihinyköu.

Esodo 12:15

Seven ta je bong öbun e he ka han areto hnyin adre ca levenâ bi: haba hnyi bong a bân öbun e he ka degec leven ûnyi hnyi umöbun ta je uma: anyin a haba at ame he ka han areto adre levenâ hwân hnyi bong a bân ke ne o but ka hnyi bong a seveniny, me adre me he ka subâ degecâ at e unyi Isaraela.

Esodo 12:19

Adre me ca he ka wâ leven hnyi umöbun je uma hnyi je bong a seven: anyin a haba at ame he ka han areto adre levenâ, me adre me he ka subâ degecâ at eling ûnyi hnyi ûkhaeaköu anyin at Isaraela, ame ne atkanyua, ame ne at adre hnokoâ hnyi hnyei.

Esodo 12:47

Ke ame he ka ânyâ e hnen ûkhacaköu hia anyin at Isaraela.

Esodo 30:33

Ke haba at ame he ka ûhaniken ûnyi helâe, me ip hanen hon ke atkanyua, me adre me he ka ohia at e ûnyi hnyi iny hnyei.

Esodo 30:38

Ke haba at ame: he ka ânyâ ûnyi helâe hnân hnulâ, me adre me he ka ohia e ûnyi hnyi iny hnyei.

Ezekiela 23:49

Ke adre me he ka bi hwaban hwakecibu ae ikiki hubu, ke ame he ka tabʼ öbu hulo ge anyibu je idola: ke öbu me he ka wâ a inya Iehova Than.

Levitiko 17:10

Ke haba at Isaraela hia, ame ne aten ke hnyei ame laba kanyua unyibun, ame he ka han dra; me oge me he ka wâ hmâ at eling ame han dra, me subâ degecâ e ûnyi hnyi iny hnyei.

Levitiko 17:4

kʼ ame ca hom e ka hnyi hwanumen uma ûkhacaköu, he ka hudo e kö Iehova hnyi hnyimakan uma mano anyi Iehova: ame he ka joniny at eling dra; kʼ ame hingâlâ dra; kʼ adre me he ka subâ degecâ at eling ûnyi hnyi iny hnyei:

Levitiko 20:20

Ke ame ne he ke at ka tha mokut me momo âiân liamekeiny me kamen; me e ame hai hnamejin liamekeiny me kamen bi: me ame he ka takû ödru ge anyidru hulö; ödru me he ka mok ke ba mâtrân.

Levitiko 22:9

Anyin a wale odrin e he ka tuö hnok je hna hûna, me me ca takû odrin hnen hulö, me mok can e, odrin ka he ka okongoâ: Inya Iehova at ame okabi odrin.

Levitiko 24:15

Ke u me he ka ba ka lakon Isaraela, me ha, ka habe, haba at ame hangâ Khongon, me ame he ka takoû e ge anyin hulö.

Numera 19:13

Ke haba at ame kâlâ komok, kʼ ame ca obosoâ e bi, me e ame okongoâ uma mano umo Iehova; kʼ adre me he ka subâ degecâ at eling unyin at Isaraela: anyin adre ca dukâiâ e hnen köien okabâ, e bo kong ut e; ke e bi unyin anyin bo kong.

Numera 19:20

Ke haba at ae bo kong, kʼ ame ca he ka obosoâ e bi, me adre me he ka subâ de gecâ at eling ûnyi hnyi ûkhacaköu, anyin a e ame hia but okongoâ dok a kabi Iehova: ke adre ca hia but dukâiâ e ge köien okabâ; e bo kong ut e.

Numera 5:31

Ke ame he ka he baû bi baga ge hulö, kʼ ame he momo ka hom takoû anyin hulö.

Numera 9:7

ke haba hnyat eling ödrin e ha kâu, ka habe, Öhmun e bo kong ut ûnyi ge komok: ieû gadra adre me ovheli ohmun, mʼ ohmun e ca he ka hnyi hudo hut kö Iehova hnyi ûen adre thu, tha ohmun me lakon Isaraela;

Heberu 12:25

Wâ ju eâu öbun, ke ca he ka hna degecâ at ame ha hofuc. Anyin a ne ca kec möt tavat eji adre me hna degecâ at ame koû ödra eang hmeledrany, awe, e ca khanʼ öta hmonyin he ka kec möt, öta ka he ka hotuta ka at ame koû ûnyi hnyi drany:

Heberu 2:3

ate me he ka kâmâu ka kec möt ut, öta ka ca oûnyihnatho möt ae nua helâe? waleji a bân Than ka ha, me ame ohnatho köta hnen tavat adre hnyi löng;

Heberu 6:6

ke adre me kolu hmetu, me pason hmetu he ka ohâti ödra ka hnyi ietra; anyin adre me osatauroâ hmetu bi kodra Nokon Khong, me ohmehma manenâ e.

Heberu 9:28

helâe minya Keriso, adre me okhaca hudo e he ka vadren ta je hulo anyin tavat ae se hia, me e ame he ka olo manen ka tavat adre me halubahingen e, ke ca ha bi ge hulö, ke hnân omelö.