Numera 8:11 - Iaai Bible 1901 (New Caledonia)

¹¹ kʼ ame he Arona ka hajijingâ tavat Levi hnyi hnyimakö Iehova hnân hudiny hajijing unyi ge lakon Isaraela, mʼ adre me he ka hnân hobi kâu huliwa anyi Iehova.

Numera 8:11 Iomraidhean Croise

Esodo 29:24

ke u me he ka ip hia hon li hnyamö Arona, me je hnyamen je lakon; ke u me he ka hajijingâ e hnân hudiny adre hajijingâ hnyi hnyimakö Iehova.

Levitiko 7:30

e ame he ka hom ge li hnyamen je hut a an ge meic kö Iehova, a pipikhenyainy, me ûlainy, e ame he ka hom, me me hajijingâ ûlainy hnân hudiny hajijingâ hnyi hnyimakö Iehova.

Levitiko 7:34

Anyin oge me kap ûnyi ge lakon Isaraela ûlainy hajijingâ me jevan hnân kap goranyai ûnyi hnyi anyidra je hut ole, me ham ûnyi e kö Arona at bihut me lakon me me hwajekhöûdrin nyiele balua ûnyi ge lakon Isaraela.

Levitiko 8:27

kʼ ame ip ta je ûnyi hia e hon hnyamö Arona, me je hnyamen lakon, ke e ame hajijingâ me me hudiny hajijing hnyi hnyimakö Iehova.

Levitiko 8:29

Ke Mose ame hom ûlainy, me hajijingâ me me hudiny hajijing hnyi hnyimakö Iehova: wale ö Mose ûnyi hnyi mamoe baga a hudiny otilâ: helâ me Iehova ame hûna kö Mose.

Numera 6:20

ke ame he at bihut ka hajijingâ je ûnyi e hnân hudiny hajijing hnyi hnyimakö Iehova; wale ûnyi ae kap hobi kâu at bihut, tha e me ûlainy hajijing, me benyin hnân kap goranyai: ke hwaban e, e khana at Nazeri he ka ic waina.

Deuteronomi 10:8

Haba hnyi ûen eling Iehova ame hake ip tribu anyin at Levi, he ka vadren tangen ûbihinyköu anyi Iehova, he ka tot hnyi hnyimakö Iehova, me huliwa kâu, me hahnahicâ hnyi ien, ke ne o but hnyi bong ang.