Numera 8:12 - Iaai Bible 1901 (New Caledonia)

¹² Ke hamen tavat Levi he ka ip je hnyamödra hon ban li bolok: ke u me he ka hudo khaca hnân hudiny hulö, me khaca hnân hudiny leû, kö Iehova, me me bi hwaban möt anyin tavat Levi.

Numera 8:12 Iomraidhean Croise

Esodo 29:10

Ke u me he ka hom bolok ka hnyi hnyimakan uma hnân ûkhaeaköu: kʼ ame he Arona me je lakon ka ip je hnyamödrin hon bân bolok.

Levitiko 1:4

Ke e ame he ka ip hnyamen hon bân hut adre le; kʼ adre me he ka kap soâ e hobi kâu, me me bi hwaban anyin möt.

Levitiko 14:22

me lo li biny, ame ne li nokon meköta, helâ me ûcû kâu; haba khaca hnân hudiny hulö, ke hnân hudiny leû khaca.

Levitiko 16:11

Ke ame he Arona ka hom bolok hnân hudiny hulö, wale hobi kâu e bi, me e ame he ka bi hwaban anyin möt me anyin lap, kʼ ame he ka hlingâ bolok hnân hudiny anyin hulö:

Levitiko 16:21

kʼ ame he Arona ka ip li hnyamen hon ban got ae möt, me ha manenâ hon e je hulö hia anyin lakon Isaraela, me hnödra hna hanyâûâ, me anyidra je monu hia; kʼ ame he ka ip je ûnyi e hon ban got, me kunâ e hnen at adre penapena hnyebuba ai;

Levitiko 16:6

Kʼ ame he Arona ka hudo bolok hnân hudiny hulö, wale hobi kâu e bi, me me bi hwaban anyin möt me anyin lap.

Levitiko 4:15

Ke ame he wahingatiny ûkhacaköu ka ip je hnyamödrin hon ban bolok hnyi hnyimakö Iehova: ke adre me he ka hlingâ bolok hnyi hnyimakö Iehova.

Levitiko 4:20

Helâe e ame he ka ânyâ ka bolok; helâ me hnen hna ânyâ ka bolok hnân hudiny hulö, me e ame he ka ânyâ helâe kâ âng: ke ame he at bihut ka bi hwaban anyidra möt, kʼ adre me he ka linʼ ödra.

Levitiko 4:35

ke e ame he ka hom hia pipikhenyainy, helâ me hna uja pipikhenyainy nokon mamoe hnân hudiny ole; ke hamen at bihut he ka le ta je ûnyi e hon taben hut, helâ me je hut kö Iehova a an hnen meic; ke ame he at bihut ka bi hwaban möt anyin a e at ae monu, kʼ adre me he ka thang degecâ anyin hulö.

Levitiko 4:4

Ke ame he ka hom bolok ka hnyi hwanumen uma ûkhacaköu hnyi hnyimakö Iehova; kʼ ame he ka ip hnyamen hon ban bolok, me hlingâ bolok hnyi hnyimakö Iehova.

Levitiko 5:7

Ke ame ne ca khana he ka ham ke meno helâe can hulö e ame ânyâ, me hamen he ka hom hwaban kö Iehova, a lo li biny, ame ne li lakon meköta; hnân hudiny hulö khaca, ke hnân hudiny leû khaca.

Levitiko 8:14

Ke e ame hom bolok hnân hudiny hulö: ke Arona me lakon odrin e ip je hnyamödrin hon ban bolok a hudiny hulö.

Levitiko 8:15

Ke e ame hlingâ; ke Mose ame hom dra me kina e hon je baitoiny taben hut igigilö ge banyen, me ânyâ wia taben hut, me hingâlâ dra hmelen taben hut, me okabâ, me me bi hwaban möt.

Levitiko 8:18

Ke e ame hom mamoe baga a hudiny leû: ke Arona me lakon odrin e ip je hnyamödrin hon ban mamoe baga.

Levitiko 8:34

Helâ me hna ânyâ hnyi bong ang, helâe Iehova ame hia but hûna he ka ânyâ, ka bi hwaban anyibun möt.

Levitiko 9:7

Ke haingö Mose kö Arona, ka habe, He thö ka hnyi taben hut, me hudo thö hudiny ânyâm hulö, me ânyâm hut adre le, me bi hwaban ânyâm möt, me melen tavat: ke hudo hut anyin tavat, me bi hwaban anyidra möt, helâ me hna hûna hnö Iehova.

Numera 6:14

ke e ame he ka hudo anyin hut kö Iehova, a nokon mamoe baga a khaca ae ba hnyikongon, a khaca hunainy, me hnân hudiny leû, ke khaca nokon mamoe momo ae ba hnyikongon, a khaca hunainy, me hnân hudiny hulö, ke khaca mamoe baga ae ba hnyikongon hnân hudiny ole,

Numera 6:16

Ke ame he at bihut ha hom ta je ûnyi e ka hnyi hnyimakö Iehova, me hudo hudiny anyin hulö, me hudiny leû:

Numera 8:13

Ke u me he ka otilâ je at Levi hnyi hnyimakö Arona me lakon, me hajijingi ödra hnân hudiny hajijing kö Iehova.

Numera 8:8

Ke adre me he ka hom nak bolok, me hudiny han, a salawa ae so adre ûhaniken me wakaco, ke u me he ka hom ke nak bolok hnân hudiny hulö.

Heberu 9:22

Ke wakhalet thiju ta je ûnyi adre me ca obosoâ ge dra hnyi hnanyibu, ke ba minya hna thang ut hulo e ka ca hingölö dra.