Numera 8:26 - Iaai Bible 1901 (New Caledonia)

²⁶ ke adre me he ka labö huliwa tha ödra me je liamekeiny mödra hnyi uma ûkhacaköu, he ka tuö je hanymen, kʼ adre me ca he ka hnyi ânyâ huliwa. U ma he ka ânyâ helâe ka at Levi ge je hanymödra.

Numera 8:26 Iomraidhean Croise

I. Man Ûlabainy Je Than. 23:32

ke ödrin e he ka tuö je hanymen hnyi uma hnân ûkhacaköu, me je hanymen hnyi dok ae kap, me je hanymen laku Arona je liamekeiny mödrin, hobi kâu huliwainy uma umo Iehova.

Ezekiela 44:11

Ke so bi hamödrin he ka huliwa hnyi anyik dok ae kap, a tavat musi hnyi je homagouleny uma, me bi huliwa eio hnyi uma; ödrin e he ka hlingâ hudiny leû me hut hobi kâu hnyei, ke ödrin e he ka tot hnyi hnyimakan tavat me bi huliwa kodra.

Ezekiela 44:8

Ke öbun e ca hia but tuö hanymen ge anyik ta je ûnyi ae kap: ke öbun e hia but otilâ tavat tuö anyik huliwa hnyi anyik dok ae kap hobi köbun bi.

Numera 1:53

Ke ame he at Levi ka ve otilâ umödra je uma mano igigilö uma manoiny ohnatho, me me ca ta hmönyin ka hnyi hon ûkhacakoû anyin lakon Isaraela: ke hamen at Levi he ka tuö uma manoiny ohnatho.

Numera 18:4

Ke adre me he ka tha ödra mou, me tuö hanymen hnyi uma ûkhacaköu, hobi kâu huliwainy Uma: kʼ ame ca he atkanyua ka hakekenyi öbun.

Numera 3:32

Ke ame he Eleazara nöku Arona at bihut he ka tuhan je thaniny at Levi, me homakan tavat adre me huliwan dok ae kap.

Numera 31:30

Ke u me he ka hom ûnyi hnyi jekhon lakon Isaraela, ûsa khaca ûnyi hnyi je fifte, a tavat, me bolok, me asina, me mamoe, me omeno hia, me ham hia ka at Levi, tavat adre me ânyâ hanymen hnyi uma mano umö Iehova.

Numera 8:25

ke e ka fifte je hunaidra me adre me he ka bi obiny anyidra huliwa, kʼ adre me ca he hmetu ka hnyi huliwa;

I. Timoteo 4:15

Ûnykûme wia ta je ûnyi eang; khenen dö ka hnyin; me me manen dut troban ânyâm huliwa ka tavat hia,